NEHEMIA 12:25 - Jinghpaw Hanson Version Bible

²⁵ Matania, Bakbuk, Obadia, Meshulam, Talmon, Akub hte gaw chyinghka sin ai ni rai nga nna, chyinghka lam makau na, rai tawn da ai nta ni hpe sin nga ma ai.

Jinghpaw Common Language Bible 2009

²⁵ Ndai Matania, Bakbukia, Obadia, Meshulam, Tolmon hte Akub hte gaw Nawku Htingnu sin ai ni rai nga ma ai, dai ni gaw Nawku Htingnu de shang wa ai chyinghka makau na sut gawk ni hpe sin hpareng ai ni rai ma ai.

NEHEMIA 12:25 ပူးပေါင်းရင်းမြစ်များ

2 HKAWHKAM 7:10

Shing rai shanhte gaw mare chyinghka sin ai ni hpe sa shaga nna, “Anhte gaw Suri masha ni a hpyen dap de du saga ai, rai timung, masha langai mi muk n nga ai, masha a nsen mung n na ga ai, gumra ni hte lawze ni sha dun nga ma la ai rai nna, sum ni mung myi na ta rai nga ma ai,” ngu nna shanhte hpe tsun shana mu ai.

1 HKAWHKAM LABAU 23:32

shawa masha ni hpawng nga ai sum hpe mung, chyoi pra ai shara hpe mung, Yehowa a nta hta daw jau na matu mung, tinang a kahpu kanau Arun a kashu kasha ni hpe shingtep shingtau na matu san da ai hkrum ma ai.

1 HKAWHKAM LABAU 26:12

Da ndai gaw Yehowa nta hta daw jau na matu, shanhte a kahpu kanau ni hte maren aya lu ai chyinghka sin ai ni a agyi dap ni rai nga ma ai.

1 HKAWHKAM LABAU 26:15

Obed-edom gaw dingda maga ang wa ai: shi a kasha ni gaw, rai tawn da ai nta hpe sin nga ma ai.

1 HKAWHKAM LABAU 26:17

Shani shagu sinpraw maga de Lewi masha kru; dingdung maga de mali, dingda maga de mali; arai tawn da ai nta matu marai lahkawng hkawng;

2 HKAWHKAM LABAU 8:14

Bai shi gaw, kawa Dawi tawn da ai htung hte maren, daw jau na matu, hkinjawng hpung ni hte, lani hte lani ang wa ai hte maren, hkinjawng ni a man e, daw jau ai ni hte, mahkawn mangoi nga na matu, Lewi masha hpung ni hpe mung tawn da mu ai; chyinghka shagu makau e tawn da mu ai: kaning rai nme law, Karai Kasang a masha wa Dawi gaw dai lam hkang da mu ai.

ESAIA 21:8

Shaloi shi gaw, “Madu e, shani shana ngai gaw nye langchyi ntsa e tsap mada nga nngai;