MIHKA 7:18 - Jinghpaw Hanson Version Bible

¹⁸ Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

Jinghpaw Common Language Bible 2009

¹⁸ Madu e, nang hte bung ai kaga karai kadai mung n nga nga ai; naw ngam nga ai na a amyu masha ni a yubak ni hpe raw dat kau ya nna htani htana masin kahtet nga ndai n rai tim, anhte hpe madun dan nga ai dinggrin tsaw ra myit hta nang awng sharawng nga ndai.

MIHKA 7:18 ပူးပေါင်းရင်းမြစ်များ

NINGPAWT NINGHPANG 4:7

Nang kaja ai galaw yang gaw, myi man hpaw lu na n rai ni? N kaja ai nang galaw yang chyawm gaw, yubak gaw chyinghka makau e makun hpum nga ai: dai gaw nang kaw kanan mayu nga ai; rai timung, dai hpe nang up lu na rai ndai,” ngu nna tsun wu ai.

1 HKAWHKAM 8:23

“Israela Karai Kasang Yehowa e, sumsing lamu lahta tang e mung, ginding aga lawu tsang e mung, nang zawn re ai Karai Kasang gaw n nga ai law; myit masin mahkra hte na a man e hkawm nga ai ali ama ni hpe nang ga shaka hku hte chyeju myit madun dan nga ndai:

2 HKAWHKAM LABAU 30:9

Nanhte Yehowa hpang de kayin wa myit yang gaw, nanhte a nhpu nnau ni hte kashu kasha ni hpe bawng rim wa ai ni, shanhte hpe matsan dum nna, ndai mung de bai nhtang wa lu na mara ai: kaning rai nme law, nanhte a Karai Kasang Yehowa gaw myit galu kaba hte matsan dum nga ai majaw, nanhte shi hpang de kayin wa myit yang, shi a myi man nanhte kaw na kayin wa na, n rai, nga nna ka da ai.

2 HKAWHKAM LABAU 6:21

Na a mayam wa, na a amyu Israela gaw dai shara de yawng let akyu hpyi nga ma yang, anhte a hpyi nem ai ga hpe madat mara ya mi; sumsing lamu e nga ai na a shanu shara hta madat mara ya mi; madat mara nga yang, yubak raw dat kau u law.

NEHEMIA 9:17

shanhte a ka-ang e nang madun dan ai mauhpa amu hpe n dum nga ai sha, shanhte du shaja ai hte, gumlau let, mayam tai nga ai mung de nhtang wa na nga, hpyen du hpe san da ma ai. Nang chyawm gaw, yubak raw dat ai, matsan dum ai hte chyeju myit rawng ai, myit galu ai hte n-gaw nwai myit madun ai Karai Kasang rai nga nna, shanhte hpe kau da mu ai n rai.

SHAKAWN KUNGDAWN 103:13

Kawa gaw kasha ni hpe matsan dum lama ai zawn, Yehowa gaw shi hpe hkrit kamyin ai ni hpe matsan dum lama nga ai.

SHAKAWN KUNGDAWN 130:4

Rai timung, nang hpe hkrit hkungga nga mu ga, Nang gaw mara hpe raw dat kau ya ndai.

SHAKAWN KUNGDAWN 35:10

Yehowa e, “nang zawn kadai rai nga a hka? Nni nkri hkrum ai wa hpe, shi hta n-gun grau ja ai wa kaw na, Nni nkri hkrum ai wa hte matsan mayan wa hpe, Zingri zingrat ai wa kaw na, nang mawai la nga ndai,” nga nna nye a nrut nra nlang hte gaw tsun na mara ai.

SHAKAWN KUNGDAWN 65:3

N hkru ai amu ngai hpe dang wa rai timung, Nang gaw anhte a mara hpe magap da na ndai.

SHAKAWN KUNGDAWN 65:4

Na a wang hta e, nang hte ani sha nga lu hkra, Nang san da ai wa gaw, a nga ai; Na a chyoi pra ai htingnu hte na a nta na kaja ai hte, Anhte hkru kat lu na ga ai.

SHAKAWN KUNGDAWN 71:19

Karai Kasang e, na a dinghpring ai gaw grai tsaw nga ai: Magam amu shachyen ai Karai Kasang e, Nang hte kadai wa bung lu na rai nga a ta?

SHAKAWN KUNGDAWN 86:15

Madu e, nang chyawm gaw, matsan dum chye ai, Sumnung re ai, myit galu ai, chyeju kaba hte, Sadi sahka rawng ai Karai Wa, rai nga ndai.

SHAKAWN KUNGDAWN 86:5

Madu e, nang mai kaja nga nna, mara raw kau ya ndai; Nang hpe shaga ai ni nlang hte hpe, nang chyeju kaba madun nga ndai.

