MIHKA 5:6 - Jinghpaw Hanson Version Bible

⁶ Shanhte gaw Asuri mung hte, Nimrod mung hpe, de a mashang du hkra, nhtu hte shaza kau na mara ai: Asuri wa gaw anhte a mung hta shang nna, anhte a lamu ga jarit hpe kabye yang, dai wa gaw shi a lata na, anhte hpe mawai la na ra ai.

Jinghpaw Common Language Bible 2009

⁶ Shanhte gaw luksuk n-gun hte Nimrod a lamu ga Asuri hpe gasat dang la na mara ai; shanhte gaw anhte a lamu ga de shang gasat ai shaloi, shi gaw anhte hpe Asuri ni a lata kaw na makawp maga la na ra ai.

MIHKA 5:6 ပူးပေါင်းရင်းမြစ်များ

2 HKAWHKAM 15:29

Israela hkawhkam Peka aprat e, Asuri hkawhkam Tiglat-pilese sa du nna, Iyon, Abela-bet-mahka, Yanoa, Kedesha, Hazora mare ni mung, Gilead mung hte Naphtali ngu ai Galile mung ting hpe mung gasat nna, mung masha ni hpe Asuri mung de bawng rim wa mu ai.

1 HKAWHKAM LABAU 1:10

Hkusha gaw Nimrod hpe mung shaprat wu ai; dai wa gaw ga ntsa e kaba hpang ai wa rai nga ai.

2 HKAWHKAM LABAU 33:11

Dai rai nna Yehowa gaw shanhte a ntsa e Asuri hkawhkam a hpyen luksuk ni a bu ni hpe shangun dat nna, Manashe hpe hpri chyinghkyi hte magri sin-yu hte gyit nhtawm, Babelon mare de woi wa mu ai.

YOBA 29:22

Ngai tsun ai hpang shanhte bai n tsun ma ai; nye a ga shanhte a ntsa e ntsin zawn hkrat nga ai.

SHAKAWN KUNGDAWN 110:3

Na a hpyen majan shani e, na a amyu masha ni gaw Chyoi pra ai hte mawn sumli let, hkan nang mayu nga ma ai; jahpawt manap jau jau na mari zawn, Na a brang ram ni nang kaw du na mara ai.

SHAKAWN KUNGDAWN 72:6

Udat shara e, marang htu ai zawn, Aga hta marang n yit yang na zawn, shi yu wa ru ga.

ESAIA 14:2

Maigan amyu ni gaw shanhte hpe woi wa nna, tinang a buga de wa sa na mara ai; shing rai Israela amyu gaw, Yehowa a mungdan hta, maigan ni hpe mayam la mayam num shatai nna, shanhte hpe bawng dung shangun ai ni hpe, bawng bai dung shangun na maru ai; tinang hpe sharu shatsang ai ni a ntsa e mung, up nga na mara ai.

ESAIA 14:25

ngai gaw nye a mungdan hta Asuri wa hpe agrawp kau nna, nye a bum ni a ntsa e shi hpe kabye kau na we ai: shaloi jang, shi shanhte hpe hpai shangun ai kandang shanhte kaw na, shanhte hpe gun hpai shangun ai lit shanhte a lahpa hta na, yu kau na ra ai, nga nna Zaw nawng zaw wa up ai Yehowa dagam nga ai.

ESAIA 33:1

Jahten shabyak shabyin timung, jahten shabyak garai n hkrum ai, hkalem ai hku galaw timung, hkalem kau ai garai n hkrum ai wa e, nang dingnye lu ndai. Nang jahten shabyak shabyin ngut jang, nang nan jahten shabyak ai hkrum na rin dai; nang hkalem kau ai shatup ngut jang, shanhte gaw nang hpe hkalem kau na mara ai.

ESAIA 37:36

Shing rai Yehowa a lamu kasa pru sa nna, Asuri masha ni a hpyen dap hta marai sen me mun matsat hkying manga hte hpe sat kau wu ai: jahpawt jau jau e rawt yu yang, yu mu, ndai ni nlang si mang rai nga ma ai.

ESAIA 37:37

Bai Asuri hkawhkam Senahkerib gaw, dap brun mat wa nna, Ninewe mare de wa nhtang nga nga ai.

ESAIA 6:13

Dai mungdan hta htamshi na htammi naw ngam nga timung, dai pyi shaza kau ai hkrum na ra ai: rai timung, magyeng hpun hte wamyi hpun hpe kran kau nna, hpun du naw tu nga ai zawn, dai hpun du hta chyoi pra ai aru arat naw prut na ra ai.”

YEREMIA 14:22

Maigan masha ni a hpara sumla ni hta, marang jahtu lu ai wa, nga a ni? lamu gaw shi hkrai marang htu lu a ni? Anhte a Karai Kasang Yehowa e, ndai lam nang hkrai shabyin lu ai, n rai ni? dai re majaw, anhte nang hpe ala nga ga ai; ndai lam yawng nang tawn da nit dai.

NAHUM 2:11

Hkanghkyi nhkun hkanghkyi uram ni tam sha ai shara, hkanghkyi la hkanghkyi yi hkalung ni hte rau hkawm nga nna, dai ni hpe n jahkrat lu ai shara gaw, ya kanang rai nga a ta?

ZEHPANI 2:13

“Shi gaw shi a lata hpe dingdung maga de ladawn nna, Asuri mung hpe shaza kau na hte, Ninewe mare hpe shingran katsi ai shara, hkun hkraw ai zaibru jang zawn, di kau na ra ai.

ZEHPANI 3:12

Nni nkri hkrum ai, matsan mayan amyu hpe, na a ka-ang e ngai jahti da nna, shanhte gaw Yehowa amying hta, shingbyi nga na mara ai.

LUKA 1:71

Hkrit ai myit n rawng ai sha, anhte a prat dingnawng, Chyoi pra ai, dinghpring ai hte, shi a man e daw jau lu hkra,

LUKA 1:74

Shi a shangun ma Dawi a nta hta, anhte a matu,

LUKA 24:27

Shing nga tsun sharawt nhtawm, Mawshe ka da ai kaw nna, myihtoi ni yawng ka da ai Chyum laika ni hta na, shi hta ang ai ga yawng a ga lachyum, shan hpe tsun hpaw dan mu ai.

TARA JAHPRANG 32:2

Tsit lali ai tsingdu hta htu bun ai marang hte, Namlap hta htu hkrat ai marang ninghte zawn, Ngai sharin ai ga htu kahte nna, Nye a ga gaw mari zawn hkrat na ra ai.