MIHKA 5:8 - Jinghpaw Hanson Version Bible

⁸ Naw ngam nga ai Yaku a masha ni gaw, masha amyu baw ni law law a ka-ang e, maigan masha ni a man e, maling na ashu ashan ni hta, hkanghkyi, sagu hpung hta hkanghkyi uram zawn, tai na mara ai: shi ga sa wa yang, kadai n mawai la lu hkra, shi kabye nna amya sha kau na ra ai.

Jinghpaw Common Language Bible 2009

⁸ Naw ngam nga ai ni gaw masha amyu baw ni a ka-ang e nam mali shing n rai udat shara hkan lu sha tam gyam sha nga ai hkanghkyi zawn tai na ra ai. Shi gaw sagu ni a lapran de shang nna adaw achyen di gang amya je kau na ra ai; dai shara hta mawai la na matu myit mada shara nga na n rai.

MIHKA 5:8 ပူးပေါင်းရင်းမြစ်များ

NINGPAWT NINGHPANG 49:9

Yuda gaw hkanghkyi hkalung rai nga ai: Ngai sha e, htim sha ai kaw na nang lung wa wa rai ndai: Hkanghkyi hte hkanghkyi kanu zawn, shi hpum let gyem nga ai: shi hpe kadai wa shatu gwi na a ta?

SHAKAWN KUNGDAWN 104:20

Nsin hpe nang shasin nna shana tai nga ai, Dai shaloi maling na matse labye yawng, pru hkawm ma ai.

SHAKAWN KUNGDAWN 44:5

Na a marang e anhte gumlau ni hpe kanawng kau lu ga ai, Na a amying majaw hpyen ni hpe kabye kau lu ga ai.

SHAKAWN KUNGDAWN 50:22

Karai Kasang hpe malap mali kau ai ni e, ndai lam myit yu mu: Shing n rai yang, mawai la ai wa n nga nna, Ngai nanhte hpe amya je kau na made ai.

GA SHAGAWP 30:30

Dai gaw, dusat yawng hta n-gun grau ja nna, Kadai hpe n yen ai, hkanghkyi;

ESAIA 5:29

shanhte a shabam ai nsen gaw, hkanghkyi yi a nsen hte bung nna, hkanghkyi hkalung zawn shabam na mara ai; rai sa, shanhte garu shabam let tinang shahpa hpe magra la na mara ai rai nna, hkye mawai la ai wa n nga ai majaw, dai hpe hpai la kau na mara ai.

EZEKELA 39:10

dai laman e shanhte gaw nam na hpun n hta, maling na hpun n hkran ra na mara ai; hpyen rai ni hte wan ju na mara ai: hpya lu hpya sha ai ni hpe, shanhte hpya lu hpya sha nna, kashun kashe sha ai ni hpe, kashun kashe sha na mara ai,” nga nna Madu Yehowa tsun ai.

HOSEA 5:14

Kaning rai nme law, ngai gaw Ehprim hta hkanghkyi zawn, Yuda nta hta hkanghkyi uram zawn, rai na nngai; ngai nan amya kawa kau da na nngai; makrang hpai kau yang, kadai mung mawai la lu na, n rai.

MIHKA 2:12

Yaku e, na amyu ting hpe, ngai teng teng shinggyin la na nngai; gaja wa, Israela hta naw ngam nga ai ni hpe, ngai jahpawng da na nngai: Bozra mung na sagu ni hte, tinang a udat shara na sagu hpung hpe zawn, ngai shanhte hpe hpawng nga shangun na nngai; masha law ai majaw wu kadu nga ai.

MIHKA 4:13

Ziun shayi sha e, rawt nna kabye u; na a nrung hpe, hpri, na lahkru hpe, magri, ngai shatai nna, nang gaw amyu baw law law hpe dup mani kau na mu ai: shanhte a sutgan hpe Yehowa a matu, shanhte a arung arai hpe, ginding aga ting a Madu ngu ai wa a matu, ngai majai kau na nngai.

MIHKA 4:7

lagaw hten ai wa hpe, naw ngam ai amyu chyen mi, tsan tsan de shaden kau hkrum ai ni hpe, n-gun ja ai amyu mi, ngai shatai nna, Yehowa gaw Ziun bum ntsa e, ya kaw nna prat dingsa du hkra, shanhte hpe up na ra ai.