SHAKAWN KUNGDAWN 89:6

Lamu sumwi hta e Yehowa hte kadai wa bung nga a ta? Hpara kasha ni hta Yehowa hte kadai wa pre nga a ta?

SHAKAWN KUNGDAWN 89:8

Zaw nawng zaw wa up ai Karai Kasang Yehowa e, Nang zawn n-gun rawng ai gaw, kadai wa rai nga a ta? Na a sadi sahka nang hpe shinggrup nga ai.

PRU MAT 15:11

Yehowa e, hpara ni hta nang zawn re ai kadai wa nga na a ta? Mauhpa ningsam madun let, shakawn ging ai hkrithpa lam shapraw nna, Chyoi Pra ai hta dan hkung nga ai wa, nang zawn re ai kadai nga a ta?

PRU MAT 34:9

“Madu e, ngai na a man e myi man pa ni ai rai yang gaw, nang Madu anhte hte rau sa wa ga law; ndai amyu du ja ai amyu rai nga timung, anhte a shut hpyit ai hte yubak mara dat kau ya nna, anhte hpe na a sali wunli matu woi tawn da mi law,” ngu nna hpyi wu ai.

ESAIA 1:18

Yehowa tsun ai gaw, “Sa marit, anhte dangrang hkat ga; nanhte a yubak gaw, sai zawn hkyeng timung, hkyen zawn hpraw na ra ai; hkyi hkang zawn hkyeng mang timung, sagu mun zawn rai na ra ai.

ESAIA 33:24

Dai hta shanu ai wa gaw, ‘Ngai machyi nga nngai,’ nga nna n tsun na ra ai: dai hta e dè nga ai amyu gaw yubak raw dat kau ai hkrum na ra ai.

ESAIA 38:17

Yu u, ngwipyaw lu la hkra, ngai ru tsang grai hkrum nngai; Nye myit masin hpe nang tsawra ndai majaw, hten byak nhkun kaw na dai hpe shaw la nu ai; Nye a yubak yawng, nang na a shingdu de kabai kau nu ai.

ESAIA 40:18

Dai rai nna Karai Wa hpe hpa hte shadawn na myit ta? Shi hpe hpa hkrang sumla hte shabung na myit ta?

ESAIA 40:25

Dai rai nna, “ngai hpe hpa hte shadawn na mi ta? ngai gaw kadai hte bung nga n ta?” nga nna Chyoi pra ai wa gaw san nga ai.

ESAIA 43:25

Nye a chyeju majaw, na a tara tawt lai ai lam arut kau ai hte, na a yubak hpe n dum ai wa gaw, ngai nan rai nga nngai.

ESAIA 44:22

Ngai gaw na a tara tawt lai ai hpe htat ai sumwi zawn, na a yubak mara hpe saiwan zawn, jahkoi kau we ai: ngai hpang de wa rit; ngai nang hpe mawai la ni ai.

ESAIA 55:7

tara n lang ai wa gaw shi a lam hpe, n hkru ai wa gaw shi a myit mang ai hku kau da nna, Yehowa hpang de kayin wa u ga; shing rai yang shi gaw dai wa hpe matsan dum na ra ai; anhte a Karai Kasang hpang de mung kayin wa u ga; shi gaw yubak hpe htum hkra raw dat kau ya na ra ai.

ESAIA 57:10

Na a lam galu ai majaw, nang hki ba hkrum timung, Dai gaw kaman sha rai nga ai, nga nna nang n tsun ndai: na a lata hta n-gun naw nga yang, gawng kya n dum ndai.

ESAIA 57:16

Ngai gaw tutnawng dangrang hkat na n rai, tutnawng pawt sindawng na n rai; shing n rai yang, wenyi gaw nye a man e mat mat nna, ngai hpan da ai myit masin gaw, hten mat hkrum na ra ai.

ESAIA 62:5

Shabrang wa gaw mahkawn hte hkungran ai zawn, na a shadang sha ni gaw, nang hte hkungran na mara ai; la ningnan gaw num ningnan majaw kabu gara nga ai hte maren, na a Karai Kasang na a majaw kabu gara nga na ra ai.

ESAIA 64:9

Yehowa e, aja awa hkum pawt e; yubak mara hpe tutnawng hkum dum nga et; mada yu u, anhte yawng na a masha ni rai nga ga ai.

ESAIA 65:19

Ngai gaw Yerusalem mare hta kabu gara nga nna, nye a amyu masha ni hta awng sharawng nga na nngai: dai mare hta htawm hpang e hkrap ngu hkrap ngoi ai nsen hte, hkrap shabam ai nsen, na lu na n rai.

YEREMIA 3:12

Sa su, dingdung maga de myi man yawng let, ndai ga jahtau tsun u: Htak mat ai Israela e, bai wa rit, nga nna Yehowa tsun ai; ngai nanhte hpe masin pawt na n rai; ngai myit galu nga nngai; tutnawng pawt nga na n rai, nga nna Yehowa tsun ai.

