MIHKA 7:6 - Jinghpaw Hanson Version Bible

⁶ kaning rai nme law, kasha gaw kawa a arawng jahpoi nga ai; shayi sha gaw kanu hpe, kanam gaw shi a kamoi hpe hkap daw nga ai; tinang hpe hpyen ai ni gaw, tinang a nta na ni rai nga ma ai.

Jinghpaw Common Language Bible 2009

⁶ Ndai prat aten hta, kasha ni gaw shanhte a kawa ni hpe angawk mana ni hpe zawn galaw na mara ai, shayi sha ni gaw shanhte a kanu ni hpe ninghkap na ra ai, kanam ni gaw shanhte a kamoi ni hte ga law ga la rai na ra ai; nanhte a gumlau hpyen ni gaw nanhte a dinghku masha ni kaw na rai ma ai.

MIHKA 7:6 ပူးပေါင်းရင်းမြစ်များ

NINGPAWT NINGHPANG 49:4

Hka zawn kabrawng ndai rai nna nang grau lu na n rai: Na nwa a yup ku hta nang lung nna, Dai hpe nang awu asin di kau nu ai:- nye a yup ku hta shi lung wa a hka:

2 SAMUELA 16:11

Bai Dawi gaw Abishai hte shi a ali ama ni mahkra hpe, “Yu mu, nye nshang na hkrat ai, ngai sha majing wa pyi ngai e sat na tam nga ai rai yang gaw, wora Ben-yamin amyu masha gaw dai hta grau na nrai ni? Ra mi nga nga u ga; matsa nga u ga; Yehowa hkang da ai majaw rai sai.

SHAKAWN KUNGDAWN 41:9

Ngai manoi nga ai nye a muk sha ai jinghku wa nan, Shi a lahtin hte ngai hpe shingdit nngai.

GA SHAGAWP 30:11

Tinang kawa hpe dagam kau nna, Kanu hpe mung, n shaman ya ai masha amyu;

GA SHAGAWP 30:17

Tinang a kawa hpe asawng nna, Kanu a ga n kaw madat ai wa a myi hpe, Hkaraw na u hka ni malawk kau ya nna, Langda hkalung ni sha kau na mara ai.

ESAIA 3:5

Mung masha ni langai hte langai, htingbu ni langai hte langai shada da adip arip na mara ai: ma kaji gaw dingla wa hpe, hpa n hkaw ai wa gaw, arawng lu ai wa hpe, gumrawng gumtawng di na ra ai.

ESAIA 9:19

Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

YEREMIA 12:6

Kaning rai nme law, na a nhpu nnau ni hte na nwa dap na ni pyi, nang hpe hkalem hkalau kau nna, na a hpang e aja awa jahtau let hkan nang ma ai: shanhte kaja ai ga tsun timung, shanhte hpe hkum kam et.

YEREMIA 20:10

Masha ni a shatan nhkan ai hpe ngai na lu nngai; shoihpa shoirang shara magup rai nga ai: nye a makyin jinghku ni pyi, Mara shagun mu, anhte shi hpe mara shagun na ga ai; anhte shi hpe lau lu nna, dang kau lu na nhten; shi hpe matai dawp lu nhten, nga nna ngai hpe gyam yu ai ni tsun ma ai.

YEREMIA 9:4

“Langai hte langai tinang a htingbu wa hpe makran u ga; kahpu kanau wa hpe mung n kam u ga; kahpu kanau ni yawng hkalem hkalau sha ai hkrai rai nga ma ai; htingbu htingpyen ni gaw shi htawn hkawm ai ni rai nga ma ai.

EZEKELA 22:7

Na a ka-ang e kanu kawa hpe n kaw n law di kau ma ai; malet nhprang manam ni hpe adip arip di ma ai; chyahkrai nmai hte gaida gaina ni hpe maw sha ma ai.

OBEDIA 1:7

Nang hte ga shaka da ai ni nlang, na a lamu ga jarit du hkra, nang hpe shaden kau manit dai: nang hte hku ai ni, nang hpe hkalem nna, dang kau manit dai; na a muk sha ai ni, na a npu e mahkam up da manu ai: shi gaw nyan kata nga ai.

MAHTE 10:21

Kahpu gaw kanau wa hpe, kawa gaw kasha hpe nsa dan hkra ap kau na ra ai; kasha ni mung gumlau maga de rawt nna, kanu yan kawa hpe sat shangun na maru ai.

MAHTE 26:23

Shi gaw htan let, “Dai hka wan hta ngai hte rau lata manaw ai wa gaw, ngai hpe ap kau na ring ngai:

LUKA 12:53

Kawa gaw shadang sha hte, shadang sha gaw kawa hte; kanu gaw shayi sha hte, shayi sha gaw kanu hte; kamoi gaw kanam hte, kanam gaw kamoi hte shada hka bra na mara ai,” ngu mu ai.

LUKA 21:16

Rai timung, nanhte gaw kanu kawa ni kahpu kanau ni, mayu dama ni hte jinghku jing-yu ni e pyi, ap kau ai hkrum na marin dai: shanhte gaw nanhte hta na nkau mi hpe mung, sat kau shangun na mara ai:

YAWHAN 13:18

Nanhte yawng hpe sha-ang nna ngai tsun nngai n rai: ngai lata la ai ni hpe gaw, ndai chye da we ai: rai timung, Nye a shat sha ai wa gaw, shi a lahtin hte ngai hpe shingdit nngai, nga nna ka da ai ga shadik na a majaw rai nga ai.