MIHKA 7:2 - Jinghpaw Hanson Version Bible

² Dinghpring ai wa gaw, ga ntsa na htum mat sai; mung masha ni hta myit malang ai wa langai mi n nga sai; shanhte nlang asai jahkaw kau na gyam yu ma ai: langai hte langai tinang hpunau wa hpe, sumgawn hte hkan tam ma ai.

Jinghpaw Common Language Bible 2009

² Dai yang e ding man ai masha langai mi pyi n nga nga ai; Karai Kasang hta sadi dung ai masha langai mi mung n nga nga ai. Langai hte langai gaw masha sat, sai jahkaw na ahkaw ahkang hpe ala nga ma ai. Masha hkum shagu shada da hkan gyam nga ma ai.

MIHKA 7:2 ပူးပေါင်းရင်းမြစ်များ

SHAKAWN KUNGDAWN 10:9

Hkanghkyi gaw shi a lungpu hta zawn, makoi ai shara hta e shi gyem nga ai: Matsan mayan ni hpe kamu la na shi gyem nga ai; Shi a sumgawn gang karawt yang, matsan mayan wa mung lawm nga ai.

SHAKAWN KUNGDAWN 12:1

Karum rit, Yehowa e; myit pra ai wa mat wa nna, Kangka re ai ni, masha kasha ni hta na, htum mat wa ma ai.

SHAKAWN KUNGDAWN 12:2

Langai hte langai tinang a htingbu wa hte masu ga tsun ma ai; Bawk ai nten hte, myit lahkawng hte shanhte tsun ma ai.

SHAKAWN KUNGDAWN 57:6

Shanhte gaw nye a lam hta mahkam hkam nna, Nye a myit masin du krung nga li ai: Shanhte nye a man e nhkun htu ma timung, Tinang dai, dai hta hkrat ma ai. [Selah.]

GA SHAGAWP 1:11

Shanhte gaw, anhte hte rau hkan rit, Masha asak sat na anhte gyam yu ga; Mara n kap ai ni hpe majoi mayun yu ga:

GA SHAGAWP 12:6

Tara n lang ai ni a ga gaw masha sai jahkaw na gyam nga ai; Dinghpring ai ni a n-gup chyawm gaw shanhte hpe hkrang la nga ai.

ESAIA 3:5

Mung masha ni langai hte langai, htingbu ni langai hte langai shada da adip arip na mara ai: ma kaji gaw dingla wa hpe, hpa n hkaw ai wa gaw, arawng lu ai wa hpe, gumrawng gumtawng di na ra ai.

ESAIA 57:1

Dinghpring ai wa gaw hten mat hkrum nna, kadai mung n nawn nga ai; matsan dum chye ai wa gaw, dawm la ai hkrum nna, dai wa gaw du na ra ai tsin-yam hpe lawt lu hkra, dawm la ai hkrum sai, nga nna kadai mung n myit ma ai:

ESAIA 59:7

Shanhte a lagaw n kaja ai amu galaw na matu gat nna, mara n kap ai asai ru kau na, larau nga ai: shanhte myit mang ai hku n hkru n hkra ai hku rai nga nna, shanhte a nmaw lam ni gaw, nni nkri hte hten byak ai hkrai rai nga ai.

ESAIA 9:19

Hkra maga gare sha timung, kawsi naw kyet na ra ai; pai maga kawa sha timung hkru kat na n rai; langai hte langai tinang a lata shan hpe, kawa sha na mara ai.

YEREMIA 16:16

Yehowa ning nga ai, Yu u; ngai gaw nga hkwi ai ni law law hpe shaga la nna, shanhte hpe hkwi shangun na nngai; dai hpang jaugawng law law hpe ngai shaga la nna, shanhte hpe bum shagu, kawng shagu hte bum ga na lungpu ni hta tam shangun na nngai.

YEREMIA 5:16

Shanhte a pala ndum gaw hpaw nga ai lup rai nga ai; shanhte yawng share ninghkrin ni rai nga ma ai.

YEREMIA 5:26

Kaning rai nme law, nye a amyu masha ni hta tara n lang ai ni hkran nga ma ai; shanhte gyam yu let, u hkam ai ni zawn gawp nga ma ai: masha hpe hkam na matu mahkam tawn da ma ai.

