MIHKA 6:3 - Jinghpaw Hanson Version Bible

³ Nye a amyu e, ngai nang hpe hpa galaw yu n ta? nang hpe kaning di jahki shaba yu n ta? ngai hpe htan ya e.

Jinghpaw Common Language Bible 2009

³ Dai Madu gaw, “Nye a amyu masha ni e, Ngai nang hpe hpa amu galaw yu sata? Ngai nang hpe kade wa jahki shaba yu a ni? Ngai hpe htan e.

MIHKA 6:3 ပူးပေါင်းရင်းမြစ်များ

SHAKAWN KUNGDAWN 50:7

“Nye a amyu e, madat u, ngai ga tsun na nngai, Israela e, ngai nang hpe sakse jaw de ga: Ngai gaw Karai Kasang, na a Karai Kasang rai nga nngai.

SHAKAWN KUNGDAWN 51:4

Nang tsun nga ai ga dinghpring nga u ga, Na a tara dara ai lam hta mara n kap u ga, Nang hpe chyu sha ngai yubak galaw nna, Na a man e n hkru ai amu galaw ni ai.

SHAKAWN KUNGDAWN 81:13

Nye a amyu nye a ga madat nna, Israela nye a lam hta hkawm a taw gaw:

SHAKAWN KUNGDAWN 81:8

Nye a amyu e, madat u, ngai matsun tsun da na nngai. Israela e, nang nye a ga hpe chye madat taw e!

ESAIA 5:4

Ngai nye a tsabyi sun hta n galaw nna, naw galaw ra ai lam lama ma nga dam a ni? Ngai tsabyi si lu la na myit mada nga yang, hpa majaw tsabyi chyalam si nga a ta?

YEREMIA 2:31

Amyu masha ni e, Yehowa a ga hpe sumru yu mu: ngai gaw Israela amyu a matu nam mali, shing n rai, nsin htat ai mungdan tai yu ni ni? nye a amyu masha ni gaw, Anhte prang mat saga ai; nang hpang de bai wa na n rai, nga nna hpa majaw tsun nga ma ta?

YEREMIA 2:5

Yehowa ning nga ai, “Nanhte a nji nwa ni gaw, ngai hte tsan wa nna, be be kaman lam hkan let, be be kaman tai wa hkra, ngai hta kaning re ai mara mu hkrup ma ta?

MIHKA 6:5

Nye a amyu e, Moba hkawhkam Balak hpaji daw ai hte, Beora kasha Balam shi hpe htan ai ga, dum u; Yehowa a dinghpring ai amu chye lu hkra, Shitim hte Gilgala lapran e byin ai lam hpe, dum u.

ROMA 3:19

N-gup yawng mayawng hpe sha-ip kau lu nna, mungkan ting hte gaw Karai Kasang a man e mara rawng ai tai nga mu ga, jep ai tara hta tsun matsun hte, jep ai tara npu e nga ai ni hpe a tsun nga ai gaw, anhte chye nga ga ai: