NEHEMIA 12:24 - Jinghpaw Hanson Version Bible

²⁴ Karai Kasang a masha wa Dawi hkang da ai hte maren, chyeju dum let, shakawn kungdawn na matu, hpung mi hte hpung mi san tawn da ai kahpu kanau Lewi masha ni a agyi ni gaw, Hashabia, Sherebia, Kadmiela kasha Yeshua hte rai ma ai.

Jinghpaw Common Language Bible 2009

²⁴ Hashabia, Sherebia, Yeshua, Binui hte Kadmiela ni lam madun matsun ai npu hta taw let, Lewi masha ni hpe hpung hpaw da nga ai. Dai rai nna Karai Kasang a masha, Hkawhkam Dawi jaw da ai sharin matsun ga ni hte maren, aten mi hta hpung lahkawng gaw gahti galai rai Karai Kasang hpe chyeju dum shakawn kungdawn nga ma ai.

NEHEMIA 12:24 ပူးပေါင်းရင်းမြစ်များ

1 HKAWHKAM 17:24

Dai numsha mung, “Nang gaw Karai Kasang a masha wa rai nga ai hte, na a n-gup na Yehowa a ga gaw teng nga lu ai hpe, ya ngai chye nga nngai,” ngu nna Elia hpe tsun wu ai.

1 HKAWHKAM LABAU 16:4

Bai, Yehowa a sakse sumpu a man e daw jau na hte, Israela Karai Kasang Yehowa a chyeju dum nna, shi hpe shakawn kungdawn na matu, Dawi gaw Lewi masha nkau mi hpe san da mu ai:

2 HKAWHKAM LABAU 8:14

Bai shi gaw, kawa Dawi tawn da ai htung hte maren, daw jau na matu, hkinjawng hpung ni hte, lani hte lani ang wa ai hte maren, hkinjawng ni a man e, daw jau ai ni hte, mahkawn mangoi nga na matu, Lewi masha hpung ni hpe mung tawn da mu ai; chyinghka shagu makau e tawn da mu ai: kaning rai nme law, Karai Kasang a masha wa Dawi gaw dai lam hkang da mu ai.

EZRA 2:40

Bai Lewi masha ni hta, Hodawia dap lakung na Yeshua yan Kadmiela kashu kasha ni gaw, sanit shi mali;

NEHEMIA 11:17

Bai, Asap, Zabdi, Mihka hta na hkrat ai Matania rai nga ai; shi gaw chyeju hpe shakawn ai hte akyu hpyi ai lam hta agyi rai nga ai: bai, shi a kahpu kanau ni hta lahkawng ngu na Bakbuki rai nga ai: bai, Yeduhtun, Gala, Shamua hta na hkrat ai Abda rai nga ai.

NEHEMIA 12:23

Eliashib a kasha Yohanan aprat du hkra, Lewi amyu dap agyi ni hpe, hkawhkam labau laika ni hta ka da nga ai.

NEHEMIA 12:36

shi a kanau ni, Shemaia, Azarela, Milalai, Gilalai, Ma-ai, Nehtanela, Yuda, Hanani hte gaw, Karai Kasang a masha wa Dawi a dum ai baw lang let hkan nang ma ai; chyare wa Ezra gaw shanhte a shawng e sa wa ai.

NEHEMIA 8:7

Dai hta kaga, Yeshua, Bani, Sherebia, Yamin, Akub, Shabehtai, Hodia, Masia, Kalita, Azaria, Yozabad, Hanan, Pelaia hte hte Lewi masha ni gaw, dai tara laika a ga lachyum, mung masha ni hpe shapraw dan mu ai: mung masha ni gaw tinang a shara e nga nga ma ai.

NEHEMIA 9:4

Shaloi Yeshua, Bani, Kadmiela, Shebania, Buni, Sherebia, Bani, Hkenan hte gaw, Lewi masha ni a lakang ntsa e tsap nga nna, shanhte a Karai Kasang Yehowa hpe nsen kaba hte jahtau mu ai.

TARA JAHPRANG 33:1

Karai Kasang a Masha Mawshe gaw, shi garai n si yang, ndai shaman ga hte Israela kashu kasha ni hpe ning nga shaman ya da wu ai.

1 TIMOHTI 6:11

Nang chyawm gaw, Karai Kasang a masha wa e, ndai lam hte hpe koi gam nga u: dinghpring ai, tara hkungga ai, kamsham ai, tsawra ai, shakut sharang ai hte sumnung ai myit hpe hkan shachyut nga u.

2 TIMOHTI 3:17

Karai Kasang e shung ya ai Chyum laika shagu gaw, sharin shaga ya ai, daru sharin chye ai, mye shading lu ai hte, dinghpring ai lam hta sharin achyin ya na matu, akyu rawng nga ai.

YAWSHU 14:6

Shaloi Yuda a kashu kasha ni gaw Gilgala dap e Yawshu kaw sa nna, Kenizi lakung Yehpuna a kasha Hkaleb gaw, “Yehowa, Kadesha-barnea e nang hte an a lam Karai Kasang a shangun kasa Mawshe hpe tsun wu ai ga hpe nang chye nga ndai.