MIHKA 6:14 - Jinghpaw Hanson Version Bible

¹⁴ Nang shat sha timung, hkru kat lu na n rai; tut kawsi kyet na ndai: nang makoi da lu timung, lu su na n rai; nang la wa ai rai ni hpe, ngai lanep shatai na nngai.

Jinghpaw Common Language Bible 2009

¹⁴ Nang shat sha lu na rai ndai, rai ti mung myit dik lu na n rai; nang teng teng kawsi kyet na rai ndai. Arung arai ni hpe nang la wa lu ai rai tim, dai hpe nang mahkawng da lu na n rai; Nang mahkawng kyem da ai arai hpa hpe rai tim, majan hta ngai jahten kau ya na we ai.

MIHKA 6:14 ပူးပေါင်းရင်းမြစ်များ

HOSEA 4:10

Shanhte gaw Yehowa hpe shinggan kau ai majaw, shanhte sha timung, hkru kat lu ai, n rai; liknga lam shachyut timung, law htam wa na, n rai.

HAGI 1:6

Nanhte law law gat hkai timung, kaji sha shu la lu myit dai; sha timung, n hkru kat myit dai; lu timung, hkru lu ai, n rai; bu hpun timung, lum ai n rai; shabrai sha ai wa gaw, tinang a shabrai hpe, waw ai tingsan hta bang da wu ai.

ESAIA 65:13

Dai re ai majaw Madu Yehowa gaw, “Yu mu, nye a shangun ma ni sha lu na mara ai, nanhte chyawm gaw kawsi hkrum na myit dai; yu mu, nye a shangun ma ni lu lu na mara ai, nanhte chyawm gaw hpang kara na myit dai; yu mu, nye a shangun ma ni kabu gara na mara ai, nanhte chyawm gaw kaya kahpa hkrum na myit dai;

JAW JAU 26:26

Nanhte hpe shadaw ai shat lusha ngai dawm kau ya made yang, numsha marai shi ting wan mang langai mi hta sha nanhte a muk kabaw nhtawm, joi hte shen nna nanhte hpe karan jaw na ra ai: nanhte sha timung kan du na n rai.

HAGI 2:16

ndai aten laman e, n-gu dang hkun pru ai mam sumpum de sa du yang, dang shi sha lu la nga ai; bai, tsabyi yam manga shi la na matu, htumbyen de sa du yang, hkun sha lu la nga ai.

EZEKELA 5:12

Na a htam masum hta htammi ana zinli hte si wa nna, na a ka-ang e kawsi ai hte htum mat na mara ai; htammi gaw, na a grup yin e kahtam ai nhtu hte si wa na mara ai; htammi hpe nbung bung shagu de ngai shapoi kau na nngai: shanhte a hpang e nhtu hpe mung ngai naw shaw na nngai.

YEREMIA 48:44

Hkrit kajawng ai hta na hprawng lawt ai wa gaw nhkun hta hkrat na ra ai; nhkun hta na lawt pru ai wa gaw, mahkam hta lu na ra ai: kaning rai nme law, ngai gaw, Moba hpe ari nhpri jaw na shaning aten shapraw na nngai, nga nna Yehowa tsun ai.

ESAIA 30:6

Dingda mung na numraw hpe ang ai myihtoi ga: Hkanghkyi yi hte hkanghkyi, pu htum hte pyen chye ai wan lapu sawng nna, yak la ai hte kyin dut ai mungdan hku shanhte ga sa wa nna, shanhte a matu hpa asung n shang ai amyu hpang de, lawze dinghkung hta sutgan, gawla-uk ni a dabu ntsa e aja gumhpraw, htaw sa ma hka.

ESAIA 9:20

Manashe amyu gaw Ehprim amyu hpe, Ehprim amyu gaw Manashe amyu hpe kawa sha na mara ai; shan lahkawng gaw rau, Yuda amyu hpe gumlau na mara ai: rai timung, shi a pawt sindawng ai gaw sim wa sai n rai; shi a lata naw a ladawn nga ai.