MIHKA 7:14 - Jinghpaw Hanson Version Bible

¹⁴ Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

Jinghpaw Common Language Bible 2009

¹⁴ Madu e, nang lata san da sai na a amyu masha ni a matu sagu rem wa tai nga u. Shanhte gaw nam mali kata hkan dumbri dumbra rai nga nga ma ti mung, dai shara hta ga sau kaja ai lamu ga gaw shanhte hpe gawan da nga ai. Bashan hte Gilead mung na udat shara hta lai sai aten shanhte nga ningngai lu ma ai zawn shanhte sa nna sha lu mu ga.

MIHKA 7:14 ပူးပေါင်းရင်းမြစ်များ

SHAKAWN KUNGDAWN 100:3

Yehowa gaw Karai Kasang rai nga ai, chye mu: Shi anhte hpe hpan da mi ai rai nna, Anhte shi a masha ni rai nga ga ai; Shi a amyu hte shi a udat na sagu hpung, anhte rai nga ga ai.

SHAKAWN KUNGDAWN 143:5

Shawoi na nhtoi ni ngai dum nga nngai; Na a bungli yawng hpe ngai myit yu nga nngai: Na a lata a magam hpe, ngai aru yu nga nngai.

SHAKAWN KUNGDAWN 28:9

Na a amyu hpe hkye hkrang lu u, Na a sali wunli hpe shaman ya e; Tutnawng e shanhte hpe woi rem nna pawn la mu law.

SHAKAWN KUNGDAWN 95:7

Shi gaw, anhte a Karai Kasang rai nga ai; Anhte mung shi a udat a amyu hte, Shi a lata na sagu hpung rai nga ga ai. Nanhte dai ni shi a nsen madat myit ga!

PRU MAT 33:16

Kaning rai nme law, ngai hte ndai amyu, na man e myit man pa lu ai gaw, kaning rai chye na a ta? Ngai hte na a amyu, ga ntsa na amyu nlang hte hte shai na gaw, nang anhte hte rau lung wa jang she chye lu na n rai ni?” ngu wu ai.

Shawlumon A Mahkawn Ga 4:1

Yu u, nye a nja jan e, nang hpraw tsawm ndai; Gaja wa, tsawm htap nga ndai. Na a myi gaw myi man magap shinggan e, Hkrudu myi hte bung nga ai: Na a kara gaw, Gilead bum lanem e, Hpum nga ai bainam hpung hte bung nga ai.

ESAIA 27:13

Dai shani e, pahtau kaba dum dat nna, Asuri mung e si mat magang ai ni hte, Egutu mung hta kau da hkrum ai ni gaw, sa du nna, shanhte gaw Yerusalem mare na chyoi pra ai bum ntsa e, Yehowa hpe nawku na mara ai.

ESAIA 35:2

Dai gaw grai wa pu an nna, sharawng let kabu gara ai hte mahkawn mangoi na ra ai: Lebanon a arawng sadang, Hkarmela hte Sharun a hpung shingkang, lu la na ra ai: shanhte gaw Yehowa a arawng sadang, anhte a Karai Kasang a hpung shingkang, mu lu na mara ai.

ESAIA 37:24

Nang gaw, na a mayam ni a n-gup hte dai Madu hpe shatan nhkan nna, Ngai gaw nye a law la ai hpyen leng ni hte bum pungding ni a ntsa de lung wa lu nna, Lebanon maling ka-ang de shang lu na nngai: ngai gaw de a tsaw htum ai arit hpun ni hte, hpu htum ai marau hpun ni hpe kran kau nna, de a tsan htum ai maling na nga pyaw ai shara de pyi shang wa na nngai.

ESAIA 40:11

Shi gaw sagu rem wa zawn, shi a sagu hpung ni hpe rem na ra ai; sagu kasha ni hpe shinggyin la nhtawm, hpai pawn na ra ai; hkalung woi ai sagu kanu ni hpe mung, angwi sha woi wa na ra ai.

ESAIA 49:10

Shanhte gaw kawsi hpang kara hkrum na, n rai; kahtet kamawt hte jan ja mung hkrum na, n rai: kaning rai nme law, shanhte hpe matsan dum ai wa gaw, shanhte hpe woi wa nna, hka hpawk makau hku lam madun na ra ai.

ESAIA 65:10

Ngai hpe tam ai, nye amyu a matu, Sharon layang gaw sagu udat, Ahkora kadit gaw, yamnga hpung ni a hpum shara, tai na ra ai.

YEREMIA 49:31

“Rawt mu, asan apan nga nga nna, myit ru myit ra n chye ai amyu, mare chyinghka hte htinggrang n ra ai, shi hkrai nga ai amyu hpang de lung wa mu,” nga nna Yehowa tsun ai.

