MIHKA 6:9 - Jinghpaw Hanson Version Bible

⁹ Yehowa a nsen gaw dai mare hpe shaga nna, zai byeng-ya rawng ai wa gaw, na a amying ningsang hpe hkrit hkungga nga ai: sharin ai shingna hpe mung, dai hpe hparan ai wa hpe mung, matsing mu.

Jinghpaw Common Language Bible 2009

⁹ Dai Madu hpe hkrit hkungga ai gaw hpaji byeng-ya rai nga ai. Shi gaw dai mare hpe jahtau tsun nna, “Mare kata hta hpawng nga ai amyu masha ni hte dai hpe san da ai ni e, madat mu!

MIHKA 6:9 ပူးပေါင်းရင်းမြစ်များ

2 SAMUELA 21:1

Ya Dawi a aprat e masum ning tup hku hku ai rai nna, Dawi gaw Yehowa kaw san yu wu yang, Yehowa tsun ai gaw, Gibeon masha ni hpe sat ai Shawlu hte masha asai hkaw kau ai, shi a amyu majaw rai nga ai, nga ai.

YOBA 10:2

Karai Wa hpe ngai tsun ai gaw, ngai hpe mara hkum shagun et; ngai hte hpa majaw htailai hkat ai lam madun e,

YOBA 23:14

Nye matu san da ai lam shi shabyin nna, shing re ai lam law law wa, shi hte rau rai nga ai.

YOBA 5:17

Karai wa e mara madun ya hkrum ai wa gaw a nga ai; dai rai nna, n-gun chyalai rawng ai Madu sharin ai ga hpe, n gawn n sawn hkum rai et.

SHAKAWN KUNGDAWN 107:43

Hpaji rawng ai wa kadai rai timung, ndai amu hpe myit yu nna, Yehowa a chyeju hpe dum nga mu ga law.

SHAKAWN KUNGDAWN 48:10

Karai Kasang e, na a amying nsang grau nga ai hte maren, Nang hpe shakawn ai gaw ga ting e chyam nga ai: Na a hkra lata dingman ai hte hpring nga ai.

SHAKAWN KUNGDAWN 83:18

Prat dingsa shanhte kaya kahpa hte hkrit gari nna, Myi man sum ai hte hten byak ai hkrum mu ga law.

SHAKAWN KUNGDAWN 9:16

Yehowa shi hkum dan nga ai: tara dara ai amu galaw nu ai; Tara n lang ai ni gaw, tinang a lata a amu hta hkam nga ma ai. [Higayun, Selah.]

GA SHAGAWP 22:3

Hpaji rawng ai wa gaw, n kaja ai hpe tau chye nna, koi kau nga ai; Nyan tang ai wa chyawm gaw, dingyang sa wa nna, yubak hkrum nga ai.

ESAIA 26:11

Yehowa e, nang lata sharawt timung, shanhte n matsing ma ai; rai timung, na a amyu a matu nang rawng ai nja nhpra myit hpe, shanhte mada mu nna, kaya hkrum na mara ai: nang hpe hpyen ai ni hkru mat na mara ai.

ESAIA 27:10

Kaning rai nme law, bunghku kum ai mare gaw katsi katsang rai nga ai hte, zaibru jang e kau tawn da ai mare dingsa hte bung nga ai: dai yang e dumsu kasha gaw ushat tam nna, hpum nga let, makrung matsun ni sha na mara ai.

ESAIA 30:27

Yu u, Yehowa a mying nsang gaw sumtsan de na du ra ai; dai gaw shi a pawt bu ai hte hkru nna, htat ai wan hkut mawng nga ai: shi a n-gup gaw pawt kahtet ai hte hpring nna, shi a shinglet hkru ai wan rai nga ai;

ESAIA 66:6

Mare de na wu kadu ai nsen, nawku Htingnu de na ngoi ai nsen, hpyen ni hpe matai dawp ai Yehowa a nsen, ngoi pru nga ai.

ESAIA 9:13

Dai re ai majaw Yehowa gaw Israela amyu hta na, baw hte nmai hpe mung, ma-un lakung hte mai-aw hpun hpe mung, lani mi hta sha kran kau na ra ai.

YEREMIA 47:7

Askelon hte nammukdara hka kau hpe jahten kau na lam Yehowa hkang da ai majaw, nang gaw kaning rai asim sha nga lu na rai ta? Dai amu shabyin na shi san da nu ai.

EZEKELA 7:9

Nye a myi lahpawt dum na n rai, ngai matsan dum na n rai: na a arawn alai hte maren, ngai nang hpe ari jaw na nngai; nang galaw ai matsat shabat amu, na a ka-ang e jung nga na ra ai: shing rai, ngai Yehowa ari jaw ai hpe, nanhte chye lu na marin dai.

HOSEA 13:16

Samari gaw tinang a Karai Kasang hpe gumlau ai majaw, mara kap na ra ai: shanhte gaw ri nhtu hte kadawng si na mara ai: ma kaji ni gaw, adit kau ai hkrum nna, na-um nasin re ai num ni, ahkri ga kau ai hkrum na mara ai.”

HOSEA 14:9

Da ndai hte hpe chye na lu hkra, hpaji rawng ai wa, kadai rai ta? dai lam ni hpe chye lu hkra, nyan rawng ai wa, kadai rai ta? kaning rai nme law, Yehowa a lam ni malang nga nna dinghpring ai ni dai hta hkan hkawm na mara ai: tara tawt lai ai ni chyawm gaw, dai lam ni hta ahtu kataw na mara ai law.”

AMO LAIKA (AMOS) 2:5

dai rai nna ngai gaw, Yuda ntsa e wan jahkrat nna, Yerusalem a htingnu ni hkru mat na ra ai.

AMO LAIKA (AMOS) 6:1

Ziun bum ntsa e ngwipyaw nga nna, Samari bum ntsa e hkrithpa n dum nga ai, Israela masha ni shamyet shanat nga ai, masha ni a daru magam rawng ai ni gaw, dingnye lu ma ai.

MIHKA 3:12

Dai re ai majaw, nanhte a jaw e, Ziun gaw yi hkauna zawn shawt kau ai hkrum nna, Yerusalem mare gaw marawng marang sumpum tai mat na hte, nawku Htingnu bum mung, nam mali na tsaw ai kawng ni zawn, tai mat na ra ai.

MIHKA 6:10

Tara n lang ai wa a nta hta n tara ai sutgan hte, matsat shabat re ai dang bye kaji, naw nga a ni?

MIHKA 6:8

Masha wa e, mai kaja ai lam, shi nang hpe madun dan nit dai: dinghpring ai lam, tsawra matsan dum ai lam hte, na a Karai Kasang man e myit nem let hkan hkawm na lam hta kaga, Yehowa gaw nang hpe hpa hpyi a ta?

ZEHPANI 3:2

Shi gaw Yehowa nsen hpe, n madat nga ai; sharin achyin ai, n hkam la nga ai; Yehowa hpe shamyet shanat nga ai, n rai; shi a Karai kasang hpang de sit wa ai, n rai.

SHINGRAN 3:19

Ngai tsaw matsaw kadai hpe mung, ngai mara madun nna daru sharin ga nngai. Dai re ai majaw, dum hprang let nga u, myit malai lu u.