NEHEMIA 12:27 - Jinghpaw Hanson Version Bible

²⁷ Ya Yerusalem a mare bunghku hpe Karai Kasang hpe ap ya ai shaloi jang, ap ya ai poi hta, kabu gara ai hte chyeju dum let, mahkawn mangoi nna, shupsheng, doria, hte tingse dum na matu, shara shagu hkan nga ai Lewi masha ni hpe tam nna, Yerusalem de woi lung wa mu ai.

Jinghpaw Common Language Bible 2009

²⁷ Yerusalem mare bunghku ap nawng ya ai shaloi, Lewi masha ni nga nga ai shara kaw nna shanhte hpe jashawn la ma ai shaloi shanhte gaw ap nawng ya ai poi hta chyeju dum ai mahkawn mangoi ni hte rau, shup sheng, tingse ni dum let shang lawm lu ma ai.

NEHEMIA 12:27 ပူးပေါင်းရင်းမြစ်များ

2 SAMUELA 6:12

Dai Karai Kasang a sumpu majaw Yehowa, Obed-edom hte shi kaw nga manga ni hpe shaman ya ai lam hkawhkam Dawi na jang, Dawi bai sa wa nna, Karai Kasang a sumpu hpe Obed-edom a nta na la wa nna, kabu gara ai hte Dawi mare de shawn la ma ai.

1 HKAWHKAM 8:63

Shawlumon gaw Yehowa hpe mahku hkungga matu, usu mun lahkawng hkying lahkawng, sagu sen me mun lahkawng sat nawng ya wu ai. Shing rai hkawhkam wa hte Israela kashu kasha ni yawng dai nta hpe Yehowa a matu san tawn nna dingshawn shang ma ai.

1 HKAWHKAM LABAU 13:8

Dawi hte Israela masha ni yawng, mahkawn mangoi na matu, tingse, doria, chying, shupsheng hte pahtau lang let, n-gun lagaw mahkra hte Karai Kasang a man e dum nga ma ai.

1 HKAWHKAM LABAU 15:12

shanhte hpe, “Nanhte nan Lewi kaji kawa ni a dap na agyi ni rai nga myit dai, Israela Karai Kasang Yehowa a sakse sumpu hpe, ngai mazing da ai shara de hpai la na matu, nanhte hte nanhte a kahpu kanau ni tinang hkun shachyoi shapra mu.

1 HKAWHKAM LABAU 15:16

Bai, kabu gara myit hte nsen sharawt garu let, sumpyi, doria, tingse shupsheng dum nna, mahkawn mangoi chye ai Lewi kahpu kanau ni hta na lata san da na lam, Dawi gaw Lewi agyi salang ni hpe hkang da mu ai.

1 HKAWHKAM LABAU 15:28

Shing rai Israela masha ni yawng, garu jahtau nna, pahke, pahtau, shupsheng dum ai hte, tingse, doria hpe shangoi let, Yehowa a ga shaka sumpu hpe hpai wa ma ai.

1 HKAWHKAM LABAU 15:4

Bai Dawi gaw, Arun a kashu kasha ni hte Lewi masha ni hpe mung jahpawng la mu ai:

1 HKAWHKAM LABAU 16:42

shing rai Heman yan Yeduhtun gaw Karai Kasang hpe mahkawn mangoi na matu, pahke hte shupsheng aja awa dum shangoi ma ai: Yeduhtun a kasha ni gaw chyinghka sin nga ma ai.

1 HKAWHKAM LABAU 16:5

Asap gaw agyi rai nga ai; shi a lawu e nga nna, tingse hte doria dum ai ni gaw, Zehkaria, Yeiela, Shemiramot, Yehiela, Matihtia, Eliaba, Benaia, Obed-edom, Yeiela hte rai ma ai; Asap gaw ngoi garu ai shupsheng dum nga ai;

1 HKAWHKAM LABAU 23:5

hkying mali hte gaw chyinghka sin ai ni; bai hkying mali hte gaw, ngai Dawi galaw ai dum ai baw hte Yehowa hpe dum shakawn na, rai nga ma ai.

1 HKAWHKAM LABAU 26:31

Hebron amyu hta na, Hebron masha ni a kawa dap hkan yang, Yeriya gaw agyi rai nga ai. Dawi hkawhkam tai ai mali shi ning hta e, dai amyu ni hpe jahpan la yu yang, Gilead mung na Yazera mare hta nden ja ai masha mu hkrup ma ai,

2 HKAWHKAM LABAU 29:25

Bai shi gaw, Yehowa shi a myihtoi ni hpe hkang da ai majaw, Dawi hte shi a myihtoi Gad yan Nahtan bai hkang da ai hte maren, shupsheng, sumpyi tingse dum ai Lewi masha ni hpe Yehowa nta hta san tawn da mu ai

2 HKAWHKAM LABAU 29:30

Dai hta kaga, Dawi hte myihtoi Asap jahtuk da ai mahkawn ga hte Yehowa hpe shakawn kungdawn na nga, hkawhkam Hezekia hte du salang ni gaw, Lewi masha ni hpe hkang da mu ai. Shanhte gaw kabu gara myit hte mahkawn mangoi let, gum dagup nna nawku nga ma ai.

