NAHUM 1:2 - Jinghpaw Hanson Version Bible

² Yehowa gaw nsu nnawn myit rawng nna, matai htang ai Karai Kasang rai nga ai; Yehowa gaw n-yun bu let matai htang nga ai: Yehowa gaw, hkap daw ai ni hpe matai htang nga nna, hpyen ni a matu ari ahpri kyem da nga ai.

Jinghpaw Common Language Bible 2009

² Madu Karai Kasang gaw shingjawng kashun ai amu hpe hkam sharang ai n rai; shi gaw shi hte ninghtan shai ai ni hpe ari jaw nga ai. Shi a masin kahtet ai a majaw, shanhte hpe matai htang nga ai.

NAHUM 1:2 ပူးပေါင်းရင်းမြစ်များ

YOBA 20:23

Shi gaw, shi a kan hpring wa magang yang, Karai Wa a pawt bu kahtet ai gaw shi a ntsa e du nna, shi sha ai shat ntsa e mung, marang zawn htu na ra ai.

SHAKAWN KUNGDAWN 94:1

Mara bai tai htang ya ai Karai Wa, Yehowa e, Bai tai htang ya ai Karai Wa e, htoi kabrim nga u.

PRU MAT 20:5

dai hpe hkum naw hkum ku, hkum jaw hkum jau et: kaning rai nme law, ngai, na a Karai Kasang Yehowa gaw, nsu nnawn loi ai Karai Kasang rai nga nngai rai nna, ngai hpe n dawng n yawt ai ni a amyu lakung hpe gaw kawa ni a yubak kasha ni hta prat masum prat mali du hkra jaw nga nngai;

PRU MAT 34:14

Hpara shaje nang nawku lu na n rai: Nsu nnawn ngu ai Yehowa gaw, nsu nnawn myit rawng ai Karai Kasang rai nga ai:

PRU MAT 34:7

masha hkying hkying mun mun hpe matsan dum ai myit madun nna, shut hpyit ai, tara tawt lai ai, yubak mara raw dat kau ya timung, kaman lila n dat kau ya ai; prat masum prat mali du hkra kawa ni a yubak kashu kasha ni hta a jaw nga ai Karai Kasang rai nga nngai,” nga nna tsun dan wu ai.

ESAIA 42:13

Yehowa gaw n-gun ja ai wa zawn pru nna, share ninghkrin zawn shi a myit dakat na ra ai: shi jahtau nna, gaja wa garu na ra ai; hpyen ni hpe nhtum nni shaza kau na ra ai.

ESAIA 51:17

Yehowa a lata hta na n-yun bu ai gawm lu sai, Yerusalem e hprang u, hprang nna rawt u: nang gaw n di n da hkawm shangun ai gawm hpe lu kau nna, jabu du hkra shup lu kau nu ai.

ESAIA 51:20

Na a shadang sha ni gaw htan mat masai; shanhte gaw mahkam hta lu ai shan zawn, mare lam mashe shagu hta taw nga ma ai: shanhte gaw Yehowa a n-yun bu ai, na a Karai Kasang a daru jet ai hte hkru nga ma ai.

ESAIA 66:15

Kaning rai nme law, yu mu, myit kahtet ai hpe n-yun bu ai hte, daru jet ai hpe grung ai wan hte shapraw dan na matu, Yehowa gaw wan hte du nna, shi a leng ni bungsha zawn rai na ra ai.

YEREMIA 25:15

Kaning rai nme law, Israela Karai Kasang Yehowa ngai hpe ning nga ai: Ndai pawt sindawng ngu ai tsabyi gawm, nye a lata na hkap la nna, ngai nang hpe kawan yu shangun ai amyu ni mahkra hpe lu shangun u:

YEREMIA 28:8

Ngai hte nang garai n nga yang, moi shawng na myihtoi ni gaw, mung law law hte, kaba la ai mungdan ni hpe lakap nna, hpyen majan, shoihpa shoirang hte ana zinli pru na lam htoi ma ai.

