NAHUM 2:8 - Jinghpaw Hanson Version Bible

⁸ Ninewe gaw moi kaw nna hka lawng zawn rai nga ai: ya chyawm gaw shanhte hprawng wa ma ai. Hkring mu, hkring mu, ngu nna jahtau timung, kadai n kayin yu ma ai.

Jinghpaw Common Language Bible 2009

⁸ Namhpai jahten kaw na hka zawn, masha ni gaw Ninewe kaw na hprawng pru wa ma ai! “Hkring mu! Hkring mu!,” ngu nna hkan jahtau ti mung, kadai mung nhtang kayin yu ma ai n rai.

NAHUM 2:8 ပူးပေါင်းရင်းမြစ်များ

NINGPAWT NINGHPANG 10:11

Dai mung nna Ashuri mung de shi sa nna, Ninewe mare, Rehubut mare, Hkala mare hpe mung,

ESAIA 13:14

Shing rai mung masha ni gaw, mai jawm na shan nga hte, kadai n rem ai sagu zawn, langai hte langai tinang htingbu wa hpang de myi man yawng nna, tinang buga de hprawng wa na mara ai.

ESAIA 38:14

Pilan hte mali tau zawn, ngai jawp nga nngai; Hkrudu zawn madai nga nngai: Nye a myi mada yu nna n-gun yawm mat sai. Yehowa e, nni nkri hkrum ai wa ngai rai nga nngai, Nye a pahkam wa nang tai u ga.

ESAIA 47:13

Bawng yu ai lam nau law ai majaw, nang hki ba nga ndai: lamu hpe chye yu ai ni, shagan ni hpe azi yu ai ni, shata ladaw hte hkaw tsun ai ni gaw, rawt tsap nna, na ntsa e du na ra ai lam ni kaw na, nang hpe, ya, hkye hkrang la mu ga.

ESAIA 48:20

Babelon mare na pru wa mu, Hkalde a masha ni kaw na hprawng wa mu: mahkawn mangoi ai nsen hte, Yehowa gaw shi a shangun ma Yaku hpe hkye hkrang la nu ai, nga nna lamu ga htum hkra tsun shabra mu.

ESAIA 59:11

Anhte yawng tsap zawn shabam nna, hkrudu zawn madai nga ga ai; tengman ai tara hpe anhte myit mada timung, n lu ga ai; hkye hkrang la ai chyeju hpe myit mada timung, dai gaw anhte hte tsan la nga ai.

YEREMIA 46:5

Shanhte hkrit nna kanut mat wa ai hpe, hpa majaw ngai mu na rai ni? shanhte a share ninghkrin ni sum mat nna, n kayin yu wam ai, hprawng mat shajang ma ai: shara magup hkan e shoihpa shoirang hkrai rai nga ai, nga nna Yehowa tsun ai.

YEREMIA 47:3

Shi a hpyen gumra ni a lahkru nsen, shi a hpyen leng ni wu kadu ai hte leng dingsen ni ngoi ai majaw, kawa ni gaw lata n-gun yawm nna, kasha ni hpe pyi kayin yu ma ai n rai;

YEREMIA 50:16

Babelon mare hta nli gat ai wa hte, nmut ta e nhkyau lang ai wa hpe, shagrawm kau mu: nhtu a tsin-yam hkrit nga ai majaw, langai hte langai tinang a amyu masha ni hpang de kayin wa nna, tinang a buga de hprawng wa na mara ai.

YEREMIA 51:13

Hka law law makau e nga nga nna, sut pungding e ningngai ai wa e, na a htum mat ai hte, na a lawhpa myit mak mat ai aten du sai.

YEREMIA 51:30

Babelon mare na share ninghkrin ni gaw, hpyen n gasat hkraw ai, hpyen dap ni hta nga nga ma ai; shanhte gawng kya nna, num zawn tai mat masai; mare masha ni a shanu ai shara ni wan hkru nna, chyinghka htinggrang ni agrawp mat sai.

NAHUM 1:1

Ninewe mare hpe lakap nna tsun ai myihtoi ga: Elkosha masha Nahum a shingran laika da ndai rai nga ai.

NAHUM 3:17

Na a du ni gaw dinggam-yaw zawn, na a hpyen du ni gaw, dinggam-yaw wunawng zawn, rai nga ma ai: dai ni gaw kashung ai aten e nhpan hkan e kap nga timung, jan kahtet jang, pyen mat wa nna, kanang du ai hpe, kadai n chye nga ai.

SHINGRAN 17:1

Dai shaloi gawm sanit lang ai lamu kasa sanit hta na langai mi gaw, “Sa sa, nang de sa rit, hka law law a ntsa e dung nga ai shawa num kaba hpe daw ai lam, ngai nang hpe madun dan de ga:

SHINGRAN 17:15

Bai, dai wa gaw, Shawa num dung nga ai hka nu ni gaw, masha baw amyu ni, wunawng wuwa ni, masha mungdan ni hte ga amyu ni, rai nga ma ai.