YEREMIA 8:6

Ngai atsawm sha madat yu yang, shanhte gaw malang ai ga n tsun ma ai; “Ngai hpa galaw hkrup se ai i?” nga nna tinang shut ai hpe dum let, kadai mung myit nem ai n rai; hpyen htim ai gumra zawn, langai hte langai tinang lam hta gat hkawm ma ai.

SHARUNG SHAYAWT 4:18

Anhte gaw nmaw lam ni hta n sa wa lu hkra, shanhte anhte a lagaw hkang hpe hkan tam ma ai; Anhte a jahtum du ra ai majaw, anhte htum na aten du nna, anhte a nhtoi ni gu mat sai.

EZEKELA 22:12

Sai jahkaw kau na matu, na a masha ni sake manawn sha ma ai; amyat sha na hte lu su na matu, gumhpraw hkoi ya ma ai; htingbu wa arai hpe lawhpa ai myit hte kashun la ndai: ngai hpe mung malap kau ndai,” nga nna Madu Yehowa tsun ai.

EZEKELA 24:6

Dai re ai majaw Madu Yehowa ning nga ai, Nhkan kap nna galoi n tsai hkraw ai di ngu ai sai kap ai mare gaw dingnye lu u ga: shan tau mi hte tau mi shapraw u: hpaida da shara n nga ai.

HOSEA 5:1

“Hkinjawng ni e, ndai lam na la mu; Israela dap e, madat mara nga mu; hkawhkam wa htingnu na ni e, matsing mu: nanhte gaw dawdan ai hkrum na myit dai; kaning rai nme law, nanhte gaw, Mizpa shara e mahkam, Tabora bum ntsa e hpyan tawn ai sumgawn, tai manit dai.

HOSEA 6:9

Damya hpung ni gaw, masha hpe gyam ai zawn, hkinjawng hpung ni gaw, Shehkem de sa wa ai lam hta, masha hpe sat kau ma ai: gaja wa, shanhte gaw sawse lawklek ai amu galaw ma ai.

MIHKA 2:8

Nye a amyu masha ni chyawm gaw, mani ma ni kaw nna, hpyen wa zawn rawt ma ai; nanhte gaw, hpyen n re ai, angwi apyaw lai hkawm ai ni a hpajawng hte kata palawng hpe, kashun la ya myit dai.

MIHKA 3:10

Nanhte gaw Ziun hpe asai hte, Yerusalem mare hpe, n hkru n hkra ai hte de da myit dai.

MIHKA 3:2

nanhte gaw kaja ai hpe n dawng nna, n kaja ai hpe ra myit dai: mung masha ni a hpyi hpe nanhte gaw kau nna, nrut nra ni hta kap ai shan hpe machyin kau myit dai;

ZEHKARIA 11:6

Dai rai nna ngai mung, htawm hpang de, ndai mung na masha ni hpe matsan dum na n rai; yu mu, masha langai hte langai hpe, tinang a htingbu wa a lata hte, tinang a hkawhkam wa a lata hta, ngai ap kau na nngai: shanhte gaw dai mungdan hpe shaza kau nna, ngai shanhte a lata na, mung masha ni hpe, mawai la na n rai,” nga nna Yehowa tsun ai.

KASA 24:9

Yuda masha ni mung, “dai hku re ai,” nga nna jawm tsun lawm ma ai.

1 SAMUELA 24:11

Dai hta n-ga, nye wa e; nye a lata na, ndai na a palawng daw hpe mada yu u; ngai nang hpe n sat ai sha, na palawng daw sha gadoi dut la nngai majaw, nye lata hta yubak mara n nga li ai, tawt lai ai shara n rawng li ai gaw, dum chye nga u; nang ngai hpe sat na nga hkan gyam nga timung, ngai nang hpe hpa n shut nngai.

1 SAMUELA 26:20

Dai re ai majaw nye a asai gaw, Yehowa a myi man hte tsan ai shara e, ga de n hkrat li ga: kaning rai nme law, masha gaw bum alang hkan e upreng tam shachyut ai zawn, Israela hkawhkam wa mi ting wa hkalai sa tam na nawt hkawm a hka,” ngu wu ai.