NEHEMIA 10:37 - Jinghpaw Hanson Version Bible

³⁷ shawng galaw ai muk katsing, nwat hkungga ni, namsi namsaw amyu myu, tsabyi jahku nnan hte sau ni hpe, anhte a Karai Kasang a nta gawk ni hta daw jau nga ai hkinjawng ni hpang de la sa na matu mung; Lewi masha ni gaw mare kahtawng ni a lamu ga hta na htamshi hta na htammi lusha nga ai majaw, dai htamshi hta na htammi, shanhte hpang de la sa na matu mung, nga nna anhte hkinjawng ni, Lewi masha ni hte amyu masha ni gaw hpaida da ai hte tawn da ga ai.

Jinghpaw Common Language Bible 2009

³⁷ Anhte gaw shawng shu la lu ai nsi naisi kaw na shadung katsing hte kaga sabyi ntsin, tsanlun sau hte namsi namsaw baw hkum sumhpa re ai hkungga ni hpe Nawku Htingnu kata na hkinjawng ni hpang de shaning shagu la sa na ga ai. Anhte gaw anhte a yi sun galaw sha nga ai kahtawng ningchyawng lamu ga hkan na htam shi hta na htam mi hpe mung, anhte a lamu ga hta tu ai nsi naisi htam shi hta na htam mi hpe mung hkan lahkawn ai Lewi masha ni hpang de la sa na ga ai.

NEHEMIA 10:37 ပူးပေါင်းရင်းမြစ်များ

2 HKAWHKAM LABAU 31:6

Dai hta n-ga Yuda mung mare ni hta de nga ai Yuda hte Israela kashu kasha ni gaw, dumsu sagu hte shanhte a Karai Kasang Yehowa matu majai da ai arai ni hta na, htamshi hta htammi sa bang nna, amyu mi hte amyu mi sumpum tawn da mu ai.

NEHEMIA 13:10

Lewi masha ni hte seng ai daw mi shanhte hpe n jaw mu ai majaw, daw jau nga ai Lewi masha ni hte mahkawn mangoi ai ni langai hte langai gaw tinang a yi hkauna galaw sha nga ma ai, ngu nna ngai dum nngai.

NEHEMIA 13:12

Shaloi Yuda masha ni yawng, nai mam, tsabyi jahku, sau, htamshi hta htammi, sutdek hta sa bang da ma ai.

NEHEMIA 13:5

Dai shara hta e shawng e shadung kumhpa ni, manam pyaw ai baw, hka wan ni, lahkawn la ai nai mam a htamshi hta htammi tawn da nna tara hte maren Lewi masha ni, mahkawn mangoi ai ni hte chyinghka sin ai ni hpe karan jaw mu ai; hkinjawng ni hte seng ai nwat kumhpa ni mung dai de tawn da ma ai.

NEHEMIA 13:9

gawk ni hpe jasan jaseng na matu hkang da nngai; dai hpang Karai Kasang a nta hte seng ai arai ni mahkra hte hpawn, shadung kumhpa ni, manam pyaw ai baw hpe, ngai bai jashawn da nngai.

PRU MAT 13:12

shawng shaprat ai kasha alat nlang hte hte, na a yamnga ni hta shawng hkrat ai alat nlang hte hpe, Yehowa a matu rai na rai nga ai.

PRU MAT 13:2

“Israela kashu kasha ni hta na, shinggyim masha rai timung, yamnga rai timung, shawng hkrat ai kasha alat nlang hte hpe nye a matu shachyoi shapra da mu; dai gaw nye a rai li ai,” ngu wu ai.

JAW JAU 23:17

Yehowa a matu shawng ngai ai nsi naisi shatai na, shadung mani uma lahkawng hpe matsi hte shawawm nna kabaw ai nwat kumhpa muk tawng lahkawng hkawng nanhte a nta na shapraw na rai myit dai.

MALAHKI 3:10

Nye a nta hta lusha rawng nga na matu, htamshi hta htammi yawng, nye a sutdek hta bang da mu: shing rai ngai gaw, sumsing lamu hkuwawt hku hpaw nna, nanhte n dang hkap la lu hkra, nanhte a ntsa e shaman ai chyeju ru bun na, n ru bun na gaw, ya dai lam ngai hpe chyam yu mi, nga nna Zaw nawng zaw wa up ai Yehowa tsun ai.

MALAHKI 3:8

Shinggyim masha gaw, Karai Kasang hpe, hpya lu hpya sha mai a ni? nanhte mahtang ngai hpe hpya lu hpya sha ma ni ai. Rai timung nanhte gaw, Anhte nang hpe kaning rai hpya lu hpya sha ga ta? nga nna tsun myit dai. Htamshi hta htammi hte, nwat kumhpa n jaw ai majaw, ngai hpe hpya lu hpya sha ai, rai nga ai.

BU HKAWM 18:15

Shinggyim masha rai timung, dusat dumyeng rai timung, Yehowa hpang de la sa ai alat yawng gaw na a rai na rai nga ai: rai timung masha alat hpe nang teng teng hkrang la na rai wu ai; dusat dumyeng alat hpe mung hkrang la na rai wu ai.

BU HKAWM 18:18

De a ashan gaw, nwat sinda hte hkra magyi zawn, na a rai nga ai.

BU HKAWM 18:21

Lewi masha ni gaw, shawa sum a amu gun hpai nga ma ai majaw, shanhte a sali wunli shatai na, Israela kashu kasha ni lu ai hta na htamshi hta na htammi tup ngai jaw mase ai.

ROMA 11:16

Dai hta kaga, shawng nawng ai muk shadung gaw chyoi pra nga a yang gaw, de a muk tawng ting chyoi pra nga ai; ru pawt chyoi pra nga a yang gaw, lakung lakying ni mung chyoi pra nga na ma ai.

TARA JAHPRANG 14:22

Na a yi hkauna hta na shaning shanang shu la lu ai nsi naisi hpe htamshi hta htammi teng teng jahka da na rai ndai.

TARA JAHPRANG 18:4

shawng shu la ai nai mam, tsabyi jahku hte namman mung; shawng rep ai sagu mun mung jaw na rai wu ai.

TARA JAHPRANG 26:2

na a Karai Kasang Yehowa nang hpe jaw ai mungdan hta shawng myin ai nsi naisi amyu shagu hta na nang la nhtawm, ka hta bang da nna, na a Karai Kasang Yehowa a mying ningsang tawn da na matu san da ai shara de sa na rai ndai.