MIHKA 6:6 - Jinghpaw Hanson Version Bible

⁶ Ngai gaw Yehowa a man de, hpa kumhpa hte sit sa nna, tsaw htum ai Karai Kasang hpe nawku na rai ta? Wan nat hkungga hte, ladu hkrum ai dumsu kasha nawng ya let, shi a man de ngai du na rai i?

Jinghpaw Common Language Bible 2009

⁶ Ngai gaw shi hpe nawku na matu sit sa wa ai shaloi, sumsing lamu a Madu Karai Kasang hpang de hpa baw kumhpa la sa na rai ta? Shi hpe wan nat hkungga nawng jau na matu kaja htum ai dumsu kasha ni hpe woi sa wa ra na kun?

MIHKA 6:6 ပူးပေါင်းရင်းမြစ်များ

2 SAMUELA 21:3

Shaloi hkawhkam wa gaw Gibeon masha ni hpe shaga nna, Nanhte a matu ngai kaning di na ra myit ta? Yehowa a sali wunli hpe, nanhte shaman ya lu myit ga, hpa hte htingrat na rai ta? ngu nna san wu yang,

SHAKAWN KUNGDAWN 116:12

Yehowa ngai hpe jaw ai chyeju nlang hte hpe, Ngai kaning di dang wa lu na rai nga a ta?

SHAKAWN KUNGDAWN 22:29

Ga ntsa na lu su ai ni nlang hte gaw, lu sha nna nawku na mara ai; Nhpu hta shang nna tinang a asak hpe n bau lu ai ni nlang hte mung, shi a man e, dingnyawm na mara ai.

SHAKAWN KUNGDAWN 95:2

Chyeju dum let shi a man de anhte shang ga, Mahkawn mangoi ga hte shi hpe kabu gara jahtau ga.

SHAKAWN KUNGDAWN 95:6

Sa marit, anhte a Hpan Wa Ningsang Yehowa a man e, Anhte dingnyawm let nawku nna lahput hput di nga ga!

PRU MAT 12:5

Sagu kasha rai timung, bainam kasha rai timung nanhte la na mahtang gaw, n hten ai hte ladu hkrum ai ala kasha rai na rai malit dai:

PRU MAT 23:15

Dai azuma poi nang galaw lu na rai ndai: ngai nang hpe hkang da ai hte maren, Abi shata hta ladaw da ai ahkying hta, nhtoi sanit ya tup matsi n rawng ai muk nang sha lu na rai ndai: kaning rai nme law dai shata hta Egutu mung na nang pru wa ndai: dai poi hta ngai hpang de sa ai kadai mung, kaman sa pru lu na n rai:

GA SHAGAWP 15:8

Tara n lang ai ni a shagu hkungga hpe, Yehowa matsat nga ai; Myit malang ai ni a akyu hpyi ai ga hta, shi awng sharawng nga ai.

GA SHAGAWP 21:3

Yehowa gaw, shagu hkungga nawng ya ai hta, Dinghpring ai hte tara hkan shatup na lam, grau ra nga ai.

ESAIA 40:16

Lebanon hpun ni gaw, wan ju na matu, n law nga ai; dai yang na ashu ashan ni mung, wan nat hkungga matu, n law ma ai.

YEREMIA 6:20

Sheba mung na lawban hpe mung, sumtsan mung na maza hpun hpe mung, hpa majaw ngai hpang de la sa n ta? nanhte a wan nat hkungga hpe ngai n ra nngai, nanhte a shagu hkungga hpe ngai n sharawng nngai.”

EZEKELA 46:9

Mung masha ni chyawm gaw, madat da ai poi aten e, Yehowa man de shang yang, nawku na matu, dingdung chyinghka hku shang ai wa gaw, dingda chyinghka hku pru wa na ra ai: dingda hku shang ai wa gaw, dingdung hku pru wa na ra ai; shang ai hku bai pru wa lu na n rai: shang ai ang ang hku bai pru wa na ra ai.

Daniela 3:26

Nebuhkadneza gaw grung nga ai wan htung mahka de sit sa nhtawm, “Tsaw Htum ai Karai Kasang a shangun ma Shadrak, Meshak, Abed-nego hte e, pru wa marit,” ngu mu ai. Dai rai nna shanhte gaw wan kata de na pru wa ma ai.

Daniela 4:9

Lakle sara ni a agyi wa Belteshaza e, nang gaw chyoi pra ai hpara ni a wenyi rawng nna, na a man e makoi magap lam n nga ai hpe, ngai chye ai majaw, ngai mu ai yup mang a shingran hte lachyum, ngai hpe htai dan ya e.

