NAHUM 2:7 - Jinghpaw Hanson Version Bible

⁷ Hkang tawn da ai ga hte maren, Ninewe shayi sha gaw, singgu krin woi wa ai hkrum nna, shi a shingnan num ni, hkrudu zawn ngoi let, sinda adup ma ai.

Jinghpaw Common Language Bible 2009

⁷ Hkawhkam jan gaw woi mat wa hkrum sai; shi a shangun ma ni hkrudu ni zawn madai ma ai yawn hkyen ai hte shanhte a sinda adup la ma ai.

NAHUM 2:7 ပူးပေါင်းရင်းမြစ်များ

ESAIA 32:12

shanhte gaw ngwipyaw ai yi hkauna ni hte, si law ai tsabyi ru ni a lam, sinda adup let sharung shayawt na mara ai.

ESAIA 38:14

Pilan hte mali tau zawn, ngai jawp nga nngai; Hkrudu zawn madai nga nngai: Nye a myi mada yu nna n-gun yawm mat sai. Yehowa e, nni nkri hkrum ai wa ngai rai nga nngai, Nye a pahkam wa nang tai u ga.

ESAIA 59:11

Anhte yawng tsap zawn shabam nna, hkrudu zawn madai nga ga ai; tengman ai tara hpe anhte myit mada timung, n lu ga ai; hkye hkrang la ai chyeju hpe myit mada timung, dai gaw anhte hte tsan la nga ai.

EZEKELA 7:16

Lawt lu ai ni mahtang lawt lu timung, langai hte langai tinang a yubak majaw madai let, kadit na hkrudu zawn, bum ntsa e nga mat na mara ai.

NAHUM 2:6

Hka lam chyinghka ni hpaw malang nga nna, hkawhkam htingnu gaw mat mat nga ai.

NAHUM 3:13

Yu u, na a ka-ang e nga ai masha ni gaw, num zawn rai mat masai; nang hpe hpyen ai ni shang lu na matu, na a mung chyinghka ni hpaw malang nga ai; na a htinggrang ni yawng hkru mat masai.

MARKU 14:66

Petru chyawm gaw dai wang kata de nga ai shaloi, hkinjawng agyi a nchyang numsha langai mi sa du nna,

LUKA 23:27

Masha wunawng wuwa kaba hte, shi a lam hkrap ngu hkrap ngoi, sharung shayawt nga ai numsha ni mung, shi a hpang e hkan nang ma ai.

LUKA 23:48

Dai lam yu na nga, sa hpawng ai masha nlang hte mung, shing rai byin ai lam ni hpe mu mu yang, sinda adup let bai wa ma ai.