NEHEMIA 10:38 - Jinghpaw Hanson Version Bible

³⁸ Lewi masha ni gaw htamshi hta htammi lahkawn sha ma yang, Arun amyu hkinjawng ni gaw, Lewi masha ni hte lawm na mara ai. Bai, Lewi masha ni gaw tinang lahkawn la ai hta na, htamshi hta htammi shaw la nna, anhte a Karai Kasang a nta gawk sutdek hta bang da na ma ai.

Jinghpaw Common Language Bible 2009

³⁸ Arun amyu matu hkinjawng ni gaw htam shi hta na htam mi lahkawn da ai shaloi Lewi masha ni hte rau rai na rai ma ai, Lewi masha ni gaw Nawku Htingnu hta lang na matu shanhte lahkawn da ai htam shi hta na htam mi yawng hpe Nawku Htingnu sut gawk ni de la sa na rai ma ai.

NEHEMIA 10:38 ပူးပေါင်းရင်းမြစ်များ

1 HKAWHKAM LABAU 9:26

Kaning rai nme law, Lewi masha rai nga ai, chyinghka sin na aya lu ai agyi marai mali gaw, Karai Kasang nta na sutdek hte gawk kaga ni hpe sin na matu, tut tut anga nga ma ai.

NEHEMIA 13:31

Ndat da ai aten hta hpun kumhpa hte shawng ngai ai nsi naisi hpe nawng na matu hkang da nngai. Nye a Karai Kasang e, chyeju hku ngai hpe dum e law.

JAW JAU 27:30

Nai mam rai timung, namsi namsaw rai timung, ga hta nna ngai ai nsi naisi yawng a htamshi hta htammi gaw, Yehowa a jahkawn rai nga ai: dai gaw Yehowa a matu chyoi pra nga ai rai nga ai.

BU HKAWM 15:19

dai shaloi, Yehowa hpe manawt kumhpa sa jaw na rai myit dai.

BU HKAWM 15:21

Nanhte a shu mashi shu masha prat dingsa hta shawng gumrin ai shadung katsing hta na manawt kumhpa Yehowa hpe sak jaw na rai myit dai.

BU HKAWM 18:21

Lewi masha ni gaw, shawa sum a amu gun hpai nga ma ai majaw, shanhte a sali wunli shatai na, Israela kashu kasha ni lu ai hta na htamshi hta na htammi tup ngai jaw mase ai.

BU HKAWM 18:24

Kaning rai nme law, Israela kashu kasha ni Yehowa hpe manawt hkungga hku jaw jau ai htamshi hta htammi hpe, Lewi masha ni a sali wunli shatai na matu ngai shanhte hpe jaw se ai: dai rai nna shanhte gaw Israela kashu kasha ni hta sali wunli ga madu lu na n rai, nga nna shanhte hpe ngai tsun nga nngai,” ngu wu ai.

TARA JAHPRANG 14:22

Na a yi hkauna hta na shaning shanang shu la lu ai nsi naisi hpe htamshi hta htammi teng teng jahka da na rai ndai.