Daniela 5:18

Nang hkawhkam wa e, Tsaw Htum ai Karai Kasang gaw, na nwa Nebuhkadneza hpe mungdan hte hpawn, daru magam, arawng sadang hte hpung shingkang jaw wu ai:

Daniela 5:21

shinggyim masha shanu ai shara na shi hpe shaden kau nna, shi a myit gaw ashu ashan myit hte maren tai wa ai hte, shi gaw nam lawze ni hte rau nga ai; Tsaw Htum ai Karai Kasang gaw masha mungdan hta up nga nna, de a ntsa e up shangun mayu ai wa kadai hpe mung, up shangun nga ai, shi chye matsing ai aten du hkra, shi gaw usu zawn tsingdu sha nna, shi a hkumhkrang gaw sumsing lamu mari hte madi mat nga ai.

HOSEA 5:6

Shanhte gaw tinang a sagu yamnga hpung ni hpe gawt let, Yehowa hpe sa tam timung, shi hpe n mu ma ai: shi shanhte hte tsan gang mat sai.

AMO LAIKA (AMOS) 5:22

Gaja wa, nanhte gaw, wan nat hkungga hte shadung hkungga ngai hpe nawng ya timung, ngai n hkap la na nngai: hpum sau ai yamnga ni hpe, mahku hkungga jaw timung, ngai hpa n nawn na nngai.

BU HKAWM 7:51

wan nat hkungga matu usu uram langai mi, sagu la langai mi, ladu hkrum ai sagu la kasha langai mi;

MAHTE 19:16

De a hpang e, yu mu, marai langai mi shi kaw sa du nna, “Sara e, n htum nwai asak lu la hkra, kaja ai hpa baw ngai mai galaw na rai ta?” ngu yu wu ai.

MARKU 12:33

dai hta kaga, myit kraw lawang mahkra hte, myit hpaji mahkra hte, n-gun lagaw mahkra hte shi hpe tsawra lu na rai nna, tinang a htingbu wa hpe tinang a hkum hte maren tsawra lu na gaw, wan nat hkungga hte hkungga amyu mahkra hta grau kaba ai rai nga ai,” ngu nna shi hpe tsun wu ai.

MARKU 5:7

Nang ngai hpe n zingri n ga, Karai Kasang hta, ngai nang hpe dagam de ai,” ngu nna nsen kaba hte jahtau wu ai.

LUKA 10:25

Shaloi, yu mu, tara sara langai mi rawt nna, “Sara e, n htum n wai asak lu la hkra ngai kaning rai na rai ta?” ngu nna shi hpe san dinglik chyam yu wu ai.

YAWHAN 6:26

Yesu gaw, “Ngai nanhte hpe gaja wa teng teng tsun made ga, Lamik kumla mu myit dai majaw, nanhte ngai hpe tam ai n rai myit dai; muk lusha nna hkru kat ai majaw sha, tam ai rai nga myit dai.

KASA 16:17

Numsha dai mi Pawlu hte anhte kaw hkan nang nang rai nhtawm, “Ndai ni gaw law, nanhte hpe hkye hkrang la ai lam tsun dan ai, Tsaw Htum ai Karai Kasang a shangun ma ni rai nga ma ai law,” nga nna jahtau htau re ai.

KASA 16:30

bai shan hpe woi pru nna, “Madu yan e, ngai hkye hkrang la ai kaw du lu hkra, kaning rai na rai ta?” ngu nna san mu ai.

KASA 2:37

Dai na ma yang, shanhte myit hta hkra malu ai rai nna, shanhte gaw, “Hpunau ni e, anhte kaning rai na rai ta?” nga nna Petru hte kaga kasa ni hpe tsun ma ai.

EHPESU 3:14

Ndai lam a majaw, sumsing lamu hta mung, ginding aga ntsa e mung, kawa ngu shamying ai,

HEBRE 10:11

Hkinjawng ngu ai wa kadai mung, shani shagu daw jau nga let, yubak mara hpe galoi mung n raw kau ya lu ai, shagu hkungga amyu sha hpe law law lang nawng kahtap ya lu ai:

1 SAMUELA 15:22

Bai Samuela gaw, “Yehowa gaw, shi a ga madat ai hta awng sharawng ai zawn, wan nat hkungga hte hkungga amyu hta awng sharawng na a ni? Yu u, madat mara ai gaw hkungga shan hta grau nga ai; tsun ai hku hkan ai gaw, sagu la sau dung hta grau kaja nga ai.