MIHKA 6:7 - Jinghpaw Hanson Version Bible

⁷ Yehowa gaw sagu la hkying mi hte, sau hka mun ni hpe, sharawng awng na rai kun? Ngai tawt lai ai amu matu, nye a kasha alat hpe, nye myit masin yubak a matu, nye nshang na hkrat ai ma hpe, gawng malai hkungga shatai na rai ni?

Jinghpaw Common Language Bible 2009

⁷ Sagu la hkying mun hte n htum lu ai tsanlun sau hka shi ni, shi kaw ngai lama la sa wa ai rai yang, dai Madu gaw dai hpe ra sharawng na wu ai kun? Nye a yubak mara a majaw nye a kasha alat hpe gawng malai hkungga tai na ngai shi hpe sak jaw ra na rai nga a ni?

MIHKA 6:7 ပူးပေါင်းရင်းမြစ်များ

2 HKAWHKAM 16:3

Israela hkawhkam ni a arawn alai hta hkan hkawm nga ai rai nna, Yehowa gaw Israela kashu kasha ni a myi man kaw na shachyut shaden kau ai, maigan amyu ni a matsat shabat lam hkan let, shi a kasha hpe pyi wan nat hkungga shatai nna,

2 HKAWHKAM 21:6

Dai hta n-ga shi gaw shi a kasha hpe wan nat hkungga shatai nna, shaba wawt ai hte mandan lakle amu galaw nna, gumhpan hpan ai ni hte nat shung ai ni hte rau kanawn let, Yehowa hpe pawt sindawng shangun na nga, shi a man e n hkru ai amu law law galaw wu ai.

2 HKAWHKAM 23:10

Kadai mung Molek Hpara a matu, tinang a shayi shadang sha hpe wan nat hkungga n shatai ya lu hkra, shi gaw Hinom kashu kasha ni a kadit e nga ai Tohpet shara hpe mung, awu asin di kau wu ai.

2 HKAWHKAM 3:27

Shing rai shi gaw, shi a malai hkaw dung na ra ai kasha alat hpe la nhtawm, mare bunghku ntsa e wan nat hkungga shatai nna nawng kau wu ai: dai re ai majaw Israela ntsa e pawt sindawng kaba du ra ai rai nna, shanhte gaw shi kaw na pru wa nhtawm, tinang a mung de bai wa mat ma ai.

YOBA 29:6

Ngai hkawm wa ai lam hta nga chyu lwi nna, lunghkrung hta na nye a matu sau hka hpaw pru nga ai.

SHAKAWN KUNGDAWN 50:9

Rai timung, na a nta na usu langai mi, Na a ulawng na bainam la langai mi, ngai n la na nngai.

SHAKAWN KUNGDAWN 51:16

Shagu hkungga nang tsaw nga ndai n rai; Dai n rai taw, ngai jaw na de ai: Wan nat ai hkungga hpe mung nang n ra ndai.

SHAKAWN KUNGDAWN 51:18

Na a n-gaw nwai myit hte Ziun hpe mai kaja ai galaw u, Yerusalem mare na bunghku hpe gaw da ya u.

GA SHAGAWP 15:8

Tara n lang ai ni a shagu hkungga hpe, Yehowa matsat nga ai; Myit malang ai ni a akyu hpyi ai ga hta, shi awng sharawng nga ai.

GA SHAGAWP 21:3

Yehowa gaw, shagu hkungga nawng ya ai hta, Dinghpring ai hte tara hkan shatup na lam, grau ra nga ai.

ESAIA 1:1

Yuda hkawhkam Uzia, Yohtam, Ahaza hte Hezekia aprat e, Amot a kasha Esaia gaw, Yuda mung hte Yerusalem mare a lam, mu ai shingran gaw, da ndai rai nga ai.

ESAIA 40:16

Lebanon hpun ni gaw, wan ju na matu, n law nga ai; dai yang na ashu ashan ni mung, wan nat hkungga matu, n law ma ai.

YEREMIA 19:5

bai shanhte gaw, Bala hpara a man e, tinang a kasha ni hpe wan nat hkungga nawng ya na nga, Bala a matu tsaw ai kawng ni a nawku shara dè da manu ai; dai lam gaw ngai htet da ai n rai, tsun mung n tsun, gaja wa nye a myit hta n rawng nga ai:

YEREMIA 6:20

Sheba mung na lawban hpe mung, sumtsan mung na maza hpun hpe mung, hpa majaw ngai hpang de la sa n ta? nanhte a wan nat hkungga hpe ngai n ra nngai, nanhte a shagu hkungga hpe ngai n sharawng nngai.”

YEREMIA 7:31

Shanhte gaw Hinom kasha a kadit e, tsaw ai shara ngu ai Tohpet hpe gaw da nna, dai yang e tinang a shayi shadang sha ni hpe wan hte nawng kau manu ai; dai lam hpe ngai htet da ai n rai; gaja wa n ra nngai.

EZEKELA 23:37

Shan gaw la shaw masai; shan a lata hta sai kap nga ai; tinang a hpara sumla ni majaw, la shaw masai; nye a matu shaprat ai shadang sha ni hpe pyi, hpara sumla ni matu wan nat hkungga shatai masai.

HOSEA 5:6

Shanhte gaw tinang a sagu yamnga hpung ni hpe gawt let, Yehowa hpe sa tam timung, shi hpe n mu ma ai: shi shanhte hte tsan gang mat sai.

HOSEA 6:6

Kaning rai nme law, hkungga jaw ai lam n rai, chyeju dum ai lam, wan nat hkungga hta Karai Kasang hpe chye chyang ai lam, ngai tsaw nga nngai.

JAW JAU 18:21

Na a kashu kasha ni e Molok hpara hpe nat nawng lu na n rai: na a Karai Kasang a mying ningsang hpe nang jahpoi lu na n rai: ngai gaw Yehowa rai nga nngai.

JAW JAU 20:1

Bai Yehowa Mawshe hpe tsun wu ai gaw,

AMO LAIKA (AMOS) 5:22

Gaja wa, nanhte gaw, wan nat hkungga hte shadung hkungga ngai hpe nawng ya timung, ngai n hkap la na nngai: hpum sau ai yamnga ni hpe, mahku hkungga jaw timung, ngai hpa n nawn na nngai.

HPILEMON 1:12

shi hkum nan hpe nang hpang de ngai bai wa shangun dat nngai; dai lam hta e nye a tsawra ai myit du nna lawm nga ai.

TARA AGYI 11:31

Amon kashu kasha ni kaw na angwi apyaw bai wa lu yang, ngai e hkap tau la na nga, nye nta chyinghka na pru ai hpa rai timung, nang Yehowa a matu tai na rai nna, wan nat hkungga di nawng jau na we ai,” ngu nna shaka da we ai.

TARA AGYI 11:39

Ya shata lahkawng lai jang, kawa hpang de bai wa ai rai nna, kawa gaw shaka da ai ga hte maren shi e galaw wu ai: shi gaw, la garai n kasawt yu ai num rai nga ai.

1 SAMUELA 15:22

Bai Samuela gaw, “Yehowa gaw, shi a ga madat ai hta awng sharawng ai zawn, wan nat hkungga hte hkungga amyu hta awng sharawng na a ni? Yu u, madat mara ai gaw hkungga shan hta grau nga ai; tsun ai hku hkan ai gaw, sagu la sau dung hta grau kaja nga ai.