MIHKA 5:7 - Jinghpaw Hanson Version Bible

⁷ Naw ngam nga ai Yaku a masha ni gaw, masha amyu baw ni law law a ka-ang e, Yehowa kaw na hkrat ai mari hte, masha matu n hkring, shinggyim masha myit n hkan ai, tsingdu ntsa e htu ai marang zawn, tai na mara ai.

Jinghpaw Common Language Bible 2009

⁷ Naw hkrung nga ai Israela amyu masha ni gaw masha amyu baw law law a matu dai Madu kaw na hkrat ai n-gun awai la shangun ai numri hte tu kaba wa ai hkai bawng ntsa e htu ai marang zawn tai na mara ai. Shanhte gaw masha hpe n rai, Karai Kasang hpe kam hpa wa na mara ai.

MIHKA 5:7 ပူးပေါင်းရင်းမြစ်များ

2 SAMUELA 17:12

Shing rai na nwa hpe shara langai ngai hta katut jang, ga ntsa e mari hkrat ai zawn, anhte shi a ntsa e galup nna shi hte shi a masha ni langai mi muk n lawt hkra di na rai nga ai.

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 133:3

Hermun bum kaw nna Ziun bum hta, hkrat ai mari hte, bung nga ai; Kaning rai nme law, Yehowa gaw dai yang e, Htani htana asak a shaman ai gaw, a jaw nga mu ai.

SHAKAWN KUNGDAWN 72:6

Udat shara e, marang htu ai zawn, Aga hta marang n yit yang na zawn, shi yu wa ru ga.

GA SHAGAWP 19:12

Hkawhkam a pawt sindawng ai gaw, hkanghkyi shabam ai zawn rai nga ai; Shi a chyeju chyawm gaw, tsingdu ntsa e hkrat ai mari zawn rai nga ai.

ESAIA 32:15

matsaw ntsang de na wenyi gaw anhte a ntsa e ru bun nna, nam mali gaw nsi naisi hpring ai yi hkauna, nsi naisi hpring ai yi hkauna gaw maling zawn nawn ai shani du hkra, Ohpela kawng hte langchyi ni gaw, prat dingsa lungpu tai mat nna, lawze nhprang ni dai hta pyaw nga nna, dai gaw yamnga ni a udat shara tai wa na ra ai.

ESAIA 44:3

kaning rai nme law, hpang kara ai wa ntsa e ngai ntsin ru bun nna, hkraw hkun ai ga hpe hka shalim na we ai: na a amyu a ntsa e nye a wenyi hpe, na a aru arat a ntsa e nye a shaman ai hpe, ngai ru bun na we ai:

ESAIA 55:10

Kaning rai nme law, marang hte ahkyen gaw, lamu de na htu hkrat nna, dai de bai n wa ai sha, nli gat ai wa hpe nli, makan galaw ai wa hpe shahpa jaw lu hkra, aga hpe madit let, matsun hte maku shaprut nna, asi si shangun ai zawn,

ESAIA 66:19

“Ngai gaw shanhte a ka-ang e lamik kumla madun dan nna, shanhte hta na lawt lu ai ni hpe, ndan gap chye ai Tarshi, Pula, Luda amyu ni hpang de mung, Tubala yan Yawan hpang de mung, nye a lam garai n na yu ai hte, nye a hpung shingkang garai n mu lu ai, sumtsan mung na zunlawng ni hpang de mung, ngai shangun dat nna, shanhte gaw maigan amyu ni hpe, nye a hpung shingkang lam tsun dan na mara ai.

YEREMIA 14:22

Maigan masha ni a hpara sumla ni hta, marang jahtu lu ai wa, nga a ni? lamu gaw shi hkrai marang htu lu a ni? Anhte a Karai Kasang Yehowa e, ndai lam nang hkrai shabyin lu ai, n rai ni? dai re majaw, anhte nang hpe ala nga ga ai; ndai lam yawng nang tawn da nit dai.

EZEKELA 14:22

Gaja wa, naw ngam nga ai shayi shadang sha nkau mi hti nga timung, shanhte gaw nanhte hpang de du nna, nanhte gaw shanhte a arawn alai hte htung hking hpe mu na marin dai: dai hpe yu yang, nanhte gaw, Yerusalem mare ntsa e ngai shapraw ai tsin-yam tsindam mahkra a lam, shalan shabran hkrum na myit dai.