SHARUNG SHAYAWT 1:7

Mung masha ni gaw hpyen ni a lata de du nna, karum ai wa n nga ai majaw, Hpyen ni shi hpe mu mada nna, shi myit htum ai lam asawng nga ma yang, Yerusalem gaw nni nkri hte hki ba hkrum ai shani e, moi shawng na pyaw lam ni hpe dum nga ai.

SHARUNG SHAYAWT 5:21

Yehowa e, anhte hpe nang hpang de kayin shangun mi; shing rai anhte nhtang wa na ga ai. Moi na zawn anhte a aten hpe bai nhtang ya mi.

EZEKELA 36:11

nanhte a ntsa e masha hte yamnga hpe ngai shalaw na nngai; dai ni gaw mayat maya nna, law htam wa na mara ai; moi shawng e shanu nga ai zawn, ngai nanhte hpe bai shanu nga shangun nna, shawng ningnan e nanhte hpe shaman ya ai hta, grau nna shaman ya na nngai: shing rai ngai Yehowa rai nga ai hpe, nanhte chye lu na marin dai.

JAW JAU 27:32

Dumsu rai timung, sagu bainam rai timung, shingna npu na lai wa ai yamnga ngu ai baw hta na, htamshi hta na htammi gaw Yehowa a matu chyoi pra ai rai na, rai nga ai.

AMO LAIKA (AMOS) 9:11

Nye a amyu masha ni gaw, naw ngam nga ai Edom amyu masha ni hte, nye a amying mying ai maigan amyu ni mahkra hpe, madu lu na matu,

OBEDIA 1:19

Dingda mung na ni gaw, Esaw a bum hpe, layang ga na ni gaw, Hpilisti masha ni hpe, madu na mara ai: shanhte gaw, Ehprim pa ga hte Samari prang ga hpe madu lu nna, Ben-yamin gaw Gilead mung hpe, madu lu na ra ai.

MIHKA 5:4

Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

ZEHPANI 3:13

Naw ngam nga ai Israela masha mi gaw, n hkru n hkra ai amu galaw na, n rai; masu ga mung tsun na, n rai; shanhte a n-gup hta hkalem hkalau ai shinglet tu lu na n rai: kaning rai nme law, shanhte hpe kadai n jahkrit ai, shanhte lusha nna, hpum nga na mara ai.

ZEHKARIA 10:10

Ngai shanhte hpe Egutu mung de na, nhtang woi wa nna, Asuri mung de na jahpawng la na nngai: shanhte a matu nga shara n nga ai majaw, ngai shanhte hpe Gilead hte Lebanon mung de woi wa na nngai.

ZEHKARIA 11:7

Shing rai ngai gaw sat na matu san da ai, matsan mayan sagu hpung hpe, rem nga nngai. Sagu rem dawhkrawng lahkawng ngai la nna, langai mi hpe, Chyeju, langai mi hpe, Matut manoi, ngu shamying nngai; shaloi ngai gaw dai sagu hpung hpe rem nga nngai.

MALAHKI 3:4

Dai shaloi e, Yuda hte Yerusalem masha ni a kumhpa gaw, moi chyaloi nhkoi na aten e zawn, Yehowa a matu ra sharawng hpa tai na ra ai.

BU HKAWM 23:9

Lunghkrung ntsa na ngai shi hpe mu se ai, Kawng pungding nna ngai shi hpe yu se ai Amyu dai gaw kaga lak rai nga ai. Amyu gale hta lawm nga ai n rai.

BU HKAWM 32:1

Ya Rubin a matu ni hte Gad a matu ni gaw, yamnga nachying law malu ai rai nna, Yazera mung hte Gilead mung hta yamnga a matu udat shara kaja nga ai hpe shanhte mu ma yang,

BU HKAWM 32:4

Atarot, Dibon, Yazera, Nimra, Heshbon, Eleale, Sebam, Nebo, Beon mung ni gaw, yamnga rem na matu kaja la nga ai: na a mayam ni hta mung yamnga law nga mali ai:

MAHTE 2:6

“Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

YAWHAN 17:16

Ngai gaw mungkan ga na n rai nngai hte maren, ndai ni mung mungkan ga na n rai ma ai.

TARA JAHPRANG 33:28

Shing rai, nai mam hte tsabyi jahku ing ai mung hta e, Israela gaw nga ngwi nga pyaw rai nga nna, Yaku a hka hpawk chyu sha nga nga ai: Rai sa, shi a lamu de na mari hkrat abya nga ai.