YEREMIA 3:5

Shi gaw tutnawng pawt nga na a ni? prat htum hkra yubak matsing da na a ni? nang tsun ninglen, yubak galaw lu ai daram, galaw nga n hka.

YEREMIA 36:7

shanhte langai hte langai tinang hkan ai n hkru ai lam hpe koi kau let, Yehowa hpe hpyi tawngban dam ma nhten; ndai amyu hpe Yehowa tsun ai myit kahtet ai hte pawt sindawng ai gaw, grai ja la nga ai, ngu nna htet da wu ai.

YEREMIA 4:4

Yuda hte Yerusalem masha ni e, Yehowa matu mara tinang dai matu gadoi hkam mu; nanhte a myit masin a hpyi magap hpe hkoi kau mu; shing n rai, nanhte a n hkru n hkra ai amu majaw, nye a pawt sindawng ai gaw wan zawn pru nna, kadai n sat lu hkra hkru na ra ai.

YEREMIA 50:15

Mare grup yin e garu mu; shi yin la sai; langchyi ni daw mat sai, bunghku ni run mat sai: dai gaw Yehowa a matai dawp ai lam rai nga ai majaw, shi hpe matai dawp mu; shi galaw yu ai hte maren, shi hpe galaw mu.

SHARUNG SHAYAWT 4:11

Yehowa gaw shi a myit kahtet ai shakawp nna, shi pawt sindawng ai hpe ru kau nu ai; Shi gaw Ziun mare a npawt nhpang ni du hkra, hkru kau ai wan nat nu ai.

EZEKELA 36:6

Dai re ai majaw Israela mung hpe lakap nna myihtoi htoi let, bum ni hte kawng ni hpe, hkaraw hte kadit ni hpe htawn tsun u, Madu Yehowa ning nga ai: Yu u, nanhte gaw maigan amyu ni a shatan nhkan hkrum ai majaw, ngai myit na machyi nna, sindawng kahtet ai hte ga tsun ni ai:

EZEKELA 38:18

Rai timung, Goga gaw nye a amyu Israela mungdan hpe sa gasat ai shani e, nye a sindawng kahtet ai rawt nna, pru na ra ai,’ nga nna Madu Yehowa tsun ai.

EZEKELA 38:19

Gaja wa, dai shani e Israela mung ting hta, nnang nawn kaba nawn wa na ra ai, nga nna nye a n-yun bu ai wan hkru let, ngai tsun ni ai:

EZEKELA 39:25

“Dai re ai majaw Madu Yehowa ning nga ai: Bawng dung hkrum ai Yaku amyu hpe, ya ngai nhtang woi wa nna, Israela dap ting hpe matsan dum na nngai: nye chyoi pra ai mying ningsang hpe ngai maga na nngai.

EZEKELA 5:13

Shing rai ngai pawt bu ai myit dik na ra ai: shanhte a majaw, nye myit kahtet ai, ngai jasim nna, ngai myit pyaw lu na nngai; shanhte a ntsa e nye pawt bu ai myit shadik yang, ngai Yehowa gaw sindawng kahtet nna, tsun ai hpe, shanhte chye lu na mara ai.

EZEKELA 6:12

Tsan tsan e nga ai wa, ana zinli hte si na ra ai; ani sha nga ai wa, ri nhtu hte kadawng si na ra ai; dai tsin-yam lawt nna, naw ngam nga ai wa, hku wa hte si na ra ai: shing rai ngai gaw, shanhte a ntsa e, nye a sindawng kahtet ai shadik na nngai.

EZEKELA 8:18

Dai re ai majaw, ngai pawt bu let ari jaw na nngai; nye a myi lahpawt dum na n rai, ngai matsan n dum na nngai; shanhte aja awa jahtau timung, ngai n madat na nngai,” nga ai.

YOELA 2:18

Shaloi Yehowa gaw shi a mungdan a lam lahpawt lama dum nna, shi a amyu masha ni hpe matsan dum nga ai.

