NEHEMIA 12:39 - Jinghpaw Hanson Version Bible

³⁹ bai, Ehprim chyinghka, Dingsa chyinghka, Anga chyinghka hte Hananela hte Hamea langchyi ni lai nna, Sagu chyinghka du nhtawm, sin langa ni a lam makau e tsap hkring nga ga ai.

Jinghpaw Common Language Bible 2009

³⁹ dai kaw nna Ehprim Chyinghka, Yeshana Chyinghka, Nga Chyinghka, Hananela Langchyi hte Latsa Langchyi ni hpe lai kau da nhtawm Sagu Chyinghka de du ga ai. Anhte gaw Nawku Htingnu de sa wa ai Chyinghka makau e hkring nga ga ai.

NEHEMIA 12:39 ပူးပေါင်းရင်းမြစ်များ

2 HKAWHKAM 14:13

Shing rai Israela hkawhkam Yehoasha gaw, Yuda hkawhkam, Ahazia kashu, Yosha a kasha Amazia hpe, Bet-sheme mare makau e rim la nna, Yerusalem de sa du yang, Ehprim chyinghka lam kaw nna, jut chyinghka du hkra, Yerusalem mare a bunghku hpe dawng mali tsa run kau mu ai.

NEHEMIA 12:40

Karai Kasang a nta kata e shakawn kungdawn ai hpung lahkawng, shing rai tsap nga nna, ngai hte rau agyi salang ni chyen mi rai nga ma ai:

NEHEMIA 3:1

Dai hpang hkinjawng agyi Eliashib hte shi a kahpu kanau hkinjawng ni gaw rawt nna, sagu chyinghka lam hpe galaw da ma ai; shanhte dai hpe shachyoi shapra nna, chyinghka ni noi da mu ai; Hamea langchyi du hkra, rai sa, Hananela langchyi du hkra, shanhte shangut nna shachyoi shapra da mu ai.

NEHEMIA 3:25

Uzai a kasha Pala gaw, bunghku magaw ai tawtap e mung, htawng wang makau, hkawhkam a lahta nta ndaw e nga ai langchyi hpe mung lajang wu ai. Shi a hpang e Parosha kasha Pedaia lajang wu ai.

NEHEMIA 3:3

Hasena kashu kasha ni gaw, nga chyinghka hpe galaw ma ai; shanhte gaw de a dingbat ni mara da nna, chyinghka ni hpe noi da ai hte, chyinghka shingla ni hte htinggrang ni hpe shakap da mu ai.

NEHEMIA 3:6

Pasea kasha Yoiada yan Besodia kasha Meshulam gaw, chyinghka dingsa hpe lajang da mu ai: shanhte gaw de a dingbat ni mara da nna, chyinghka ni hpe noi da ai hte, chyinghka shingla ni hte htinggrang ni hpe shakap da mu ai.

NEHEMIA 8:16

Ya mung masha ni sa wa nna, lakung lakying ni la wa nhtawm, tinang nta ni a ntsa e mung, tinang a wang kata e mung, Karai Kasang nta a wang kata e mung, hka chyinghka hte Ehprim chyinghka ndaw na dam lada ai shara e mung, sum gap nga ma ai.

YEREMIA 31:38

Bai Yehowa ning nga ai: Hananela langchyi kaw nna, mare jut chyinghka du hkra, mare daju hpe Yehowa matu dè da na nhtoi ni du na ra ai.

YEREMIA 32:2

Dai aten e Babelon hkawhkam a luksuk ni gaw, Yerusalem mare hpe wang tawn manu ai: myihtoi Yeremia gaw, Yuda hkawhkam a htingnu e nga ai htawng a wang kata e rawng nga ai.

ZEHPANI 1:10

Dai shani hta e, nga chyinghka lam hku e hkrap shabam ai nsen, mare wang lahkawng ngu na daw hta na, marawn jahtau ai hte, kawng ni kaw na sharut gyi ai nsen, pru na ra ai, nga nna Yehowa tsun ai.

YAWHAN 5:2

Ya Yerusalem mare hta dai sagu chyinghka makau e, jarawp manga gap da ai hte, Hebre ga hku Behtesda ngu ai hka lawng langai mi nga ai.