NEHEMIA 11:18 - Jinghpaw Hanson Version Bible

¹⁸ Chyoi pra ai mare hta de nga ai, Lewi masha yawng hte gaw, ni tsa e matsat shi mali rai nga ma ai.

Jinghpaw Common Language Bible 2009

¹⁸ Chyoi pra ai Yerusalem mare hta nga ai Lewi masha ni yawng 284 rai ma ai. Akub, Talamon hte shanhte a makyin jinghku ni yawng 172 rai ma ai.

NEHEMIA 11:18 ပူးပေါင်းရင်းမြစ်များ

1 HKAWHKAM 11:13

Dai hta kaga, na a mungdan ting hpe shanyen la na we ai n rai; nye shangun ma Dawi a matu mung, ngai lata la se ai Yerusalem mare matu mung ngai na nsha hpe amyu lakung langai mi hpe jaw da we ai,” ngu wu ai.

NEHEMIA 11:1

Ya mung du ai gaw Yerusalem mare hta de ma ai; naw ngam nga ai masha ni gaw, marai shi hta na marai langai mi, chyoi pra ai Yerusalem mare hta nga nga nna, kaga jahku hte gaw mung mare ni hta de nga na lam, hpaida da ma ai.

NEHEMIA 11:17

Bai, Asap, Zabdi, Mihka hta na hkrat ai Matania rai nga ai; shi gaw chyeju hpe shakawn ai hte akyu hpyi ai lam hta agyi rai nga ai: bai, shi a kahpu kanau ni hta lahkawng ngu na Bakbuki rai nga ai: bai, Yeduhtun, Gala, Shamua hta na hkrat ai Abda rai nga ai.

NEHEMIA 11:19

Dai hta kaga chyinghka sin ai agyi Akub yan Talmon hte rau, chyinghka sin ai kahpu kanau ni yawng, latsa e sanit shi lahkawng rai nga ma ai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

MAHTE 24:15

Dai rai nna, myihtoi Daniela tsun dan ai jahten shabya ai a matsat shabat gaw, dai chyoi pra ai shara e jung nga ai hpe nanhte mu myit yang gaw, laika hti nga ai wa gaw, myit yu nga u ga;

MAHTE 27:53

shi bai hkrung rawt wa ai hpang lup ni hta na pru wa shajang nhtawm, dai chyoi pra ai mare de shang wa nna, masha law law hte hpe tinang nang a hkum shadan dan mu ai.

MAHTE 4:5

Shaloi Nat gaw dai chyoi pra ai mare de, shi hpe woi wa nna, nawku Htingnu a nchyun e shadun da nhtawm,

SHINGRAN 11:2

Dai Htingnu a shinggan wang hpe chyawm gaw, shinggan kau da u, dai hpe hkum shadawn et; dai gaw maigan amyu ni hpe ap ya kau ngut sai rai nna, shanhte gaw dai chyoi pra ai mare hpe shata mali shi lahkawng tup kabye dip na mara ai.

SHINGRAN 21:2

Shaloi chyoi pra ai mare ngu ai Yerusalem ningnan gaw, la ningnan a matu mawn sumli ai num ningnan zawn, lajang shachyip ngut nna, Karai Kasang a man sumsing lamu de na yu hkrat wa ai, ngai mu nngai.