NAHUM 3:7 - Jinghpaw Hanson Version Bible

⁷ Shing rai nang hpe mu ai ni yawng, Ninewe mare marawng marang tai wa sahka; shi a matu kadai hkrap shabam na rai ta? shi a matu shalan shabran ai wa, ngai kanang tam na rai ta? nga nna tsun let nang kaw na hprawng na mara ai, nga nna Zaw nawng zaw wa up ai Yehowa tsun ai.

Jinghpaw Common Language Bible 2009

⁷ Nang hpe mu ai ni yawng, hpang de htingnut mat na mara ai. Shanhte gaw, ‘Ninewe gaw hten run taw nga sahka! shi a matu kadai wa matsan yu dum nga a ta? Shi hpe kadai shalan shabran kam nga a ta?,’” nga nna tsun na mara ai.

NAHUM 3:7 ပူးပေါင်းရင်းမြစ်များ

YEREMIA 15:5

Yerusalem e, nang hpe kadai matsan dum na rai ta? Na a matu kadai yawn na rai ta? Nang hkam kaja nga n ni? nga nna kadai wa shayan san na rai ta?

ESAIA 51:19

Katsi katsang hte marawng marang, hku wa hte ri nhtu, ndai lam lahkawng nang hkrum sha nna, na a matu sharung shayawt na kadai? Ngai nang hpe kaning rai shalan shabran lu na rai ta?

SHINGRAN 18:10

“Galu kaba ai mare, atsam rawng ai mare, Babelon e, dingnye lu n hka, dingnye lu n hka! ahkying mi hta sha nang hpe dawdan ai lam du sahka gaw!” nga nna shi a majaw hkrap ngu hkrap ngoi ai hte sharung shayawt let tsun na mara ai.

SHARUNG SHAYAWT 2:13

Yerusalem shayi sha e, na a amu hta ngai hpa sakse madun na rai ta? nang hte hpa shadawn na rai ta? Ziun a shayi hkawnsek e, nang hpe shalan shabran na matu, nang hte hpa shabung na rai ta? Na a hten run ai gaw nammukdara zawn dam nga ai majaw, nang hpe shamai lu na, kadai wa rai ta?

YEREMIA 51:9

Anhte gaw Babelon mare hpe shamai mayu timung, shi n mai hkraw ai: shi hpe kau da nna, anhte langai hte langai tinang a buga de nhtang wa ga; shi hkrum ai ari ahpri gaw, sumsing lamu de du nna, sumwi hpe dep nga ai.

BU HKAWM 16:34

Shanhte shabam ai nsen hpe dai grup na Israela masha ni na ma yang, “Anhte hpe mung mayu kau na ra ai,” nga nna hprawng ma ai.

NAHUM 1:1

Ninewe mare hpe lakap nna tsun ai myihtoi ga: Elkosha masha Nahum a shingran laika da ndai rai nga ai.

YEREMIA 50:18

Dai re ai majaw, Israela Karai Kasang Zaw nawng zaw wa up ai Yehowa ning nga ai: yu mu, ngai gaw Asuri hkawhkam hpe ari jaw ai zawn, Babelon hkawhkam hte shi a mungdan hpe ari jaw na nngai.

ZEHPANI 2:13

“Shi gaw shi a lata hpe dingdung maga de ladawn nna, Asuri mung hpe shaza kau na hte, Ninewe mare hpe shingran katsi ai shara, hkun hkraw ai zaibru jang zawn, di kau na ra ai.