YEREMIA 3:5

Shi gaw tutnawng pawt nga na a ni? prat htum hkra yubak matsing da na a ni? nang tsun ninglen, yubak galaw lu ai daram, galaw nga n hka.

YEREMIA 31:20

Ehprim gaw ngai tsawra ai kasha, n rai ni? grai tsawra ai ma, n rai ni? shi hpe daru shagu grai wa naw dum nga nngai; dai re ai majaw, ngai shi a matu myit ndawt nga nngai; gaja wa ngai shi hpe matsan dum na nngai, nga nna Yehowa tsun ai.

YEREMIA 31:34

dai ni gaw, Yehowa hpe chye u, nga nna langai hte langai tinang a htingbu wa hte, tinang hpunau wa hpe, sharin achyin ya nga na ma ai n rai; kaning rai nme law, kaji htum ai wa kaw nna, shanhte a kaba htum ai wa du hkra, nlang hte gaw ngai hpe chye ma na mara ai, nga nna Yehowa tsun ai: shanhte mara hpe ngai dat kau nna, shanhte a yubak hpe bai dum ya na ni ai, n rai, nga nna Yehowa tsun ai.

YEREMIA 32:41

Gaja wa, ngamu ngamai ai hku shanhte hpe galaw na matu, ngai shanhte a lam kabu nga nna, ngai gaw nye a myit mahkra hte kraw lawang mahkra lawm let, shanhte hpe ndai mung hta teng teng hkai da na nngai.

YEREMIA 33:8

Shanhte ngai hpe shut kau ai mara yawng, ngai arut kau na nngai; ngai hpe shut kau nna, nye a tara hpe tawt lai ai mara yawng, ngai raw dat kau na nngai.

YEREMIA 50:20

Ndai shani, ndai aten e, Israela a shut hpyit ai hpe sawk yu timung, hpa n nga na sai; Yuda a yubak hpe tam timung, n mu na ra ai; kaning rai nme law, ngai ngam tawn da ai ni a yubak hpe, ngai raw dat kau na nngai,” nga nna Yehowa tsun ai.

YEREMIA 9:24

gumrawng ai wa chyawm gaw, ga ntsa e n-gaw n wai ai myit, tara jeyang ai myit, dinghpring ai myit madun ai wa gaw, ngai Yehowa nan rai nga ai, nga nna nye a lam chye na lu ai hta she gumrawng nga u ga: dai lam hta ngai sharawng awng nga nngai,” nga nna Yehowa tsun ai.

EZEKELA 18:23

Tara n lang ai wa a si na lam hta ngai sharawng awng nga n hka; shi gaw shi a arawn alai hpe kau da nna, hkrung nga na hpe, sharawng awng nga nngai, n rai ni?” nga nna Madu Yehowa tsun ai.

EZEKELA 33:11

Shanhte hpe htawn tsun mu, Madu Yehowa ning nga ai: ‘Ngai hkrung nga ai hte maren, tara n lang ai wa a si na lam hta ngai sharawng awng nga ai, n rai; tara n lang ai wa gaw, shi a arawn alai hpe kau da nna, hkrung nga na hpe, ngai sharawng awng nga nngai: kayin wa marit, nanhte a n hkru ai arawn alai hta na kayin wa marit; Israela dap e, hpa majaw si mayu myit ta?”

EZEKELA 33:16

Shi galaw yu ai yubak langai mi hpe matsing na n rai; shi tara hkan nna, tengman ai amu galaw sai: shi teng teng hkrung nga na ra ai.

Daniela 9:9

Matsan dum ai hte yubak raw dat kau ai lam, anhte a Madu Karai Kasang hte seng nga ai: anhte mahtang shi hpe gumlau saga ai.

HOSEA 14:2

Tawngban ga tsun nna, Yehowa hpang de nhtang wa let, Anhte a shut hpyit ai nlang raw dat kau ya mi; kaja ai hpe hkap la ya mi; shing rai anhte gaw n-gup ga ngu ai usu nang hpe nawng ya na ga ai.

HOSEA 14:5

Ngai gaw Israela ntsa e mari zawn tai na nngai: shi gaw hkalaw pan zawn pu nna Lebanon zawn ru jung na ra ai.

YOELA 2:32

Dai shaloi e, Yehowa a mying ningsang hpe gang shaga ai wa kadai mung, mawai hkrang la ai kaw du na ra ai: kaning rai nme law, Yehowa tsun da sai hte maren, Ziun bum hte Yerusalem mare hta e, shanglawt ni nga nga na mara ai; naw ngam nga ai ni hta, Yehowa shaga la ai ni, lawm na mara ai.

