MIHKA 7:8 - Jinghpaw Hanson Version Bible

⁸ Hpyen wa e, nye a lam hkum yu kabu et; ngai kataw timung, bai rawt na nngai; ngai nsin kata e dung nga timung, Yehowa nye a nhtoi rai na ra ai.

Jinghpaw Common Language Bible 2009

⁸ Anhte a gumlau hpyen ni gaw anhte a ntsa e lachyum kata, yu kabu nga ma ai. Anhte kataw mat ai rai ti mung bai rawt wa lu na ga ai. Ya, anhte nsin kata hta rawng nga ga ti mung, dai Madu gaw anhte hpe nhtoi jaw ya na ra ai.

MIHKA 7:8 ပူးပေါင်းရင်းမြစ်များ

YOBA 31:29

Ngai hpe n dawng ai wa hten byak hkrum yang, ngai n kabu nna, tsin-yam tsindam shi hkrum sha yang, ngai n gumrawng nngai.

SHAKAWN KUNGDAWN 112:4

Matsan dum chye ai, n-gaw nwai ai hte dinghpring ai nhtoi, Myit malang ai ni a matu mara nsin hta e dan pru na ra ai.

SHAKAWN KUNGDAWN 143:3

Dai gumlau wa gaw nye a myit masin hpe hkan shachyut nu ai: Nye a asak hpe ga du hkra kabye kau wu ai: Moi moi na si mat ai ni zawn, Nsin sin ai shara e, shi ngai hpe nga shangun ni ai.

SHAKAWN KUNGDAWN 20:8

Shanhte kataw nna kadawng mat masai, Anhte chyawm gaw rawt nna ngang ngang tsap nga ga ai.

SHAKAWN KUNGDAWN 27:1

Yehowa gaw nye a nhtoi hte hkye hkrang la ai lam rai nga ai, Kadai wa hpe ngai hkrit nga n ta? Yehowa gaw nye a asak shingbyi shara rai nga ai, Ngai kadai wa hpe hkrit kajawng na rai nga a ta?

SHAKAWN KUNGDAWN 35:19

Masu ai lam hkan nna ngai hpe gumlau ai ni, n kabu lu mu ga, Mara n nga ai mi, ngai hpe n dawng ai ni, myi kunglau n rai lu mu ga.

SHAKAWN KUNGDAWN 37:21

Tara n lang ai wa, hkoi la nna bai n wa lu ai; Dingman ai wa chyawm gaw matsan dum chye nna, jaw lu ai.

SHAKAWN KUNGDAWN 37:24

Yehowa shi a lata hpe shadaw ya wu ai majaw, shi kataw yang, taw nan nga na n rai.

SHAKAWN KUNGDAWN 38:16

Kaning rai nme law, “Nye a lagaw kashawt yang, Ngai hta grau mayu ai ni, nye a lam n kabu lu mu ga,” ngai tsun nga nngai.

SHAKAWN KUNGDAWN 84:11

Yehowa Karai Kasang ajan hte n-gang rai nga ai, Yehowa gaw chyeju hte arawng sadang jaw lu ai; Dingman ai hku hkan ai ni hpe, shi kaja ai hpa mung ndang na n rai.

SHAKAWN KUNGDAWN 97:11

Dingman ai ni a matu, nhtoi htoi nga ai, Myit malang ai ni a matu kabu shara rai nga ai.

ESAIA 2:5

Yaku a dap ni e, sa marit; Yehowa a nhtoi hta hkan hkawm sa ga.

ESAIA 49:9

shing rai nang gaw, bawng dung ai ni hpe, “Pru wa mu,” nsin e dung nga ai ni hpe, “Dawng pru wa mu,” ngu nna tsun na maru ai. shanhte gaw hkrun lam e shat lusha nna, krin ai kawng shagu ntsa e, shanhte a matu udat shara tai na ra ai.

ESAIA 50:10

Yehowa hpe hkrit kamyin let, shi a shangun ma a nsen madat mara ai wa gaw, nanhte hta kadai wa rai ta? Nsin hta hkawm nna, nhtoi n mu ai wa gaw, Yehowa a amying hta hpa nna, tinang a Karai Kasang hta shamyet shanat u ga.

ESAIA 9:2

Nang gaw mung masha ni hpe shalaw nna, shanhte a kabu gara ai hpe jat ya mu ai: shanhte gaw nmut ta e kabu gara ai hte, lanep karan ai ni kabu jahtau ai zawn, na a man e kabu gara nga ma ai.

YEREMIA 48:27

Nang mahtang Israela hpe shatan ai, n rai ni? shi gaw lagu lagut ni hte kanawn ai, nang mu yu n ni? rai timung, shi a lam tsun shagu, nang baw kanga n hka.

YEREMIA 50:11

“Nye a sali wunli hpya sha ai ni e, nanhte kabu gumrawng ai hte, mam kabye ai nga upra zawn pagawn di nna, n-gun ja ai gumra zawn ngoi myit dai majaw, nanhte a kanu gaw teng teng kaya kahpa hkrum nna, nanhte hpe shangai ai num gaw, mak mat na ra ai: yu u, shi gaw mung ni yawng hta hpang hkrat ai mung, nam mali ahkun ahkraw ga hte zaibru jang tai na ra ai.

YEREMIA 8:4

“Bai shanhte hpe ning ngu tsun u, Yehowa ning nga ai: Kataw ai wa gaw, bai n rawt na a ni? Lam yit mat wa ai wa gaw, n htang wa na a ni?