EZEKELA 47:1

Dai hpang shi gaw nta chyinghka de ngai hpe bai woi wa nna, chyinghka hkinbawng npu e, sinpraw maga de lwi ai hka hpe, ngai mu nngai: nta npan gaw sinpraw maga de yawng nna, hka gaw nta a hkra maga npu na hpaw pru nna, tawn hkungri dingda maga de lwi wa ai.

EZEKELA 5:5

Madu Yehowa ning nga ai: Da ndai gaw Yerusalem mare rai nga ai; ngai gaw dai mare hpe amyu baw ni a ka-ang e tawn da nna, de a grup yin e mungdan ni dè nga ma ai.

Daniela 11:32

Dai ga shaka hpe n tara ai hku galaw ai ni gaw, shi a hkalem hkalau ai ga hkan nang nna, lam dam na mara ai: tinang a Karai Kasang hpe dum chye ai amyu chyawm gaw, n-gun ja wa nna, amu magam galaw lu na ra ai.

HOSEA 14:5

Ngai gaw Israela ntsa e mari zawn tai na nngai: shi gaw hkalaw pan zawn pu nna Lebanon zawn ru jung na ra ai.

HOSEA 6:3

Anhte chye na lu ga; Yehowa hpe chye lu hkra hkan tam ga: jahpawt manap teng teng du ai zawn, shi du pru na ra ai; shi anhte hpang de, marang shaya hte, lamu ga hpe madit ai marang shadoi zawn, du na ra ai.”

YOELA 2:32

Dai shaloi e, Yehowa a mying ningsang hpe gang shaga ai wa kadai mung, mawai hkrang la ai kaw du na ra ai: kaning rai nme law, Yehowa tsun da sai hte maren, Ziun bum hte Yerusalem mare hta e, shanglawt ni nga nga na mara ai; naw ngam nga ai ni hta, Yehowa shaga la ai ni, lawm na mara ai.

AMO LAIKA (AMOS) 5:15

N kaja ai hpe n dawng nna, kaja ai hpe tsawra mu: mare chyinghka lam e tara malang ai hku tawn da mu: shing rai yang, Zaw nawng zaw wa up ai Karai Kasang Yehowa gaw, naw ngam nga ai Yawsep a masha ni hpe, matsan dum dam nhten.

MIHKA 2:12

Yaku e, na amyu ting hpe, ngai teng teng shinggyin la na nngai; gaja wa, Israela hta naw ngam nga ai ni hpe, ngai jahpawng da na nngai: Bozra mung na sagu ni hte, tinang a udat shara na sagu hpung hpe zawn, ngai shanhte hpe hpawng nga shangun na nngai; masha law ai majaw wu kadu nga ai.

MIHKA 4:13

Ziun shayi sha e, rawt nna kabye u; na a nrung hpe, hpri, na lahkru hpe, magri, ngai shatai nna, nang gaw amyu baw law law hpe dup mani kau na mu ai: shanhte a sutgan hpe Yehowa a matu, shanhte a arung arai hpe, ginding aga ting a Madu ngu ai wa a matu, ngai majai kau na nngai.

MIHKA 4:7

lagaw hten ai wa hpe, naw ngam ai amyu chyen mi, tsan tsan de shaden kau hkrum ai ni hpe, n-gun ja ai amyu mi, ngai shatai nna, Yehowa gaw Ziun bum ntsa e, ya kaw nna prat dingsa du hkra, shanhte hpe up na ra ai.

MIHKA 5:3

Dai rai nna shinggyim machyi ai num, kasha shangai ai aten du hkra, shi shanhte hpe ap kau na ra ai: dai shaloi e naw ngam nga ai shi a kahpu kanau ni gaw, Israela kashu kasha ni hte rau, nhtang wa na mara ai.

MIHKA 5:8

Naw ngam nga ai Yaku a masha ni gaw, masha amyu baw ni law law a ka-ang e, maigan masha ni a man e, maling na ashu ashan ni hta, hkanghkyi, sagu hpung hta hkanghkyi uram zawn, tai na mara ai: shi ga sa wa yang, kadai n mawai la lu hkra, shi kabye nna amya sha kau na ra ai.

