NAHUM 1:9 - Jinghpaw Hanson Version Bible

⁹ Nanhte gaw Yehowa hpe hpa lam hpaji daw myit ta? shi gaw htum hkra shamyit kau na myit dai: sharu shatsang ai lam bai pru lu na n rai.

Jinghpaw Common Language Bible 2009

⁹ Nanhte gaw Madu hpe ninghkap na hpa baw maw mawn nga myit ni? Shi gaw nang hpe jahten shaza kau na ra ai. Kadai mung shi hpe kalang mi hta jan nna ninghkap lu ai n rai.

NAHUM 1:9 ပူးပေါင်းရင်းမြစ်များ

2 SAMUELA 20:10

Pai lata de lang ai nhtu hpe, Amasa hpa di na zawn n nawn wu ai majaw, Yoab gaw shi a kan galun baw ya nna, pu ayai hkra rai nga ai; bai n kahtap galun timung, Amasa si mat sai. Yoab yan Abishai yan nau chyawm gaw Bihkri a kasha Sheba hpe shachyut na sa wa ma ai.

SHAKAWN KUNGDAWN 21:11

Kaning rai nme law, shanhte gaw na a lam n hkru ai hku maw nna, N shawp ai hku hpaji daw timung, hpa mung n tai malu ai.

SHAKAWN KUNGDAWN 33:10

Masha amyu ni a hpaji daw ai hpe, Yehowa shanut kau ya mu ai: Amyu baw ni a myit ai hku hpe, shi hkum da mu ai.

GA SHAGAWP 21:30

Hpaji gade, chye chyang ai myit gade, hpaji daw ai lam gade rai timung, Yehowa hpe dang lu na lam n nga ai.

ESAIA 28:22

Ya chyawm gaw nanhte gyit hkang ai grau nna n hkrum myit ga, jahpoi ai ga hkum tsun myit: kaning rai nme law, lamu ga ting hpe dawdan shamyit kau na nga ai ga, Zaw nawng zaw wa up ai Madu Yehowa kaw na, ngai na se ai.

YEREMIA 51:64

Babelon mare gaw ndai zawn lup mat nna, ngai shi a ntsa e shapraw ai tsin-yam tsindam majaw, shi bai rawt lu na n rai: shanhte gaw hki ba hkrum na mara ai, ngu nna tsun u, ngu wu ai. Ndai yang du hkra Yeremia ga rai nga ai.

EZEKELA 21:5

“Shaloi ngai gaw, ‘Ala, Madu Yehowa e, Ndai wa gaw ga shadawn hku hkrai tsun ai, n rai ni?’ nga nna nye a lam shanhte tsun ma ai,” ngu nna htan nngai.

EZEKELA 7:5

Madu Yehowa ning nga ai: “Tsin-yam tsindam, tsin-yam tsindam langai mi, --yu u, dai du ra ai.

HOSEA 7:15

Shanhte a lata hpe ngai sharin ya nna, n-gun shaja timung, shanhte gaw nye a lam hkalem ai hku maw ma ai.

NAHUM 1:11

Yehowa hpe n shawp ai hku maw ai hte, be lagya hpaji daw ai wa langai mi, nang kaw na paw pru wa sai.

2 KORINHTU 10:5

masha a myit mang ai hku hte, Karai Kasang a chye chyang ai lam hpe hkum da mayu ai tsaw matsaw hte hpe, anhte sharun shabya lu ai hte, Hkristu a ga madat mara na lam a npu e myit mang shagu hpe sharen da mu ai;

1 SAMUELA 26:8

Shaloi Abishai gaw, “Karai Kasang gaw, na a hpyen wa hpe na a lata hta dai ni ap ya ra ai: dai rai nna, aga de hkrang hkra ari hte kalang ta sha ngai shi hpe galun htinggrang kau we ga; lahkawng lang pyi, n kahtap na nngai,” ngu nna Dawi hpe hpyi wu ai.

1 SAMUELA 3:12

Dai shani e, Eli nta masha ni hpe ngai te nna tsun matsun hte maren, npawt nna ndung hkren ngai shapraw na we ai.