NAHUM 2:3 - Jinghpaw Hanson Version Bible

³ Shi a share ninghkrin ni a n gang ni hkyeng nga nna, wa-ngan ni a hpun palawng hkyeng mang rai nga ai: hpyen hkyen ai shani e, hpyen leng ni gaw, gang hte htoi kabrim nna, marau hpun ri tu ni gaw, tu ala nga ai.

Jinghpaw Common Language Bible 2009

³ Gumlau hpyenla ni hkyeng ai ninggang lang nna hkyeng ai hpyen palawng ni bu hpun da ma ai. Shanhte gaw htim gasat na matu hkyen nga ma ai! Shanhte a hpyen leng ni wan zawn tu ala nga ai! Shanhte a gumra ni gumtawng hkawm nga ma ai!

NAHUM 2:3 ပူးပေါင်းရင်းမြစ်များ

YOBA 39:23

Pala ndum hte, tu kabrim ai ri tu hte n-gang, shi ntsa e shara hkrawk hkrak nga ai.

SHAKAWN KUNGDAWN 80:13

Maling na wa du dai hpe kanaw sha nna, Nam na ashu ashan ni dai hpe sha kau mu ai.

ESAIA 14:8

Gaja wa, marau hpun ni hte, Lebanon arit hpun ni gaw, “Nang kataw hkrum ai hpang, anhte hpe kran kau ai wa n lung n sa na sai, nga nna nang hpe sha-ang let kabu gara ai hte tsun ma ai.

EZEKELA 23:24

Shanhte gaw ri nhtu, hpyen leng, rai htaw ai leng, masha wunawng wuwa hte hpawn sa wa nna, n-gang galu, n-gang kaji, hpri gup chyawp ni hte nang hpe wang tawn na mara ai: ngai shanhte hpe dawdan shangun nna, shanhte gaw tinang tara htung hte maren, nang hpe dawdan na mara ai.

EZEKELA 26:7

“Kaning rai nme law, Madu Yehowa ning nga ai: Yu u, ngai gaw hkawhkam ni a hkawhkam ngu ai, Babelon hkawhkam Nebuhkadneza hpe, hpyen gumra, hpyen leng, gumra jawn ai ni, luksuk wunawng wuwa hte hpawn, dingdung mung kaw nna Turu mare de woi wa na nngai.

NAHUM 3:2

Lasik hte kayat ai nsen, leng ni chyai ai nsen, gat chyang ai gumra, tanglawt ai hpyen leng ni a nsen law!

ZEHKARIA 1:8

Ngai gaw shana e shingran mu nna, yu u, gumra ahkyeng jawn ai wa langai mi hpe ngai mu nngai; dai wa gaw murtu maling na shingnip htat ai shara e hkring nga nna, shi a hpang e hkyeng ai, mut ai hte hpraw ai gumra tsap nga ma ai.

ZEHKARIA 11:2

Marau hpun e, arit hpun gaw kadawng mat nna, daru magam rawng ai ni hten mat hkrum ai majaw, sharung shayawt u; Bashan wamyi hpun e, htat ai maling dinggram hpe gru kau ai majaw, sharung shayawt u.

ZEHKARIA 6:2

Shawng na leng hta gumra ahkyeng, lahkawng ngu na leng hta gumra achyang,

SHINGRAN 12:3

Bai, mauhpa amu kaga sumsing lamu kata e dan pru ai gaw: yu u, hkyeng ai baren numraw kaba dan pru ai; shi gaw baw sanit hte nrung shi tu nna, shi a baw ni hta ja lagup sanit gup nga ai.

SHINGRAN 6:4

Shaloi gumra kaga, ahkyeng nsan ai gumra, pru wa ai; dai hta jawn ai wa gaw, ga ntsa na angwi apyaw nga ai lam dawm kau na hte, masha shada da sat hkat shangun na, ahkang lu wu ai rai nna, nhtu kaba mung shi hpe jahpye ya wu ai.