MIHKA 7:18

Nang hte bung ai Karai Kasang kadai rai nga a ta? shi gaw, naw ngam nga ai, shi a sali wunli masha ni a yubak hpe raw dat kau ya nna, shanhte a tara tawt lai ai hpe, shalai kau dat nga ai: shi gaw tsawra matsan dum ai lam hta sharawng awng nga ai majaw, tutnawng pawt nga ai n rai.

ZEHPANI 3:13

Naw ngam nga ai Israela masha mi gaw, n hkru n hkra ai amu galaw na, n rai; masu ga mung tsun na, n rai; shanhte a n-gup hta hkalem hkalau ai shinglet tu lu na n rai: kaning rai nme law, shanhte hpe kadai n jahkrit ai, shanhte lusha nna, hpum nga na mara ai.

ZEHKARIA 14:8

Dai shani e, Yerusalem mare kaw na, asak hka lwi pru na ra ai; chyen mi gaw sinpraw nawng de, bai chyen mi gaw sinna nawng de, ang wa na ra ai: dai gaw nlum ta e rai timung, kashung ta e rai timung, lwi nga na ra ai.

ZEHKARIA 9:13

Kaning rai nme law, Yuda hpe ndan zawn ngai shachyen nna, Ehprim gaw de a pala rai nga ai; Ziun e, na a shadang sha ni, Heleni masha ni hpe gasat na matu, ngai shadut nna, nang hpe share wa nhtu zawn, shatai na nngai.

MAHTE 28:19

Dai majaw nanhte pru sa nna, masha amyu baw shagu hpe sape shatai let, Kawa a, Kasha a, Chyoi pra ai Wenyi a amying nsang hta, shanhte hpe baptisma jaw nhtawm,

KASA 11:15

Ya, ngai ga hpaw nna tsun nga yang, shawng de anhte a ntsa e Chyoi pra ai Wenyi yu hkrat ai zawn, shanhte hta mung yu hkrat wa malu ai.

KASA 13:46

Pawlu yan Barnaba mung nden ja ai myit hte, “Karai Kasang a mungga nanhte hpe shawng tsun dan na gaw, lam rai nga ai; rai timung, nanhte mahtang dai hpe gang kau nna, n htum n wai asak hte n ging ai gaw, tinang dai dawdan la myit dai majaw, yu mu, maigan amyu ni hpang de anhte myi man kayin na saga ai.

KASA 16:9

Dai yang, shana e Pawlu gaw shingran hta, Makedoni masha langai mi sa tsap nna, “Makedoni mung de rap sa nna, anhte hpe karum la mi,” nga nna shi hpe hpyi ai mu wu ai.

KASA 9:15

Madu mung, “She sa su; dai wa gaw, maigan amyu ni hte hkawhkam ni a man e mung, Israela amyu masha ni a man e mung, nye a amying gun hpai na matu, nye a ngu nna san tawn da ai malai rai nga ai:

ROMA 10:20

Dai hta kaga Esaia gaw, grai nden ja ai myit hte, “Ngai hpe n tam ai ni gaw, ngai hpe mu ma ni ai, Nye a lam n san yu ai ni kaw, ngai dan pru nngai,” nga ai, nga nna tsun ai.

ROMA 11:12

Dai hta kaga shanhte a ahtu kataw ai gaw mungkan ga a sutgan, shanhte a sum mat ai gaw maigan amyu ni a sutgan tai wa a yang gaw, shanhte a hkum sumhpa gaw grau nna, akyu shabyin na n rai ni?

ROMA 9:30

Dai re ai majaw anhte kaning ngu tsun na ma? Dinghpring ai lam n shachyut ai maigan amyu ni gaw, dinghpring ai hpe lep la ma ai; rai sa, kamsham ai hte lu la ai dinghpring ai hpe lep la ma ai:

1 KORINHTU 3:6

Ngai gaw hkai da nngai, Apolo gaw ntsin jaw wu ai: Karai Kasang e she tu shangun nga ai.

TARA JAHPRANG 32:2

Tsit lali ai tsingdu hta htu bun ai marang hte, Namlap hta htu hkrat ai marang ninghte zawn, Ngai sharin ai ga htu kahte nna, Nye a ga gaw mari zawn hkrat na ra ai.

TARA AGYI 6:36

Rai timung, Gidon gaw Karai Kasang hpe, “Nang madu tsun ai hte maren, Israela amyu hpe nye a lata hte hkye la na teng yang gaw; yu u,