MIHKA 5:3

Dai rai nna shinggyim machyi ai num, kasha shangai ai aten du hkra, shi shanhte hpe ap kau na ra ai: dai shaloi e naw ngam nga ai shi a kahpu kanau ni gaw, Israela kashu kasha ni hte rau, nhtang wa na mara ai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHKARIA 10:5

Shanhte gaw share ninghkrin zawn tai nna, hpyen majan shani e, hpyen ni hpe, mare lam na hkumpup hta, kabye kau na mara ai; Yehowa shanhte hte rau rai nga ai majaw, shanhte hpyen gasat lu nna, gumra jawn ai ni, mak mat na mara ai.

ZEHKARIA 11:6

Dai rai nna ngai mung, htawm hpang de, ndai mung na masha ni hpe matsan dum na n rai; yu mu, masha langai hte langai hpe, tinang a htingbu wa a lata hte, tinang a hkawhkam wa a lata hta, ngai ap kau na nngai: shanhte gaw dai mungdan hpe shaza kau nna, ngai shanhte a lata na, mung masha ni hpe, mawai la na n rai,” nga nna Yehowa tsun ai.

ZEHKARIA 12:3

Dai hta kaga, dai aten e ngai gaw, masha amyu ni mahkra a matu, Yerusalem mare hpe li la ai nlung shatai na nngai; dai nlung hpe hpai kau mayu ai ni yawng, hkala nba hkrum na mara ai: dai hpe dang kau na matu, ga ntsa amyu baw ni yawng rau zuphpawng na mara ai.

ZEHKARIA 14:18

Egutu amyu masha ni, n sa, n lung wa ma yang, shanhte a ntsa e mung, marang n htu na ra ai: dai hta n-ga, sum poi hta lawm na matu, n lung wa ai amyu ni hpe, Yehowa jaw ai ari zinli, shanhte a ntsa e du na ra ai.

ZEHKARIA 9:15

Zaw nawng zaw wa up ai Yehowa gaw, shanhte hpe makawp maga na ra ai; shanhte kawa sha kau nna, lakli nlung ni hpe kabye kau na mara ai: shanhte lu nna, tsabyi jahku hkru ai zawn, kashai na mara ai: shanhte gaw gawm hte tawn hkungri a jut ni zawn, sai hte hpring na mara ai.

MALAHKI 4:3

Tara n lang ai ni hpe mung, nanhte kabye dip kau na marin dai: kaning rai nme law, ngai shabyin ai nhtoi hta e, shanhte gaw, nanhte a lagaw lahpan npu e, wan dap zawn tai na mara ai, nga nna Zaw nawng zaw wa up ai Yehowa tsun ai.

BU HKAWM 24:9

Hkanghkyi hte hkanghkyi kanu zawn, shi hpum let gyem nga ai: Kadai wa shi hpe shatu wam na a ta? Nang hpe shaman ai wa gaw shaman chyeju lu la u ga, Nang hpe matsa ai wa gaw, matsa hkrum sha u ga,” nga ai.

MAHTE 10:14

Nanhte hpe n hkap hkalum la nna, nanhte a ga hpe n madat ya yang gaw, dai nta kaw na, shing n rai, dai mare kaw na pru wa nhtawm, nanhte a lagaw hta kap ai nhpu hpe ahpu kau mu.

KASA 18:6

Shanhte chyawm gaw hkap ndang ai hte aroi ara nga ma yang, shi palawng ahpu dan let, “Nanhte a asai gaw nanhte a baw e mara nga nu ga; ngai chyawm gaw lawt ni ai: ya kaw nna gaw, maigan amyu ni hpang de ngai kayin mat wa na ni ai,” ngu nna shanhte hpe tsun mu ai.

HEBRE 12:25

Nanhte gaw dai mungga tsun dat ai wa hpe n ningdang kau myit ga, sadi nga mu; kaning rai nme law, ga ntsa na shadum jahprang ai wa hpe ndang kau ai ni yubak n lawt lu ma ai teng yang gaw, sumsing lamu de na shadum jahprang ai wa hpe nawng kau ai ni anhte gaw, dai hta grau nna n lawt lu na ga ai:

HEBRE 2:3

ndai hte wa galu kaba ai hkye hkrang la ai chyeju hpe n gawn n sawn di ga yang, anhte kaning rai lawt lu na ga ta? dai chyeju gaw shawng npawt e madu a n-gup hte nan tsun dan nna, na la ai ni gaw anhte hpe bai htawn tsun shangang da ai hte,