MIHKA 7:9 - Jinghpaw Hanson Version Bible

⁹ Ngai gaw Yehowa hpe shut nngai majaw, shi nye a amu a lam tsun nna, ngai hpe dawdan ai shani du hkra, shi a pawt sindawng ai hpe, ngai hkam mana na nngai: shi ngai hpe nhtoi de bai shapraw nna, shi a dinghpring ai lam ngai mu mada na nngai.

Jinghpaw Common Language Bible 2009

⁹ Anhte gaw dai Madu hpe shut hpyit kau saga ai majaw, ya anhte shi a masin kahtet ai hpe aten ladaw langai mi a matu hkam sharang ra nga ga ai. Rai ti mung, jahtum na aten hta, shi gaw anhte hpe makawp maga la na ra ai; anhte shut hpyit kau sai lam ni hpe shajaw ya na ra ai. Shi gaw anhte hpe nhtoi de shapraw dat na ra ai, anhte gaw shi anhte hpe hkye hkrang la na ra ai hpe mu lu na ga ai.

MIHKA 7:9 ပူးပေါင်းရင်းမြစ်များ

2 SAMUELA 24:17

Ya Dawi, mung masha ni hpe ari jaw ai lamu kasa hpe mu jang, Ngai shut ni ai; ngai n shawp ai hku galaw kau se ai: ndai sagu ni chyawm gaw hpa lam shut nga ma ta? Na lata gaw ngai hte nye amyu hta sha jahkrat mi law, ngu nna Yehowa hpe hpyi nem wu ai.

YOBA 23:10

Shi mahtang ngai htinglet hkawm ai lam chye nga ai; ngai hpe dinglik yu yang, ja jet zawn ngai pru na nngai.

YOBA 35:14

Nang gaw, “ngai shi hpe n mu nngai,” nga nna tsun ndai majaw, grau nna n nawn nga ai n rai ni? Amu gaw shi kaw rai nga ai, shi a man e ala nga u.

SHAKAWN KUNGDAWN 119:154

Nye a amu hpe jeyang nna ngai hpe hkye hkrang la e; Na a ga hte ngai hpe shalan shabran ya e.

SHAKAWN KUNGDAWN 37:6

Shi gaw na a dinghpring ai hpe sawmrawm nhtoi zawn, na a dawdan ai hpe, jan pungding shingkang zawn, shapraw dan na ra ai.

SHAKAWN KUNGDAWN 43:1

Karai Kasang e, n hkru ai amu a majaw, Ngai hpe dawdan nna jeyang ya e; Hkalem sha ai ni hte n shawp ai ni kaw na, ngai hpe mawai la e.

SHAKAWN KUNGDAWN 7:6

Yehowa e, masin pawt let rawt u; Nye a gumlau ni n-yun bu ma ai hpe, shabai ya mu. Nye a lam dum u; dawdan ai hku nang hkang da ngut sai.

SHAKAWN KUNGDAWN 94:15

Dingman ai lam gaw naw awlaw nga na rai nna, Myit malang ai ni yawng dai hku hkan nang na mara ai.

ESAIA 42:16

Myi hten ai ni hpe, shanhte n chye ai lam hku ngai lakawn wa nna, shanhte n lai yu ai lam hta woi wa na nngai: shanhte a man na nsin hpe ngai nhtoi shatai nna, magaw ai lam hpe shading na we ai. Dai chyeju ngai galaw nna, shanhte hpe kau da na n rai.

ESAIA 42:7

ngai Yehowa nan dinghpring ai hte nang hpe shaga la nna, na a lata hpe shadaw let, nang hpe makawp maga nna, masha amyu ni a matu ga shaka, maigan amyu ni a matu nhtoi, nang hpe san da de ai.

ESAIA 46:13

ngai gaw nye a dinghpring ai hpe shani la nna, dai gaw tsan nga ai n rai; nye a hkye hkrang la ai lam ganung nga ai n rai; ngai gaw Ziun bum hta hkye hkrang la ai lam, Israela hta e, nye a arawng sadang hpe, tawn da na we ai.

ESAIA 51:22

shi a amyu a matu, bawmung tai ai, na a Karai Kasang Madu Yehowa gaw ning nga ai: “Yu u, n di n da hkawm shangun ai gawm ngu ai, nye a n-yun bu ai gawm hpe, ngai na a lata na dawm la kau nna, htawm hpang de nang lu lu sa na n rai:

ESAIA 56:1

Yehowa ning nga ai: Nye a hkye hkrang la ai chyeju du na aten, nye a dinghpring ai lam shadan dan na aten, du magang ra ai majaw, tara hpe shatup nna, dinghpring ai amu galaw mu.

