NAHUM 3:3 - Jinghpaw Hanson Version Bible

³ gumra jawn ai ni htim nna, tu gala ai nhtu hte, kabrim ala ai ri tu majaw sat kau hkrum ai ni law nga nna, si mang ni sumpum nga ma ai: si mang ni mana maga law nga ai majaw, lai wa ai ni dai hta ahtu kataw nga ma ai:

Jinghpaw Common Language Bible 2009

³ Gumra jawn ai hpyen hpung ni gaw tu gala ai nhtu ni, kabrim ai nri ni hte htim sa ma ai! Moi mang ni sumpum nga ai, si mang ni hti n dang hkra law nga ai, lasha ni dai ni hta ahtu kataw nga ma ai!

NAHUM 3:3 ပူးပေါင်းရင်းမြစ်များ

NINGPAWT NINGHPANG 3:24

Shing rai dai masha wa hpe shi shapraw kau dat nna, dai asak jahkrung ai hpun a lam sin nga na matu, Hkerub ngu ai ni hte shi chyu nwat shadang chye ai wan nhtu hpe, Edin sun sinpraw maga de tawn da wu ai.

2 HKAWHKAM 19:35

Dai shana jang Yehowa a lamu kasa pru sa nna, Asuri masha ni a hpyen dap hta, marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni, nlang si mang rai nga ma ai.

ESAIA 34:3

Shanhte hta sat kau hkrum ai ni hpe, shinggan de kabai kau nna, shanhte a si mang ni manam mawng na ra ai; shanhte a sai hte bum ni dun mat na ra ai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

ESAIA 66:16

Yehowa gaw wan hte mung, shi a nhtu hte mung, hkrung mahkrung mahkra hpe tara dawdan nna, Yehowa sat kau ai ni, law na mara ai.

EZEKELA 39:4

Nang hte na a hpyen masha ni mahkra mung, nang hte rau nga ai amyu baw ni mung, Israela bum ni a ntsa e kadawng si na mara ai: u matse amyu myu hte, pa ga na matse labye ni a shahpa matu, ngai nang hpe ap kau na nngai;

JAW JAU 26:37

Shachyut ai masha kata kaw ri nhtu e hprawng ai zawn, langai a ntsa e langai kataw kahtap na mara ai; hpyen ni a man e dakan lu ai n-gun kaji mi muk rawng na n rai.

NAHUM 2:4

Hpyen leng ni gaw mare lam ni hta wu kadu nga nna, nmaw lam ni hta gat kahkrang nga ma ai; dai ni gaw wan shanan nsan ai rai nna, myihprap zawn gat gala nga ma ai.

HABAKU 3:11

Na a kabrim kabram ai pala ni poi mat wa nna, Tu ala ai ri tu ni htoi gala ai majaw, Jan hte shata gaw tinang a shara hta hkring nga ai.