JAW JAU 26:28

ngai nanhte hpe pawt ai hte nhtan shai ai hku galaw nna, nanhte a mara majaw ari htam sanit naw jaw na made ai.

MIHKA 5:15

Nye a ga n madat ai maigan amyu ni hpe, pawt sindawng kahtet ai hte ngai dawdan na nngai, nga nna Yehowa tsun ai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHKARIA 1:14

Shing rai, ngai hte ga tsun ai lamu kasa gaw, “Tsun jahtau u; Zaw nawng zaw wa up ai Yehowa ning nga ai: Ngai gaw Yerusalem mare hte Ziun bum hpe, grai wa nja nhpra nga nngai;

ZEHKARIA 8:2

“Ngai gaw Ziun bum hpe grai wa nja nhpra rai nga nngai: grai wa myit kahtet nna shi a matu nja nhpra nga nngai,” nga nna Zaw nawng zaw wa up ai Yehowa tsun ai, nga ai.

BU HKAWM 25:11

“Nye a manawn masham myit hte Israela kashu kasha ni hpe ngai n jahtum kau hkra, hkinjawng Arun a kashu Eleaza kasha Hpineha gaw, shanhte hta ngai hpang maga myit kaba ai majaw, nye a pawt bu ai masin hpe Israela kashu kasha ni hta na shabai kau ni ai.

ROMA 12:19

Tsawra ai ni e, tinang nan matai hkum htang mu; Karai Kasang a pawt sindawng na hpe ala nga mu: kaning rai nme law, dai Madu tsun ai gaw, Matai htang na ahkang ngai chyu lu nngai, ngai tai na we ai, nga nna ka da nga ai.

ROMA 13:4

kaning rai nme law, shi gaw na a akyu ara a matu mara, Karai Kasang a hkringmang rai nga ai. N hkru n hkra ai bungli nang galaw n yang gaw, hkrit kang nga u; kaning rai nme law, shi gaw dai nhtu hpe be lagya hpye wu ai n rai; n hkru n hkra ai bungli galaw ai wa hpe pawt sindawng hkra matai tai ai wa ngu ai, Karai Kasang hkringmang shi rai nga ai.

TARA JAHPRANG 4:24

Kaning rai nme law, nanhte a Karai Kasang Yehowa gaw grung nga ai wan, nsu nnawn loi ai Karai Kasang rai nga ai.

TARA JAHPRANG 7:10

shi hpe n dawng ai ni e gaw jahten kau na nga, shanhte a man pa ari jaw ai Karai Wa rai nga ai: shi hpe n dawng ai wa e agam ai myit n rawng ai sha, dai wa hpe man pa ari jaw na wu ai.

HEBRE 10:30

Kaning rai nme law, “Matai htang na ahkang ngai lu nngai, ngai tai na we ai, nga nna mung, Dai Madu gaw shi a amyu masha ni hpe tara dara na ra ai,” nga nna mung, tsun ai wa hpe, anhte chye nga ga ai.

YAWSHU 24:19

Bai, Yawshu gaw amyu masha ni hpe, “Nanhte Yehowa hpe n jau lu na myit dai: shi gaw chyoi pra ai Karai Kasang rai nga ai; nsu nnawn loi ai Karai Kasang mung rai nga ai: shi gaw nanhte a shut hpyit ai amu hte nanhte a yubak hpe raw dat kau lu na n rai.

2 PETRU 2:9

Dai madu gaw, tara hkungga ai ni hpe agung alau kata na mawai la na hte, n ding n hpring ai ni hpe ari jahkrum na matu, tara dara na nhtoi du hkra hkang tawn da na nga, chye nga ai: dai hkum shan a matsat shabat marin ai lam hta hkawm wa ma ai rai nna, ahkang aya lu ai ni hpe n gawn n sawn di mu ai ni nan, grau nna dai zawn di na, shi chye nga ai.