NAHUM 2:9 - Jinghpaw Hanson Version Bible

⁹ Aja hpe kashun la mu. Gumhpraw hpe kashun la mu: mahkawng da ai sutgan hte, reng htum ai arung arai n ma hkraw nga ai.

Jinghpaw Common Language Bible 2009

⁹ Gumhpraw kashun la mu! Ja kashun la mu! Ndai mare gaw sut gan hte hpring nga ai!

NAHUM 2:9 ပူးပေါင်းရင်းမြစ်များ

2 HKAWHKAM LABAU 36:10

Ladu hkrum yang hkawhkam Nebuhkadneza gaw shi hpe rim la nna, Yehowa nta na manu hpu ai arai ni hte hpawn, Babelon mare de shi hpe rim wa nna, shi a kanau Zedekia hpe, Yuda hte Yerusalem ntsa e hkawhkam shatai wu ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

ESAIA 33:4

Nanhte gaw dinggam-yaw zawn lanep mahkawng la nna, masha ni gaw hkagrit zawn, dai hpe lahkan hta la na mara ai.

YEREMIA 25:34

Sagu rem ni e, hkrap shabam mu; grau reng ai sagu ni e, dap hta galu nga mu: nanhte hpe sat kau na hte shabra kau na aten du ra ai rai nna, nanhte gaw hpu ai arai zawn, tai na marin dai.

YEREMIA 46:5

Shanhte hkrit nna kanut mat wa ai hpe, hpa majaw ngai mu na rai ni? shanhte a share ninghkrin ni sum mat nna, n kayin yu wam ai, hprawng mat shajang ma ai: shara magup hkan e shoihpa shoirang hkrai rai nga ai, nga nna Yehowa tsun ai.

YEREMIA 51:56

jahten shabyak ai wa gaw, gaja wa, Babelon mare ntsa e sa du nna, shi share ninghkrin ni rim la hkrum ai hte, shanhte lang ai ndan ni agrawp kau ai hkrum nga ai: kaning rai nme law, Yehowa gaw matai htang ai Karai Kasang rai nga nna, shi teng teng matai htang na ra ai.

EZEKELA 26:12

Na a sutgan hpe shanhte kashun la nna, na a gun rai hpe lanep shatai na mara ai: na a shakum ni hpe shanhte run kau nna, ngwipyaw ai nta ni hpe hpya kau nhtawm, na a nlung ni, ngau ni hte shingbut hpe, hka hta kabai bang na mara ai.

Daniela 11:8

shanhte a hpara ni, jaw ai sumla ni hte, de a tsawm htap ai, aja, gumhpraw gawm ni hpe, Egutu mung de rim la mat wa na ra ai; dai hpang shi gaw dingdung hkawhkam hpe tsawmra ning hpyen gasat na, n rai.

NAHUM 3:17

Na a du ni gaw dinggam-yaw zawn, na a hpyen du ni gaw, dinggam-yaw wunawng zawn, rai nga ma ai: dai ni gaw kashung ai aten e nhpan hkan e kap nga timung, jan kahtet jang, pyen mat wa nna, kanang du ai hpe, kadai n chye nga ai.

SHINGRAN 18:12

gun rai ngu ai gaw, ja arai, gumhpraw arai, lungseng, pale, lachyit sumpan, zingnyung, lai nba, hkyeng kabrim ai nba; manam pyaw ai hpun amyu myu, magwi kawng arai amyu myu, manu rawng ai hpun arai, magri arai, hpri arai, lunghpraw arai amyu myu;

SHINGRAN 18:16

ahkying mi hta sha dai hte wa law ai sutgan jahkoi kau ai hkrum sahka gaw!” nga nna hkrap ngu hkrap ngoi ai hte sharung shayawt let tsun na mara ai.