MIHKA 7:11 - Jinghpaw Hanson Version Bible

¹¹ Na a mare bunghku ni de da ai aten du na ra ai; dai aten e na a lamu ga jarit maden jat wa na ra ai.

Jinghpaw Common Language Bible 2009

¹¹ Yerusalem masha ni e, mare bunghku bai gaw gap da ai aten du wa ra ai. Dai aten e, na a lamu ga jarit ni maden jat wa na ra ai.

MIHKA 7:11 ပူးပေါင်းရင်းမြစ်များ

NEHEMIA 2:17

Dai hpang ngai shanhte hpe, “Anhte hkrum ai tsin-yam tsindam, Yerusalem mare katsi katsang rai nga ai hte, de a chyinghka ni hkru mat nga ai hpe nanhte mu manit dai: sa marit, htawm hpang e anhte aroi arip n hkrum u ga, Yerusalem bunghku ni hpe anhte sharawt ga,” ngu nna shanhte hpe tsun dan let,

NEHEMIA 2:8

hkawhkam a maling up ai Asap gaw, Karai Kasang a nta hte seng ai hpyen dap na chyinghka ni a matu mung, mare bunghku a matu mung, nye nta a matu mung, angau hpunpyen jaw lu na ahkang laika jaw dat e, ngu nna hkawhkam wa hpe hpyi we ai. Hkawhkam wa mung, nye ntsa e nga ai, nye a Karai Kasang a chyeju majaw, ahkang laika jaw dat ai.

NEHEMIA 4:3

Ya Ammon masha Tobia mung shi makau e nga nga nna, shanhte nan gaw da ai nlung bunghku hpe, chyahkyawn langai mi lung wa yang, daw ru mat na ra ai,” nga nna tsun nga ai.

NEHEMIA 4:6

Rai timung anhte gaw mare bunghku hpe gaw da ga ai; mung masha ni shakut sharang nga ai majaw, mare grup yin bunghku matut nna, tsaw de ka-ang hkrawng du hkra sha ngut wa sai.

ESAIA 54:11

Nni nkri hte, laru e ahpawt hkrum nna, shalan shabran n hkrum ai wa e, ngai gaw na a nlung ni hpe engade achyang hte, na a npawt nhpang ni hpe nila nlung hte gaw da na nngai:

ESAIA 54:2

Na a sum htingra maden jat u; nang shanu ai shara a nba grang ni hpe, shanhte naw hpyan jat mu ga; lahpawt ai myit hkum rawng et; sumri ni hpe sharen dat u; mailak ni hpe shangang shakang u;

ESAIA 58:12

Na a amyu matu ni gaw moi na marawng marang ni hpe bai dè na mara ai; nang gaw moi chyaloi nhkoi na npawt nhpang ni hpe, gaw kahtap na ra ai: shing rai, Run ai bunghku hpe lajang ai wa, Shanu na matu lam ni hpe lajang ai wa, nga nna nang hpe shamying na ra ai.

ESAIA 61:4

Shanhte gaw moi chyaloi nhkoi na akrin akraw shara hpe bai dè da nna, prat mi hte prat mi marawng marang re ai mare ni hte, katsi katsang re ai shara ni hpe lajang tawn da na mara ai.

Daniela 9:25

Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.