MIHKA 7:4 - Jinghpaw Hanson Version Bible

⁴ Shanhte hta grau kaja ai wa gaw ju hpun zawn rai nga ai; myit grau malang ai wa gaw ju nhpan hta grau yak nga ai; na a sin langa ni mu ai nhtoi ngu ai, nang ari ahpri hkrum na nhtoi, ya du ra ai: ya shanhte gaw nhtum nni hkrum na mara ai.

Jinghpaw Common Language Bible 2009

⁴ Shanhte hta kaja htum ai hte ding man dik htum ai wa pyi tsingdu tsingman ni zawn manu n dan nga ai. Shi gaw shanhte hpe shanhte a sin langa, myihtoi ni hku nna sadi jaw ai zawn Karai Kasang gaw amyu masha ni hpe ari jaw na nhtoi du ra ai. Ya chyawm gaw shanhte kashuk kashak byin nga ma ai.

MIHKA 7:4 ပူးပေါင်းရင်းမြစ်များ

ESAIA 10:3

Nanhte hpe kawan katsan yu ai shani hte, sumtsan mung de na nanhte a ntsa e du na ra ai hten byak ai hta, nanhte kaning rai na myit ta? karum ai lu la hkra, kadai hpang de hprawng na myit ta? nanhte a sutgan hpe kanang mahkawng da na myit ta?

ESAIA 22:5

Kaning rai nme law, Zaw nawng zaw wa up ai Madu Yehowa a majaw, dai shani gaw, Shingran kadit hta e, kaming kamawng, kabye kau da nna, shoihpa shoirang hkrum ai hte, mare bunghku ni hpe run kau nna, bum ni hpe jahtat ai shani, rai na ra ai.

ESAIA 55:13

Ju hpun a malai marau hpun, ju singwum a malai jangnai hpun tu na ra ai: dai gaw Yehowa man e n hten n run ai, htani htana amying shingteng hte sakse kumla tai na ra ai.

YEREMIA 10:15

Dai ni gaw kaman lila rai nga ma ai; sawt ai ni hkrai rai nga ma ai; dawdan hkrum ai aten e shanhte hkoi mat na mara ai.

YEREMIA 11:23

shanhte hta langai mi ngam nga na n rai; shing rai ngai kawan katsan yu ai shaning hta, ngai gaw Anahtot masha ni a ntsa e tsin-yam tsindam shapraw na nngai, nga nna Zaw nawng zaw wa up ai Yehowa tsun nga ai.

YEREMIA 46:21

Shi a nchyang ni mung, ulawng hta kawn da ai dumsu kasha hte bung nga ma ai: kaning rai nme law, ru tsang ai hte ari ahpri hkrum ai shani shanhte a ntsa e du ra ai majaw, dai ni gaw n tsap nga lu ai, rau kayin hprawng mat wa ma ai.

YEREMIA 8:12

Shanhte gaw matsat shabat amu galaw nhtawm, kaya nga ma ni? gaja wa, n kaya nga ma ai, myi man mung n sum ma ai; dai rai nna shanhte gaw kataw ai ni hte rau, kataw na mara ai; ngai shanhte hpe kawan katsan ai aten e, shanhte jahkrat kau ai hkrum na mara ai,” nga nna Yehowa tsun ai.

EZEKELA 2:6

Nang mung, masha kasha e, ju hpun hte tsamat hkrum nna, n-gawgawk hte shanu nga timung, shanhte hpe hkum hkrit, shanhte a ga hpe hkum kamang et; shanhte gumlau ai amyu rai nga timung, shanhte a ga hpe hkum hkrit, shanhte a n yawt ai myi man hpe hkum mak mat et.

EZEKELA 28:24

Shing rai, Israela amyu grup yin e dè nga nna, shanhte hpe n kaw n law di ai ni hta na, ju chye ai ju hpun, zingri zingrat ai masawn, htawm hpang de n nga lu nna, ngai Yehowa rai nga ai hpe, shanhte chye lu na mara ai.”

AMO LAIKA (AMOS) 8:2

Shaloi shi gaw, Amo e, nang hpa mu n ta? nga nna san yang, ngai gaw, Myin ai namsi hpring ai ka langai mi mu nngai, ngu nna htan we ai. Shaloi Yehowa gaw, Nye amyu Israela myin nna, di kau ai hkrum na ra ai; htawm hpang e ngai shanhte hpe shalai dat na n rai.

NAHUM 1:10

Kaning rai nme law, shanhte gaw ju hpun zawn shada gindun nga nna, tinang a lauhki hte nang nga ai majaw, yi hku chyahkraw zawn, shanhte htum hkra hkru mat na mara ai.

LUKA 21:25

Dai shaloi e jan, shata, shagan ni hta lamik kumla dan pru na ra ai, nammukdara hte hka leng ni a wu kadu ai nsen majaw, ga ntsa e, mung masha amyu ni myit mau ai hte ru tsang hkrum na mara ai:

HEBRE 6:8

ju hpun hte atsing sha shatut yang chyawm gaw, kau da ai hkrum nna, dagam hkrum magang nga ai hte, de a jahtum gaw, wan nat kau hkrum na, rai nga ai.