AMO LAIKA (AMOS) 1:11

Yehowa ning nga ai: Edom amyu a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shi gaw matsan hpa n dum ai, kahpu kanau wa hpe nhtu hte hkan shachyut let, pawt sindawng ai hte tut tut amya je kau nna, masin galoi n si hkraw ai.

AMO LAIKA (AMOS) 7:8

Shaloi Yehowa gaw, Amo e, nang hpa mu nga n ta? nga nna san yang, ngai gaw, Shadawn sumri hpe mu nngai, ngu nna htan we ai. Shaloi dai Madu gaw, Yu u, Nye amyu Israela a ka-ang e, shadawn sumri shayu dat na nngai: htawm hpang e ngai shanhte hpe shalai dat na n rai;

AMO LAIKA (AMOS) 8:2

Shaloi shi gaw, Amo e, nang hpa mu n ta? nga nna san yang, ngai gaw, Myin ai namsi hpring ai ka langai mi mu nngai, ngu nna htan we ai. Shaloi Yehowa gaw, Nye amyu Israela myin nna, di kau ai hkrum na ra ai; htawm hpang e ngai shanhte hpe shalai dat na n rai.

YONA 4:2

Dai rai nna shi gaw Yehowa hpe, “Gaja wa Yehowa e, nye a mung e ngai naw rai nga yang, ndai ngai tsun ni ai ga, n rai ni? Nang gaw chyeju, matsan dum ai, myit galu kaba ai, n-gaw nwai myit hpring nna, n hkru ai hta na myit nem la ai Karai Kasang rai nga ndai hpe, ngai chye nngai majaw, ngai gaw Tarshi de tin tin hprawng mat wa nngai.

MIHKA 2:12

Yaku e, na amyu ting hpe, ngai teng teng shinggyin la na nngai; gaja wa, Israela hta naw ngam nga ai ni hpe, ngai jahpawng da na nngai: Bozra mung na sagu ni hte, tinang a udat shara na sagu hpung hpe zawn, ngai shanhte hpe hpawng nga shangun na nngai; masha law ai majaw wu kadu nga ai.

MIHKA 4:7

lagaw hten ai wa hpe, naw ngam ai amyu chyen mi, tsan tsan de shaden kau hkrum ai ni hpe, n-gun ja ai amyu mi, ngai shatai nna, Yehowa gaw Ziun bum ntsa e, ya kaw nna prat dingsa du hkra, shanhte hpe up na ra ai.

MIHKA 5:3

Dai rai nna shinggyim machyi ai num, kasha shangai ai aten du hkra, shi shanhte hpe ap kau na ra ai: dai shaloi e naw ngam nga ai shi a kahpu kanau ni gaw, Israela kashu kasha ni hte rau, nhtang wa na mara ai.

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

ZEHPANI 3:17

Na a Karai Kasang Yehowa gaw, na a ka-ang e rai nga ai; shi gaw daru magam rawng nna, hkye hkrang la na ra ai: na a lam shi kabu gara nna, sharawng awng na ra ai; shi gaw tsawra nna, atsin sha rai nga ai: mahkawn mangoi let, shi nang hta myit kabu nga na ra ai.

BU HKAWM 23:21

Yaku hta yubak shi n mu wu ai, Israela hta mara shagun na n lu wu ai: Shi a Karai Kasang Yehowa shi hte rau rai nga ai, Hkawhkam garu ai nsen shanhte hta pru nga ai.

LUKA 15:32

Rai timung, pyaw pyaw rai kabu gara mai nga ai; hpa majaw nga yang, ndai na nnau gaw si mat sai, ya bai hkrung ra ai: mat mat sai mung, ya bai mu la saga ai, ngu nna shi hpe nem wu ai,” ngu mu ai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

ROMA 11:4

Dai shingran ga chyawm gaw shi hpe kaning nga htan a ta? Bala a man e lahput garai n hput di ai lasha hkying sanit hte gaw, nye a matu ngai shangam da se ai, nga ai.

TARA JAHPRANG 33:26

Yeshurun e, Karai Kasang hte bung ai kadai n nga ai; Nang hpe karum na nga, sumsing lamu hta yawn, Shi a hpung shingkang hte sumwi hta jawn nga ai.

YAKU 2:13

Kaning rai nme law, matsan dum na myit n rawng ai wa gaw, matsan dum ai hku n re ai sha, dawdan ai hkrum na ra ai. Matsan dum ai lam chyawm gaw, dawdan ai lam hta grau nna awng wa lu ai.

TARA AGYI 10:16

Shing rai, maigan Hpara ni hpe mung shanhte kau da nna, Yehowa hpe jaw jau ma ai: Yehowa mung, Israela masha ni hkrum ai matsan tsin-yam hpe masin yu machyi ya wu ai.