NEHEMIA 10:34 - Jinghpaw Hanson Version Bible

³⁴ Bai, jep ai tara hta ka da nga ai hte maren, anhte a Karai Kasang a tawn hkungri ntsa e ju na matu, shaning shagu madat da ai aten hta tinang a dap lakung hkan nna, anhte a Karai Kasang a nta kata de hpun kumhpa la sa na matu mung;

Jinghpaw Common Language Bible 2009

³⁴ Anhte mung, amyu masha ni mung, hkinjawng ni hte Lewi masha ni mung, madat da ai Tara hte maren, dai Madu anhte a Karai Kasang hpe shagu hkungga nat nawng na matu gara amyu lakung ni mahtang ju hpun shaw ang ai hpe daw dan ya na matu shaning shagu hpaida hte lata na ga ai.

NEHEMIA 10:34 ပူးပေါင်းရင်းမြစ်များ

1 HKAWHKAM LABAU 24:5

Eliaza a kashu kasha ni hta na mung, Ihtama a kashu kasha ni hta na mung, chyoi pra ai shara hte, Karai Kasang a amu gun hpai na agyi ni rai nga ma ai majaw, shanhte hpe hpaida hte karan lata la mu ai.

1 HKAWHKAM LABAU 24:7

Ya hpaida hte ang ai ni gaw, shawng e Yehoiariba hpe, lahkawng lang na Yedaia hpe;

2 HKAWHKAM LABAU 2:3

Shalai Shawlumon gaw Turu hkawhkam Huram hpang de shangun dat nna, Nye wa Dawi a nta galaw na matu, nang arit hpun jaw dat ai hte maren, ngai hpe mung chyeju galaw e.

EZRA 3:5

dai hpang tutnawng na wan nat hkungga hpe mung, shata praw shani hte, Yehowa a chyoi pra ai poi shagu na hkungga hpe mung, Yehowa hpe myit dingsa jaw mayu ai hkungga ni hpe mung nat nawng ya mu ai.

NEHEMIA 11:1

Ya mung du ai gaw Yerusalem mare hta de ma ai; naw ngam nga ai masha ni gaw, marai shi hta na marai langai mi, chyoi pra ai Yerusalem mare hta nga nga nna, kaga jahku hte gaw mung mare ni hta de nga na lam, hpaida da ma ai.

NEHEMIA 13:31

Ndat da ai aten hta hpun kumhpa hte shawng ngai ai nsi naisi hpe nawng na matu hkang da nngai. Nye a Karai Kasang e, chyeju hku ngai hpe dum e law.

GA SHAGAWP 18:18

Hpaida gaw htailai hkat ai hpe jasim chye nna, Wa-ngan ni a amu hpe mye lu nga ai.

ESAIA 40:16

Lebanon hpun ni gaw, wan ju na matu, n law nga ai; dai yang na ashu ashan ni mung, wan nat hkungga matu, n law ma ai.

JAW JAU 24:5

Bai nang gaw mani ai shadung la nna muk tawng shi lahkawng kabaw na rai ndai: muk tawng langai mi gaw shadung uma lahkawng hkawng shang ai rai na rai nga ai.

JAW JAU 24:6

Dai hpe Yehowa a man na san seng ai ku ntsa e kahtap kawng tawn na rai wu ai: kawng mi hta muk tawng kru kru di nna kawng lahkawng rai na rai nga ai.

BU HKAWM 28:2

“Israela kashu kasha ni hpe ning ngu hkang dat u: ‘Nye a matu manam pyaw sangau shatai na, nye a shat ngu na wan hte nat nawng ai kumhpaw kumhpa ni hpe madat da ai ladaw hta nanhte nawng jau na rai myit dai.'

KASA 1:26

Shaloi shanhte hpaida hte lata nna, dai hpaida gaw Mahtia hta ang wa ai: dai kaw nna shi gaw dai kasa shi langai hta shang lawm wa ai.

YAWSHU 9:27

Dai shani e Yawshu gaw, shanhte hpe, Yehowa san da ai shara na tawn hkungri a matu hte shawa hpung a matu, hpun hta ai hte hka ja ai masha shatai na hpajang da wu ai rai nna, dai ni du hkra nga nga ma ai.