NEHEMIA 1:7 - Jinghpaw Hanson Version Bible

⁷ Anhte nang hpe grai shut kau nna, na a shangun ma Mawshe hpe, nang htet da ai hkang da ai ga, matsun maroi ga hte tara dara ai ga ni hpe n hkan galaw ga ai.

Jinghpaw Common Language Bible 2009

⁷ Anhte gaw nang hpe n hkru n shawp ai hku shut hpyit kau saga ai, nang hkang da ai amu hpe mung n hkan galaw kau saga ai. Na a shangun ma Mawshe hku nna anhte hpe jaw ya ai tara ni hpe mung anhte n hkan shatup kau saga ai.

NEHEMIA 1:7 ပူးပေါင်းရင်းမြစ်များ

1 HKAWHKAM 2:3

Nang shang hkawm wa ai lam shagu hta e awng wa lu hkra, Mawshe a tara hta ka da nga ai hte maren, na a Karai Kasang Yehowa hkang da ai ga, tara dara ai hku hte sakse ga hkan shatup nga u;

2 HKAWHKAM LABAU 25:4

Rai timung, “Kasha ni a majaw kawa, kawa a majaw kasha ni si ai hkrum lu na n rai; kadai mung tinang a mara hte sha si ai hkrum lu na rai nga ai,” nga nna Mawshe a tara laika hta ka da ai hku hkan nna, Yehowa hkang da ai hte maren, shan a kasha ni hpe sat kau mu ai nrai.

2 HKAWHKAM LABAU 27:2

Shi gaw kawa Uzia a lam mahkra hpe hkan let, Yehowa a man e dingman ai amu galaw nga ai: rai timung, shi gaw Yehowa a nawku Htingnu de n shang wu ai. Mung masha ni chyawm gaw n shawp ai amu naw galaw nga ma ai.

EZRA 7:6

Dai wa gaw Israela Karai Kasang Yehowa jaw ai, Mawshe a tara laika hta chyare kaba rai nga ai; shi a Karai Kasang Yehowa gaw, shi a matu shadut wu ai hte maren, hkawhkam wa gaw shi hpe hpyi mahpyi jaw wu ai.

SHAKAWN KUNGDAWN 106:6

Anhte gaw ji woi ni hte rau yubak galaw ga ai, Anhte shut hpyit nna, tara tawt lai saga ai.

SHAKAWN KUNGDAWN 89:31

Nye a ga madat hpe awu asin di kau nna, Ngai htet da ai ga hpe n dum ma yang gaw,

SHAKAWN KUNGDAWN 89:32

Ngai shanhte a mara hpe shingna hte, Shanhte a shut hpyit ai hpe kayat ai hte, ari jaw na mawe ai.

ESAIA 1:4

N shawp ai amyu e, nang gaw yubak lit gun ai amyu, n hkru n hkra ai aru arat, myit magaw ai kashu kasha rai nga n hka! Shanhte Yehowa hpe kau da masai; Israela a Chyoi pra ai wa hpe n gawn n sawn di kau manu ai; shanhte kayin nna kanut mat wa masai.

Daniela 9:11

Gaja wa, Israela amyu ting, na a nsen hpe n madat hkra, lam yit mat wa nna, na a tara hpe tawt lai kau masai: dai re ai majaw Karai Kasang a shangun ma Mawshe a tara laika hta ka da sai matsa mawa ga hte dagam dala ga, anhte a ntsa e ru bun nu ai: kaning rai nme law anhte shi hpe yubak galaw saga ai.

Daniela 9:13

Mawshe tara laika hta ka da ai hte maren, ndai tsin-yam tsindam yawng, anhte a ntsa e du sai: rai timung, anhte gaw, anhte a shut hpyit ai lam koi kau nna, na a tengman ai lam hpe chye na lu hkra, anhte a Karai Kasang Yehowa a chyeju hpe lu la na, tawngban saga ai n rai.

HOSEA 9:9

Gibea mare a aprat e zawn, shanhte gaw tinang hkum hpe grai awu asin di kau manu ai: shi gaw shanhte a shut hpyit ai hpe dum nna, shanhte a yubak majaw, ari jaw na ra ai.”

JAW JAU 27:34

Dai hte gaw Sina bum e Mawshe a lata hte, Israela kashu kasha ni a matu Yehowa jaw da ai hkang da ai ga ni rai nga ai.

ZEHPANI 3:7

Ngai mahtang, Ngai shi a lam myit shatawng da ai yawng hte maren, shi a nta jahtum kau ai n hkrum hkra, ngai hpe hkrai hkrit hkungga nna, sharin achyin ai ga hkam la u, ngu nna tsun timung, shanhte jau jau rawt nna, tinang a shut hpyit ai lam shanang galaw ma ai.

MALAHKI 4:4

Israela amyu ting a matu, Horeb bum e, nye a shangun ma Mawshe hpe, ngai hkang da ai jep ai tara, matsun maroi ga hte tara dara ai ga ni hpe, adum nga mu.

TARA JAHPRANG 4:1

Ya, Israela amyu e, nanhte asak hkrung nga lu nna, nanhte a nji nwa ni a Karai Kasang Yehowa nanhte hpe jaw da ai mungdan hta shang madu sha lu hkra, nanhte hkan shatsup nga na matu ngai sharin achyin da ai matsun maroi ga hte hkang da ai tara ga hpe madat mara la mu.

TARA JAHPRANG 4:5

Yu u, nanhte wa nna shang sha lu ai mungdan hta hkan nang nga na matsun maroi ga hte hkang ai tara gaw, nye a Karai Kasang Yehowa tsun da ai hte maren ngai nanhte hpe sharin achyin da ma masade ai.

TARA JAHPRANG 5:1

Shaloi Mawshe gaw Israela kashu kasha ni nlang hte hpe shaga nna, “Israela amyu e, dai ni ngai nanhte hpe shana da ai matsun maroi ga hte hkang da ai tara ga hpe sharin la nna hkan nang lu hkra sadi nga na matu, madat mara la maru.

TARA JAHPRANG 6:1

Nang hkum nan hte na a kashu kasha ni, na a Karai Kasang Yehowa hpe hkrit hkungga let, ngai nang hpe hkang da ya sai matsun maroi hte hkang da ai tara nlang hte hpe prat dingsa hkan nang lu na hte na a prat galu nga lit ga nga;

SHINGRAN 19:2

shi a tara dara ai lam ni tengman ai hte dinghpring nga lu ai; hpye ai amu hte ga ntsa ting hpe shut hpyit shangun ai shawa num kaba hpe shi dawdan nna, shi a shangun ma ni a asai matai, dai num a ntsa e bai htang ya nu ai law,” nga nna tsun ai, ngai na nngai.