NAHUM 2:1 - Jinghpaw Hanson Version Bible

¹ Sumdu ngu ai wa gaw, nang hpang de du ra ai; hpyen dap hpe shangang u; nmaw lam hpe sin u, nshang shingkyit kyit u; n-gun da ting dakan nga u.

Jinghpaw Common Language Bible 2009

¹ Ninewe e, nang gaw gasat hkrum nga ndai! Nang hpe gasat gamang kau na daru magam n-gun du nga sai. Hpyen dap ni hpe hkyen da u! Mare nmaw lam sin u! Majan a matu hkyen da u!

NAHUM 2:1 ပူးပေါင်းရင်းမြစ်များ

2 HKAWHKAM LABAU 25:8

Rai timung nang sa mayu yang, sa gasat shaja nga u; Karai Kasang, chyawm gaw, hpyen ni a man e nang hpe jasum kau na ndai: Karai Kasang gaw, karum na mung, jasum kau na mung, n-gun atsam rawng nga ai,” ngu wu ai.

SHAKAWN KUNGDAWN 50:14

Karai Kasang hpe shakawn kungdawn hkungga jaw u, Tsaw htum ai Wa hpe na a ga ndat rap raw u.

SHAKAWN KUNGDAWN 65:2

Akyu hpyi ai ga madat mara ai wa e, Masha nlang nang kaw du na mara ai.

ESAIA 14:6

masin pawt ai hte masha amyu ni hpe n sim n sa kayat nna, pawt bu ai hte amyu baw ni hpe up hkang ai wa gaw, ya zingri zingrat ai hkrum nna, shi hpe maga ai wa n nga a hka!

ESAIA 29:7

Dai rai nna, Ariela hpe hpyen gasat ai hte, de a hpyen dap ni hpe wang tawn let, shi hpe sharu shatsang ai masha amyu ni a wunawng wuwa ni yawng, yup mang hte shana na shingran zawn tai na mara ai.

ESAIA 29:8

Shing rai, kawsi kyet ai wa gaw, yup mang e sha lu timung, yup hprang wa yang, kan naw kyaw nga ai zawn, hpang gara let ai wa gaw, yup mang e lu lu timung, yup hprang wa yang, mayu naw hkun nna ntsin naw lu mayu ai hte maren, Ziun bum hpe hpyen gasat ai amyu masha ni a wunawng wuwa ni yawng hta byin na ra ai.

ESAIA 52:7

Shiga kaja gun nna, ngwipyaw ai lam shana, kaja ai shiga kajai gumhkawng ai hte, hkye hkrang la ai lam shana ya let, “Na a Karai Kasang up nga ai,” nga nna Ziun hpe tsun shana ai wa a lagaw gaw, bum lang ntsa e gade tsawm htap nga a hka!

YEREMIA 50:23

Ga ntsa ting hpe ndup ai sumdu gaw, kaning rai gyi mat nna, daw mat a hka! Babelon mare gaw, masha amyu ni hta shingran katsi ai shara, kaning rai tai mat a hka!