MIHKA 6:4 - Jinghpaw Hanson Version Bible

⁴ Ngai gaw Egutu mung na nang hpe shapraw la nna, mayam tai nga ai nta na hkrang la ni ai; Mawshe, Arun hte Miriam hpe, na a shawng e ngai shangun dat ni ai.

Jinghpaw Common Language Bible 2009

⁴ Ngai gaw nang hpe Egutu mung kaw na woi shapraw wa nhtawm nang hpe mayam prat kaw na mawai la ni ai. Mawshe, Arun hte Miriam ni nang hpe woi awn na matu ngai dat dat ni ai.

MIHKA 6:4 ပူးပေါင်းရင်းမြစ်များ

2 SAMUELA 7:23

Na a amyu masha ni hte, na a mungdan a matu mara mauhpa amu kaba madun dan na nga, Karai Kasang yu wa nna, na ningsang mying dan hkung na matu, Egutu mung hte mungdan daga ni yawng hta, shanhte a Hpara ni a lata na hkye mawai la ai, nang lata la ai amyu Israela hte bung ai amyu gaw, dinghta ga ntsa e kadai amyu rai nga a ta?

SHAKAWN KUNGDAWN 77:20

Nang gaw Mawshe yan Arun a lata hte, Na a amyu hpe sagu hpung hpe zawn, woi wa nu ai.

PRU MAT 12:51

Dai shani hta nan Yehowa gaw Israela kashu kasha hpung wunawng wuwa ni hpe, Egutu mung na shapraw wa wu ai.

PRU MAT 20:2

“Ngai gaw, Egutu mung hte mayam tai nga ai nta na nang hpe shapraw la ai, na Karai Kasang Yehowa rai nga nngai.

PRU MAT 3:10

Dai majaw, ya sa wa su, nye a amyu Israela a kashu kasha ni hpe Egutu mung na sa shapraw la lu na, ngai nang hpe Hpara-u hpang de shangun dat de ga,” ngu nna tsun wu ai.

PRU MAT 4:10

Bai Mawshe gaw, “Madu e, ngai gaw n-gup mamsup n rawng ai wa rai nngai; shawng de nna mung n rawng nngai, na mayam hpe nang tsun jang nna pyi n rawng li ai: ngai gaw n-gup li ai hte shinglet li ai wa rai nngai,” ngu nna Yehowa hpe tsun wu ai.

PRU MAT 4:16

Shi gaw amyu masha ni a man e na a ga htawn tai nna, na n-gup a malai rai na ra ai; nang mung shi a matu Karai Kasang zawn tai na ra ai.

PRU MAT 6:27

Dai yan mung Israela a kashu kasha ni hpe Egutu mung na shapraw la na, Egutu hkawhkam Hpara-u kaw shang tsun ai yan rai nga ma ai: shan gaw dai Mawshe yan Arun rai nga ma ai.

YEREMIA 32:21

nang gaw lamik kumla hte mauhpa amu madun let, n-gun ja ai lata, lahpum shada nna hkrit mai ai nsam hte, na a amyu Israela hpe, Egutu mung na shapraw la nhtawm, shanhte hpe jaw na, nga nna kaji kawa ni hpe dagam da ai mung ngu ai, nga chyu hte lagat jahku lwi ai, ndai mung, nang shanhte hpe jaw nna, shanhte shang madu nga ma ai: shanhte chyawm gaw na a nsen n madat, na a tara n hkan ma ai; nang shanhte hpe htet da mada langai mi muk, n hkan ma ai: dai re ai majaw ndai shoihpa shoirang nlang, nang shanhte a ntsa e shapraw nu ai.

AMO LAIKA (AMOS) 2:10

Amori masha ni a mungdan hpe madu lu na matu, ngai nanhte hpe Egutu mung na woi shapraw nna, mali shi ning tup, nam mali hkan e woi lakawn wa nngai.

BU HKAWM 12:1

Ya Mawshe gaw Hkusha amyu num la wu ai rai nna, dai Hkusha num a majaw, Miriam yan Arun gaw Mawshe hpe mara shagun nna,

BU HKAWM 33:1

Da ndai gaw, Mawshe yan Arun a lata hte Egutu mung na pru hkawm wa ai Israela kashu kasha wunawng wuwa ni a sat sa wa ai bu lam rai nga ai.

KASA 7:36

Dai wa nan, Egutu mung e mung, Nawng hkyeng hta mung, nam mali hkan e mung, mali shi ning tup mauhpa hte lamik kumla amu madun let, shi a amyu masha ni hpe woi wa mu ai.

TARA JAHPRANG 15:15

Egutu mung e nang mayam tai yu nit dai mung, na a Karai Kasang Yehowa nang hpe hkrang la nit dai mung, nang dum lu na rai ndai: dai re ai majaw ndai lam, dai ni ngai nang hpe hkang da de ai.

TARA JAHPRANG 24:18

Egutu mung e nang yam nga yu nit dai mung, na a Karai Kasang Yehowa dai kaw na nang hpe hkrang shaw wa nit dai mung, nang dum nga lu na rai ndai: dai re ai majaw ndai tara matsun ngai nang hpe tawn da ya se ai.

TARA JAHPRANG 4:20

Nanhte hta, dai ni rai nga ai hte maren, Yehowa a matu Sali wunli amyu tai myit ga nga, Egutu mung a hpri wan mang na shi nanhte hpe gare la manit dai.

TARA JAHPRANG 4:34

Nanhte a Karai Kasang Yehowa Egutu mung hta nanhte a man e galaw dan ai zawn chyam dinglik ai, lamik kumla hte mauhpa amu madun ai, hpyen majan shapraw ai, n-gun ja ai lata hte ladawn ai lahpum sharawt ai, hkrithpa shingran madun ai di nna, Hpara shaje langai wa mi masha amyu mi hta na masha amyu mi hpe tinang a matu nga nna shaw la yu ai, nga a ni?

TARA JAHPRANG 5:6

‘Ngai gaw, Egutu mung hte mayam tai nga ai nta na nang hpe shapraw la ai, na a Karai Kasang Yehowa rai nga nngai.

TARA JAHPRANG 7:8

Yehowa nanhte hpe tsawra ai majaw mung, na nji nwa ni hpe dagam da ai ga shaka shatup mayu wu ai majaw mung, nang yam nga ai Egutu mung na hkawhkam Hpara-u a lata na, shi a n-gun ja ai lata hte nang hpe hkye la nna woi wa nit dai.

TARA JAHPRANG 9:26

Yehowa hpe ngai hpyi we ai gaw, ‘Yehowa Madu e, na a hpung shingkang hte nang hkrang la nna, na a n-gun ja ai lata hte Egutu mung na shaw woi wa ai, na a Sali wunli ngu na, na a amyu masha ni hpe hkum shaza kau et:

1 SAMUELA 12:6

Bai Samuela gaw, “Yehowa, Mawshe yan Arun hpe aya dang tawn nna, nanhte a nji nwa ni hpe Egutu mung na shaw woi wa manit dai.