2 HKAWHKAM LABAU 5:13

ya pahtau dum ai ni hte mahkawn mangoi ai ni gaw, rau Yehowa a chyeju dum let shi hpe shakawn kungdawn nna, pahtau, shupsheng, dum ai baw kaga hte nsen langai sha hte Yehowa hpe shakawn kungdawn nna, Shi gaw mai kaja nga ai; rai sa, shi a chyeju htani htana e agrin nga ai, nga nna tsun ma yang, sumwi gaw Yehowa nta hpe nan ka-up nga ai;

2 HKAWHKAM LABAU 7:6

Hkinjawng ni gaw tinang a daw jau ai amu gun hpai let, tsap nga ma ai: Yehowa a chyeju htani htana anga nga ai majaw, shi hpe shakawn kungdawn na matu, hkawhkam Dawi galaw ai dum ai baw amyu myu lang ai Lewi masha ni mung, Dawi tawn da ai htung hte maren, Yehowa hpe mahkawn mangoi nga let, hkinjawng ni shanhte a man e pahtau dum nna, Israela masha nu yawng tsap nga ma ai.

EZRA 6:16

Dai rai nna, Israela kashu kasha ni, hkinjawng Lewi masha ni hte kaga naw rai nga ai bawng lawt ai kashu kasha ni gaw, kabu gara ai myit hte Karai Kasang a nta hpe dingshawn shang ma ai.

NEHEMIA 11:20

Naw ngam nga ai, Israela masha ni, hkinjawng ni, Lewi masha ni gaw, Yuda mare ni hta, tinang hte seng ai lamu ga sali wunli hta, de nga ma ai.

NEHEMIA 12:43

Dai shani jang shanhte gaw grai kaba ai shagu hkungga ni nawng ya nna, Karai Kasang shanhte hpe ja ja kabu shangun ai majaw, shanhte gaw kabu gara nga ma ai: kasha kanu ni hte kashu kasha ni mung kabu gara nga ma ai rai nna, Yerusalem a kabu gara ai gaw, tsan tsan kaw nna na lu ma ai.

NEHEMIA 8:17

Dai rai nna, bawng dung kaw na lawt wa ai shawa hpawng nlang hte gaw, sum gap nna sum ni hta nga nga ma ai; Nun a kasha Yeshua aprat kaw nna ndai shani du hkra, Israela kashu kasha ni gaw dai zawn n galaw yu ma ai. Shing rai kabu gara shara kaba rai nga ai.

SHAKAWN KUNGDAWN 149:3

Ka let shi a amying hpe shakawn mu: Shupsheng hte tingse dum let, shi hpe mahkawn mangoi nga mu ga.

SHAKAWN KUNGDAWN 30:1

Yehowa e, ngai nang hpe shagrau na nngai: Nang ngai hpe shaw la nit dai rai nna, gumlau ni awng wa na ahkang n jaw ndai.

TARA JAHPRANG 16:11

shaloi nang hte na a shayi shadang sha, na a mayam num mayam la, na a mare na Lewi wa, nang kaw shingbyi nga ai tsasam manam wa hte nang kaw nga ai jahkrai nmai, gaida gaina ni yawng, Yehowa shi a amying nsang tawn da na matu san da ai shara hta na a Karai Kasang Yehowa man e sa kabu gara nga na rai myit dai.

TARA JAHPRANG 20:5

Bai hpyen du ni mung masha ni hpe, “Nta gap nna dingshawn garai n shang ai, kadai lawm nga a ta? dai wa gaw nta de wa u ga; dai n rai, majan e si dam yang, masha wa e shang la kau na, tsang ra ai.

HPILIPI 4:4

Dai Madu hta tutnawng e kabu gara nga mu; bai ngai tsun nngai, kabu gara nga mu.

SHINGRAN 5:8

Dai laika hpe lu la ai shaloi jang, dai dusat amyu mali hte salang hkun mali gaw, dai Sagu Kasha a man e dingnyawm ma ai; shanhte langai hte langai tingse hte chyoi pra ai ni a akyu hpyi ai ga ngu ai manam pyaw ai baw hte hpring chyat nga ai ja gawm lang nga ma ai: