NEHEMIA 10:28 - Jinghpaw Hanson Version Bible

²⁸ Hpaji byeng-ya hte chye chyang ai myit rawng ai, naw ngam nga ai masha ni mahkra gaw, hkinjawng ni, Lewi masha ni, chyinghka sin ai ni, mahkawn mangoi chye ai ni, Nehtinim masha ni hte rau, Karai Kasang a tara hpe hkan nang na nga, kasha kanu ni, shayi shadang sha ni hte hpawn, dai mung na maigan amyu ni hta na tinang hkum hpe jahka kau ai ni nlang hte gaw,

Jinghpaw Common Language Bible 2009

²⁸ Anhte, Israela amyu masha ni, hkinjawng ni, Lewi masha ni, Nawku Htingnu sin langa ni, Nawku Htingnu mahkawn mangoi chye ai ni, Nawku Htingnu amu galaw masha ni hte kaga Karai Kasang a Tara hpe madat mara ai ni gaw shanhte hkum nan anhte a mungdan hta nga nga ai maigan masha ni hpe jahka kau nhtawm anhte hte rau anhte a madu jan ni hte chye na ram sai anhte a kashu kasha ni yawng hte gaw

NEHEMIA 10:28 ပူးပေါင်းရင်းမြစ်များ

EZRA 2:70

Shing rai hkinjawng ni, Lewi masha ni, mung masha ni nkau mi, mahkawn mangoi chye ai ni, chyinghka sin ai ni hte Nehtinim masha ni gaw, tinang a mare ni hta mung, Israela masha ni yawng, tinang a mare ni hta mung, nga nga ma ai.

EZRA 6:21

Bawng dung hkrum ai kaw na bai wa ai Israela kashu kasha ni hte, Israela Karai Kasang Yehowa hpe hkan tam na nga, tinang hkum hpe dai mung na amyu ni a matsat shabat lam koi kau ai ni nlang hte gaw, poi sha nna,

NEHEMIA 10:27

Maluk, Harim, Bana hte rai ma ai.

NEHEMIA 13:3

Dai tara hpe na jang, shanhte gaw kayau kaya nga ai amyu masha ni hpe, Israela amyu masha ni hta na jahka kau mu ai.

NEHEMIA 8:2

Dai rai nna hkinjawng Ezra gaw, shata sanit a shawng shani e, chye na lu ai shawa hpawng numsha lasha mahkra a man e, dai tara laika hpe la shapraw nhtawm,

NEHEMIA 9:2

Israela aru arat ni gaw, tinang a yubak hte kaji kawa ni a shut hpyit ai lam tawngban let, maigan masha ni mahkra hta na tinang hkum hka wa ma ai.

SHAKAWN KUNGDAWN 47:7

Karai Kasang gaw ga ting a hkawhkam rai nga ai, Hpaji ga hte mahkawn mangoi mu.

HPAJI NINGLI 5:2

Na a n-gup hpe shim nga u; Karai Kasang a man e ga tsun na, na a myit masin hkum lawan et; kaning rai nme law, Karai Kasang gaw sumsing lamu e rai nga ai, nang chyawm gaw ga ntsa e rai nga ndai; dai re ai majaw ga law law hkum tsun et.

YEREMIA 4:2

dai hta kaga nang gaw, hkrung nga ai Yehowa amying gang let, tengman ai hku, tara ding ai hku, dinghpring ai hku dagam lu nna, maigan amyu ni gaw, shi a amying hta tinang hkum hpe shaman ya nna, shi hta hpa let gumrawng na mara ai, nga nna Yehowa tsun ai.

JAW JAU 20:24

Dai majaw, nga chyu hte lagat jahku lwi ai shanhte a mung hpe, nanhte dagraw la na sali wunli shatai na matu nanhte hpe jaw na ngu nna ngai tsun se ai: ngai gaw nanhte hpe amyu gale ni hte jahka la ai, nanhte a Karai Kasang Yehowa rai nga nngai.

ROMA 1:1

Yesu Hkristu a mayam hte, kasa aya hta dang da nna, dai chyoi pra ai Chyum laika ni hta