EZEKELA 25:6

Kaning rai nme law, Madu Yehowa ning nga ai: Nang gaw Israela mung hpe grai wa n dawng let, lahpawk dum nna, lagaw shingdit ai hte, kabu gara nga ai majaw,

EZEKELA 35:15

Israela dap a sali wunli ga katsi katsang tai mat ai hpe, nang kabu nga ndai majaw, dai hte maren ngai nang hpe di na nngai: Seira bum e, nang hte Edom mung ting, katsi katsang tai mat nna, ngai Yehowa rai nga ai hpe, shanhte chye lu na mara ai,” nga ai.

EZEKELA 36:5

Gaja wa, nye a mungdan hpe up na matu, kabu gara ai myit hte kashun kashe la nna, manawn masham ai myit hte dai hpe lanep shatai lu hkra, pagawn re ai maigan amyu ni hte Edom amyu ting hpe, nye a myit sindawng kahtet ai wan hte ngai daru kau na nngai.

AMO LAIKA (AMOS) 9:11

Nye a amyu masha ni gaw, naw ngam nga ai Edom amyu masha ni hte, nye a amying mying ai maigan amyu ni mahkra hpe, madu lu na matu,

OBEDIA 1:12

Na nnau wa tsin-yam tsindam hkrum ai shani e, hkum yu sharawng et; Yuda kashu kasha ni hten byak hkrum ai nhtoi hta, hkum yu kabu et; shi ru tsang hkrum ai nhtoi hta, myit kaba ai ga hkum tsun et.

MIHKA 4:10

Rai sa, Ziun shayi sha e, shinggyim machyi ai num zawn, kawa machyi hkrum nna, kasha shangai na n-gun dat u; kaning rai nme law, ya pyi ndai mare na nang pru nna, pa ga hta hkring nga nhtawm, Babelon mare du hkra sa wa na rin dai: dai mare hta nang mawai la ai hkrum na ndai; ndai yang e Yehowa gaw hpyen ni a lata na, nang hpe hkye hkrang la na ra ai.

MIHKA 7:10

Dai shaloi ngai hpe hpyen ai wa dai lam mu mada nna, Na a Karai Kasang Yehowa kanang nga a ta? nga nna ngai hpe tsun ai num gaw, kaya kahpa hkrum na ra ai: nye a myi shi hta dik na ra ai; shi gaw mare lam a hkumpup zawn, kabye kau ai hkrum na ra ai.

ZEHKARIA 12:8

Dai shani e, Yehowa gaw, Yerusalem masha ni hpe makawp maga na ra ai; shanhte hta n-gun n ja ai wa gaw, dai shaloi e Dawi zawn tai na ra ai; Dawi a dap gaw, Karai Kasang zawn, rai sa, shanhte a shawng e langang sa ai Yehowa a lamu kasa zawn, tai na ra ai.

MALAHKI 4:2

Nye a amying hpe hkrit hkungga ai ni a nta e chyawm gaw, dinghpring shangun ai ajan gaw, shamai shatsai ai singkaw hte, du pru na ra ai: nanhte mung pru wa nna, ulawng na dumsu kasha zawn, gumtawng na marin dai.

MAHTE 4:16

Nhtoi kaba mu lu ma ai rai nna, Si ai mung hte de a shingnip kata hta dung nga ai ni kaw, Nhtoi dawng pru wa sai,” nga nna myihtoi Esaia tsun ai ga dik wa u ga majaw byin nga ai.

YAWHAN 16:20

Ngai nanhte hpe gaja wa teng teng tsun made ga, “Nanhte gaw hkrap ngu hkrap ngoi ai hte, sharung shayawt ai hkrum na marin dai; mungkan masha ni chyawm gaw kabu gara lu na mara ai; nanhte gaw yawn hkyen ai hkrum na marin dai, rai timung, nanhte a yawn hkyen ai gaw kabu gara ai bai tai na ra ai.

YAWHAN 8:12

Dai re ai majaw Yesu shanhte hpe bai tsun mu ai gaw, “Ngai gaw mungkan ga a nhtoi rai nga nngai: nye a hpang hkan nang ai wa gaw, nsin hta n hkawm n sa lu na rai nna, asak a nhtoi lu la na ra ai,” ngu mu ai.

KASA 26:18

shanhte a myi jahpaw na matu, ngai nang hpe shanhte hpang de shangun dat de ai rai nna, na a amyu a lata na mung, maigan masha ni a lata na mung, hkye hkrang la na de ai,’ nga nna ngai hpe tsun nngai.

2 KORINHTU 4:6

Nsin hta na nhtoi htoi na ra ai, nga nna tsun ai Karai Kasang gaw, Hkristu a myi man kaw na Karai kasang a hpung shingkang a chye chyang ai nhtoi hpe shapraw ya lu u ga she, anhte a kraw lawang e jahtoi ya ma ni ai.

2 KORINHTU 4:9

zungri zingrat hkrum ga ai rai timung, dam jahka kau ai hkrum ga ai n rai; ari gumpye kau ai hkrum ga ai rai timung, daw hten ai hkrum ga ai n rai.

SHINGRAN 21:23

Dai mare e htoi ya na matu ajan mung, shata mung, n ra nga ai: Karai Kasang a hpung shingkang dai mare hpe jahtoi ya nna, Sagu Kasha gaw de a pyengdin rai nga ai.

SHINGRAN 22:5

Htawm hpang e shana mung n nga na ra ai; pyengdin a ahtoi mung, jan a nhtoi mung shanhte n ra ma ai: kaning rai nme law, dai Madu Karai Kasang gaw shanhte hpe ahtoi jaw na wu ai; dai hta n-ga, shanhte gaw htani htana prat dingsa up nga lu na mara ai.