MIHKA 7:1 - Jinghpaw Hanson Version Bible

¹ Ngai dingnye lu nngai; kaning rai nme law, myin ai namsi di la kau ai hte, tsabyi si nlim gut ai hpang hti nga ai wa zawn ngai rai nga nngai: sha na matu tsabyi si sumbaw langai mi n nga ai; shawng myin ai lakum si hpe ngai marit nga nngai.

Jinghpaw Common Language Bible 2009

¹ Myit mada shara n nga nga a hka! Ngai gaw myin ai namsi di la kau ngut sai hpun ni hte sabyi ru hta sabyi si ni n si mat sai hpe mu nna kawsi kyet ai masha wa zawn rai nga nngai. Sabyi si sumbaw ni yawng hte mu mai ai lakum si ni yawng hta la kau sai.

MIHKA 7:1 ပူးပေါင်းရင်းမြစ်များ

SHAKAWN KUNGDAWN 120:5

Meshek shara hta e ngai shingbyi nga nna, Kedera sum ni a makau e naw nga nngai majaw, ngai dingnye lu nga nngai.

GA SHAGAWP 20:6

Masha law law wa tinang galaw ai chyeju hpe tsun shana ma timung, Kangka re ai wa hpe, kadai tam mu lu a ta?

ESAIA 17:6

Rai timung, tsanlun hpun ashun ai hpang, hpun ndung e tsanlun si lahkawng masum, kung dam htum ai lakung ni hta mali manga naw noi nga ai hte maren, dai mungdan hta naw hti nga ai ni ngam nga na mara ai,” nga nna Israela Karai Kasang Yehowa tsun nga ai.

ESAIA 24:13

Kaning rai nme law, tsanlun hpun hpe ashun ai hte, tsabyi di ai hpang nlim gut ai zawn, ga ntsa na amyu baw ni a ka-ang e byin na ra ai.

ESAIA 24:16

Dinghpring ai wa gaw hpung shingkang rawng u ga, nga ai mahkawn ga, lamu ga htum ai maga de na anhte na lu ga ai. Ngai chyawm gaw, Matsan nngai, matsan nngai; ngai hta dingnye nga u ga; myit magaw ai ni gaw, myit magaw ai lam galaw ma ai; gaja wa, myit magaw ai wa gaw myit magaw ai lam grai galaw sai.

ESAIA 28:4

sau hpum ai kadit mahka e nga ai nyui magang ai arawng sadang a nampan gaw, nlum ta garai n du yang, myin ai lakum si hte bung na ra ai: dai hpe mu hkrup ai wa gaw, lata e di lang let, kamaw kau na ra ai.

ESAIA 6:5

Dai rai nna ngai gaw, “Ngai wa dingnye lu nngai; ngai htum mat ni ai; ngai nan n san n seng ai n-gup tu ninglen, n san n seng ai n-gup tu ai amyu ka-ang e dè nga timung, Zaw nawng zaw wa up ai Yehowa ngu ai, Hkawhkam wa hpe, nye myi hte nan mu lu se hka,” nga nna tsun nngai.

YEREMIA 15:10

Nu e, mung ting a dangrang hkat ai wa hte ndang kalang hkat ai wa tai u ga nga, nang ngai hpe shaprat ai majaw, ngai dingnye lu nngai: ngai gaw amyat sha ai wa n rai, hka kap ai wa mung n rai; rai timung yawng mayawng ngai hpe dagam matsa ma ai.

YEREMIA 24:2

Ka langai mi hta, shawng myin ai, lakum si zawn, ja ai lakum si rawng nga ai; langai mi hta gaw, grai n ja ai, n sha mai ai lakum si rawng nga ai.

YEREMIA 4:31

Kaning rai nme law, shinggyim machyi ai num a nsen, kasha alat shaprat ai num madai ai nsen zawn, Ziun shayi sha ba galawp ai nsen hpe, ngai na nngai; shi gaw, Ngai hta dingnye nga ai law; masha sat ai ni a man e ngai myit htum nngai, nga nna lata lalam let shabam nga ai.

YEREMIA 45:3

nang mahtang, Ngai dingnye lu nngai; Yehowa ngai gawng run ai hta yawn hkyen ai kahtap ya ni ai; ngai gaw yawn madai ai hte hki ba la nngai; ban sa n hkrum nngai, nga ndai.

YEREMIA 5:1

Ngai gaw, Yerusalem mare hpe yubak shalawt dat lu hkra, dinghpring ai hku hkan nna, kangka lam tam ai wa langai ngai nga yang, dai wa hpe mu hkrup hkra, mare lam ni hte htingwan hkan e gat kahkrang hkawm nna sawk yu mu:

HOSEA 9:10

“Ngai gaw, zaibru jang e tu ai tsabyi si zawn, Israela hpe mu hkrup nngai; shawng si ai lakum hpun hta shawng myin ai lakum si zawn, nanhte a nji nwa ni hpe, ngai mu mada nngai: rai timung shanhte gaw, Bala-peora hpang de sa nna, tinang hkum hpe kaya kahpa lam hta ap kau nhtawm, tinang ra ai hpara hte maren, matsat shabat hkum tai wa masai.

BU HKAWM 18:13

Yehowa hpang de mung ting na la sa ai shawng myin ai namsi namsaw amyu myu mung na a rai nga ai: na a nta na san seng ai ni nlang sha mai nga ai.