YEREMIA 10:19

“Ngai hkrum ai hkala nba majaw, dingnye lu na nngai; nye a nma sawng la nga ai: rai timung, Ngai hkrum ai ari, ndai rai nga ai; ngai hkam mana na nngai,” nga nna ngai tsun nngai.

YEREMIA 14:7

Yehowa e, anhte a shut hpyit ai mara gaw, anhte a lam sakse hkam timung, na a amying nsang hpe tau yu nna, naw sharang u law; anhte law law lang htak mat saga ai; nang hpe shut kau saga ai.

YEREMIA 51:10

Yehowa gaw anhte a dinghpring ai lam hpe shapraw dan sai: sa marit, anhte a Karai Kasang Yehowa a amu magam hpe, Ziun mare hta tsun shana ya ga.

SHARUNG SHAYAWT 1:18

Yehowa gaw dinghpring nga ai; ngai mahtang shi a ga tawt lai nngai: Amyu baw ni e, madat nna, nye a yawn hpa hpe sumru yu mu: Nye a mahkawn ni hte shabrang ni hpe, bawng rim mat wa manu ai.

JAW JAU 26:41

ngai mung shanhte hte nhtan shai nna, masha tsasam a mung de sa kau ai hpe mung, dum nna yin la na mara ai: shing rai, shanhte a matu n gadoi ai myit hpe shagrit nna, ngai jahkrum ai ari hpe yin la ma yang gaw,

MALAHKI 3:18

nna Zaw nawng zaw wa up ai Yehowa tsun ai.

1 KORINHTU 4:5

Dai re ai majaw, aten garai n du ai hte, nsin hta naw makoi magap da ai arai ni hpe hpaw shadawng dat nna, kraw lawang na myit mang ai hpe shapraw shadan dan na Madu du sa ai du hkra, hpa mung hkum jeyang nga myit; dai shaloi e Karai Kasang gaw langai hte langai hpe hkap shakawn na ra ai.

2 TIMOHTI 4:8

ya kaw nna, dinghpring ai tara agyi ngu ai, dai Madu gaw, dai nhtoi hta e ngai hpe ap ya na, dinghpring ai hte seng ai ja janmau gaw, nye a matu mazing da nu ai: ngai hpe sha n rai, shi a dan pru ai lam hpe sharawng awng ai ni nlang hte hpe mung, ap ya na ra ai.

SHINGRAN 18:20

Sumsing lamu hte chyoi pra ai ni, kasa ni hte myihtoi ni e, dai mare a majaw kabu gara nga mu: kaning rai nme law, nanhte a matu matai htang na lam, Karai Kasang gaw shi a ntsa e dawdan nu ai, nga nna tsun ai,” ngai na nngai.

1 SAMUELA 24:15

Dai re ai majaw Yehowa she tara agyi tai ya mi ga; nang hte nye a lapran e shi hparan ya mi ga; shi nan mada yu nna ngai hpe na a lata na hkrang la n ga,” ngu nna Shawlu hpe tsun wu ai.

1 SAMUELA 25:39

Ya Dawi Nabala si mat ai lam na jang, shi gaw, “Ngai hkrum ai shatan nhkan hpe yu ya nna, Nabala lata na shaw la ai hte, shi a mayam wa hpe yubak mara hta na shalawt la ai Yehowa gaw a nga u ga law; Nabala galaw ai yubak hpe shi a baw hta, Yehowa nhtang dat ya nu ai,” ngu nna shakawn wu ai: shing rai Dawi gaw masha shangun nna, Abigela hpe kahkyin na matu shaga dat wu ai.

1 SAMUELA 26:10

Bai Dawi gaw, “Yehowa ahkrung nga ai hte maren, Yehowa shi hpe sat kau na wu ai; shing n rai, shi a si ten du na ra ai; shing n rai, majan hta sa sum si na ra ai.

1 SAMUELA 3:18

Samuela mung lama mi muk n ip da ai sha, atsai awai tsun dan wu ai. Eli gaw, “Yehowa she rai nga ai gaw, shi ra ai hku galaw u ga,” ngu nna yin wu ai.