NAHUM 1:3 - Jinghpaw Hanson Version Bible

³ Yehowa gaw myit galu kaba nna, n-gun atsam ja nga ai: shi gaw mara kap ai wa hpe shalawt dat na n rai: Yehowa gaw bungsha hte laru marang hta yu wa nna, sumwi ni gaw shi a lagaw npu na ga nhpu rai nga ai.

Jinghpaw Common Language Bible 2009

³ Dai Madu gaw loi loi hte masin pawt ai n rai, rai ti mung shi gaw daru magam n-gun rawng nga ai hte mara lu ai wa hpe ari n jaw ai sha galoi mung dat dat ai n rai. Dai Madu hkawm ai shara hta, laru ru nga ai; sumwi ni gaw shi a lagaw a npu na ga nhpu rai nga a hka!

NAHUM 1:3 ပူးပေါင်းရင်းမြစ်များ

2 SAMUELA 22:10

Shaloi shi gaw sumsing lamu hpe Shanem nna yu hkrat ra ai; Shi a lagaw npu e htat ai nsin rai nga ai.

NEHEMIA 9:17

shanhte a ka-ang e nang madun dan ai mauhpa amu hpe n dum nga ai sha, shanhte du shaja ai hte, gumlau let, mayam tai nga ai mung de nhtang wa na nga, hpyen du hpe san da ma ai. Nang chyawm gaw, yubak raw dat ai, matsan dum ai hte chyeju myit rawng ai, myit galu ai hte n-gaw nwai myit madun ai Karai Kasang rai nga nna, shanhte hpe kau da mu ai n rai.

YOBA 10:14

Ngai yubak galaw yang, nang hkan matsing nna, nye shut hpyit ai hpe raw dat na, nang n hkraw ndai.

YOBA 38:1

Shaloi Yehowa gaw bungsha kaw nna Yoba hpe htan let,

YOBA 9:4

Hpaji hkum ai hte n-gun lagaw rawng htum ai wa hpe kadai wa daw hkat nna, dang kau lu na rai ta?

SHAKAWN KUNGDAWN 103:8

Yehowa gaw matsan dum ai, sumnung ai, galu kaba nna, Nachying n-gaw nwai ai myit, rawng nga ai.

SHAKAWN KUNGDAWN 104:3

Shi a gawk madung gaw hka hta shi tawn da nu ai; Sumwi hpe shi a leng ni shi shatai nu ai; Nbung a singkaw hta shi hkawm nga ai.

SHAKAWN KUNGDAWN 145:8

Yehowa gaw sumnung ai, matsan dum ai, galu kaba ai hte nachying n-gaw nwai ai hte hpring nga ai.

SHAKAWN KUNGDAWN 147:5

Anhte a Madu galu kaba nga ai rai nna, Shi a hpung shingkang mung galu kaba nga ai; Shi myit ai lam kadai n dang gawn lu ai.

SHAKAWN KUNGDAWN 50:3

Anhte a Karai Kasang du ra ai rai nna, Shi atsin sha nga nga lu ai n rai; Shi a man e wan a hkru nga nna, Shi a grup yin e laru kaba ru nga ai.

SHAKAWN KUNGDAWN 62:11

Karai Kasang lang mi ga jaw ni ai: Karai Kasang n-gun a npawt rai nga ai gaw, Lahkawng lang ngai na yu se ai.

SHAKAWN KUNGDAWN 66:3

“Karai Kasang e, na a amu gade wa hkrithpa rai nga a hka; Na a chyalai n-gun majaw, Na a man e gumlau ni hkayawm na mara ai.

ESAIA 19:1

Egutu mung hta ang ai myihtoi ga: Yehowa gaw lawan ai sumwi hta jawn nna, Egutu mung de du ai: Egutu hpara sumla ni shi a man e gari nna, Egutu mung na minla gaw, tinang kraw e byaw mat na ra ai.

ESAIA 29:6

Zaw nawng zaw wa up ai Yehowa gaw, mu ngoi ai, nnang nawn nawn ai, wu kadu ai nsen hte rau, nbung laru, marang mawru, hkru kau ai wan shinglet hte, dai mare hpe kawan katsan yu na ra ai.

ESAIA 66:15

Kaning rai nme law, yu mu, myit kahtet ai hpe n-yun bu ai hte, daru jet ai hpe grung ai wan hte shapraw dan na matu, Yehowa gaw wan hte du nna, shi a leng ni bungsha zawn rai na ra ai.

YEREMIA 4:13

Yu u, sa wa ai hkawhkam gaw sumwi zawn du na ra ai; shi a leng ni gaw, bungsha zawn rai nga ai; shi a gumra ni gaw, langda hta grau laram nga ma ai; anhte gaw dingnye lu ga ai: hten byak ai hkrum saga ai.

Daniela 7:13

“Bai shana na shingran hta ngai mu mada nna, yu u, Masha kasha nsan ai wa langai mi sumwi hta jawn let, moi chyaloi nhkoi na wa hpang de pyi sa du nna, shanhte gaw dai wa a man de shi hpe shani mu ai.

HOSEA 8:7

Shanhte gaw nbung nli gat nna, bungsha shu la na mara ai; mam hpun tu na n rai. Nkyang hta shadung rawng na, n rai: rawng timung, tsasam masha ni dai hpe gamaw kau na mara ai.

YOELA 2:13

nanhte a hpun palawng n rai, myit masin hpe gang je kau nna, nanhte a Karai Kasang Yehowa hpang de bai wa marit: shi gaw matsan dum ai hte chyeju jaw ai myit, galu kaba ai hte n gaw nwai ai myit, rawng nna, ari jaw na lam myit malai nga ai.

YONA 4:2

Dai rai nna shi gaw Yehowa hpe, “Gaja wa Yehowa e, nye a mung e ngai naw rai nga yang, ndai ngai tsun ni ai ga, n rai ni? Nang gaw chyeju, matsan dum ai, myit galu kaba ai, n-gaw nwai myit hpring nna, n hkru ai hta na myit nem la ai Karai Kasang rai nga ndai hpe, ngai chye nngai majaw, ngai gaw Tarshi de tin tin hprawng mat wa nngai.

ZEHKARIA 9:14

Yehowa gaw, shanhte a ntsa e dan pru nna, shi a pala gaw, myihprap zawn pru na ra ai: Madu Yehowa gaw pahtau dum nna, dingda mung na bungsha hte, sa wa na ra ai.

BU HKAWM 14:18

rai nga ai hte maren, nang Madu a hpung shingkang galu kaba nga u ga:

MAHTE 26:64

Yesu gaw, “Nang tsun ai hte maren rai nga ai: dai hta n-ga ngai nanhte hpe tsun made ga, Dai Masha Kasha gaw, Daru Magam a hkra maga e dung nga nna lamu na sumwi ni hta sa du ai hpe nanhte mu na marin dai,” ngu nna shi hpe tsun wu ai.

YAKU 1:19

Nye a tsawra ai hpunau ni e, ndai lam hpe nanhte chye nga myit dai. Masha kadai wa rai timung, na la na matu lawan nga u ga; ga tsun na matu hkum tin nga u ga, masin pawt na matu mung, hkum tin nga u ga:

SHINGRAN 1:7

Yu mu, shi gaw sumwi hte du sa wa nna, myi yawng mayawng mung, shi hpe galun baw ai ni mung, shi hpe hkap mu na mara ai rai nna, dinghta ga na amyu nlang hte gaw, shi a majaw sharung shayawt na mara ai. Rai sa, Amen.