MIHKA 7:19 - Jinghpaw Hanson Version Bible

¹⁹ Shi anhte hpe matsan bai dum na ra ai; anhte a shut hpyit ai mara hpe, shi kabye lai kau nna, anhte a yubak mahkra hpe nammukdara a sung htum ai de, kabai kau na ra ai.

Jinghpaw Common Language Bible 2009

¹⁹ Nang gaw anhte hpe kalang mi bai matsan dum la na rai nga ndai. Nang gaw anhte a yubak mara ni hpe lagaw npu de kabye kau na rin dai, dai ni hpe panglai htumpa de kabai bang kau na rin dai.

MIHKA 7:19 ပူးပေါင်းရင်းမြစ်များ

2 SAMUELA 24:14

Shaloi Dawi gaw, Ngai myit grai ru nngai; Yehowa a lata hta mahtang a rai u ga; shi a matsan dum ai myit kaba la sai; masha a lata hta ngai n du n ga, ngu nna myihtoi Gad hpe tsun wu ai.

SHAKAWN KUNGDAWN 103:12

Sinpraw maga gaw, sinna maga hte tsan nga ai hte maren, Shi anhte a yubak hpe anhte hte shatsan kau ya mi ai.

SHAKAWN KUNGDAWN 130:8

Shi gaw Israela hpe tinang a yubak nlang hta na hkye hkrang la na maru ai.

SHAKAWN KUNGDAWN 85:3

Na a masin pawt ai nlang nang dawm la kau nna, Na a myit kahtet ai hpe shayawm nu ai.

ESAIA 33:24

Dai hta shanu ai wa gaw, ‘Ngai machyi nga nngai,’ nga nna n tsun na ra ai: dai hta e dè nga ai amyu gaw yubak raw dat kau ai hkrum na ra ai.

ESAIA 38:17

Yu u, ngwipyaw lu la hkra, ngai ru tsang grai hkrum nngai; Nye myit masin hpe nang tsawra ndai majaw, hten byak nhkun kaw na dai hpe shaw la nu ai; Nye a yubak yawng, nang na a shingdu de kabai kau nu ai.

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

YEREMIA 31:20

Ehprim gaw ngai tsawra ai kasha, n rai ni? grai tsawra ai ma, n rai ni? shi hpe daru shagu grai wa naw dum nga nngai; dai re ai majaw, ngai shi a matu myit ndawt nga nngai; gaja wa ngai shi hpe matsan dum na nngai, nga nna Yehowa tsun ai.

YEREMIA 31:34

dai ni gaw, Yehowa hpe chye u, nga nna langai hte langai tinang a htingbu wa hte, tinang hpunau wa hpe, sharin achyin ya nga na ma ai n rai; kaning rai nme law, kaji htum ai wa kaw nna, shanhte a kaba htum ai wa du hkra, nlang hte gaw ngai hpe chye ma na mara ai, nga nna Yehowa tsun ai: shanhte mara hpe ngai dat kau nna, shanhte a yubak hpe bai dum ya na ni ai, n rai, nga nna Yehowa tsun ai.

YEREMIA 33:8

Shanhte ngai hpe shut kau ai mara yawng, ngai arut kau na nngai; ngai hpe shut kau nna, nye a tara hpe tawt lai ai mara yawng, ngai raw dat kau na nngai.

YEREMIA 50:20

Ndai shani, ndai aten e, Israela a shut hpyit ai hpe sawk yu timung, hpa n nga na sai; Yuda a yubak hpe tam timung, n mu na ra ai; kaning rai nme law, ngai ngam tawn da ai ni a yubak hpe, ngai raw dat kau na nngai,” nga nna Yehowa tsun ai.

SHARUNG SHAYAWT 3:22

Yehowa a chyeju majaw sha, anhte n htum mat ga ai; shi a matsan dum ai myit ma mat chye ai, n rai.

SHARUNG SHAYAWT 3:32

Shi yawn hkyen jahkrum timung, shi n-gaw nwai ai myit law htam nga ai hte maren, shi matsan naw dum na ra ai.

EZEKELA 18:22

Shi galaw yu ai tawt lai ai amu langai mi hpe matsing na n rai; shi hkan galaw ai dinghpring ai amu majaw, shi hkrung nga na ra ai.

EZEKELA 39:29

nye a myi man mung shanhte kaw na makoi kau na n rai: kaning rai nme law, ngai gaw Israela dap ntsa e nye a Wenyi ru bun ni ai,” nga nna Madu Yehowa tsun ai.

Daniela 9:24

Tawt lai ai amu hpe shangut na hte, yubak hpe jahtum kau na matu mung, shut hpyit ai a matu gawng malai hkungga nawng ya nna, prat dingsa dinghpring ai hpe jashawn na matu mung, shingran hte myihtoi ga hpe dazik shakap nna, chyoi pra htum ai shara hpe namman chya ya na matu mung, na a amyu hte, na a chyoi pra ai mare ntsa e, nhtoi bat sanit shi, san da nga sai.

HOSEA 14:2

Tawngban ga tsun nna, Yehowa hpang de nhtang wa let, Anhte a shut hpyit ai nlang raw dat kau ya mi; kaja ai hpe hkap la ya mi; shing rai anhte gaw n-gup ga ngu ai usu nang hpe nawng ya na ga ai.

HOSEA 14:4

“Nye a pawt bu ai myit kawp mat sai majaw, shanhte a htak mat ai hpe ngai shamai shatsai ya nna, hpa n hpyi ai sha, shanhte hpe tsawra na nngai.

ZEHKARIA 3:4

Shaloi lamu kasa gaw, “Agang chyalang re ai hpun palawng raw kau mu,” ngu nna shi a man e tsap nga ai ni hpe tsun mu ai. Bai shi gaw Yoshua hpe mung, “Yu u, na a mara hpe ngai raw kau ni ai rai nna, tsawm htap ai hpun palawng nang hpe jahpun na nngai,” ngu wu ai.

ROMA 6:14

Kaning rai nme law, nanhte gaw jep ai tara npu e n rai, chyeju npu e rai nga myit dai majaw, yubak gaw nanhte a ntsa e madu lu na n rai.

ROMA 8:13

kaning rai nme law, hkum shan hte seng ai asak sha hkrung nga myit yang gaw, nanhte si na rai nga myit dai; rai timung, Wenyi hte hkumhkrang a arawn alai ni hpe nanhte sat kau myit yang gaw, nanhte hkrung nga na marin dai.

TARA JAHPRANG 30:3

na a Karai Kasang Yehowa mung, nang hkrum ai bawng nan amu hpe jahtum ya nna, nang hpe matsan dum ai hte kayin nhtawm, nang hpe shabra kau ai mungdan shagu hta na nang hpe shinggyin la na rin dai.

TARA JAHPRANG 30:6

Nang hkrung nga lu hkra, na a Karai Kasang Yehowa hpe na a myit masin kraw lawang mahkra hte tsawra lu na matu, na a Karai Kasang Yehowa gaw na a myit masin hte, na matu mara ni a myit masin hpe matu gadoi ya na ra ai.

TARA JAHPRANG 32:36

Yehowa gaw shi a amyu hpe tara dara na wu ai; Shi a masha ni n-gun htum mat ai hte, Bawng dung ai mi n nga, bawng lawt ai mi n pra ai hpe shi mu jang, Shanhte a matu myit malai lu ya na wu ai.

TITU 2:14

dai Hkristu Yesu gaw, tara tawt lai ai mara yawng hta na anhte hpe hkrang shaw la nna, shi hkum nan a matu, san da ai hte kaja reng ai magam bungli shagu hkan shachyut ai amyu hpe jasan jaseng lu hkra, anhte a matu mara shi hkum dai hpe, ap ya kau nu ai.

HEBRE 8:12

Shanhte a mara hpe ngai matsan dum nna, Shanhte a yubak hpe bai dum ya na ni ai n rai, nga nna dai Madu tsun nga ai,” nga ai.

1 YAWHAN 3:8

Yubak galaw ai wa gaw, Nat kaw na rai nga ai; kaning rai nme law, Nat gaw shawng npawt kaw nna, yubak galaw nga ai. Dai rai nna, Nat a amu bungli hpe sharun jahten kau u ga, Karai Kasang a Kasha gaw paw pru wa sai.