MIHKA 5:5 - Jinghpaw Hanson Version Bible

⁵ Dai wa gaw anhte a ngwipyaw madu tai na ra ai. Asuri wa gaw anhte a mung hta shang nna, anhte a htingnu ni hpe kabye yang, shi hpe hkap daw na matu, sagu rem sanit hte agyi matsat, anhte kaw na pru na ra ai.

Jinghpaw Common Language Bible 2009

⁵ shi gaw ngwi pyaw sim sa ai hpe la sa wa na ra ai. Asuri masha ni anhte a mung de shang gasat nna anhte a makawp maga dap ni hpe jahten kau ma ai shaloi, anhte mung shanhte hpe gasat na matu n-gun atsam rawng htum ai ningbaw ni hpe dat dat na ga ai.

MIHKA 5:5 ပူးပေါင်းရင်းမြစ်များ

YOBA 5:19

Shi nang hpe ru tsang amu kru hta na mawai la ai hta n-ga, sanit lang hkrum timung, nni nkri nang hpe hkra na, n rai.

SHAKAWN KUNGDAWN 72:7

Shi a aprat e dingman ai ni awng wa mu ga, Shata mat mat ai du hkra ngwi kaba rai nga lu u ga.

GA SHAGAWP 30:18

Nye a nyan n dep lu ai lam masum hta kaga, Ngai n dang chye ai lam mali rai nga ai;

GA SHAGAWP 30:29

Hpung shingkang hte hkawm chye ai amyu masum hta n-ga, Hpung rawng ai hte hkawm ai amyu mali rai nga ai:

GA SHAGAWP 6:16

Yehowa n dawng nga ai lam kru rai nga ai. Rai sa, shi matsat kau ai lam sanit gaw,

HPAJI NINGLI 11:2

Marai sanit sha n rai, marai matsat hpe karan jaw u; kaning rai nme law, ga ntsa e n hkru ai hpa byin na hpe nang n chye ndai.

ESAIA 14:25

ngai gaw nye a mungdan hta Asuri wa hpe agrawp kau nna, nye a bum ni a ntsa e shi hpe kabye kau na we ai: shaloi jang, shi shanhte hpe hpai shangun ai kandang shanhte kaw na, shanhte hpe gun hpai shangun ai lit shanhte a lahpa hta na, yu kau na ra ai, nga nna Zaw nawng zaw wa up ai Yehowa dagam nga ai.

ESAIA 44:28

Kuru hkawhkam hpe lakap nna, Shi gaw nye a sagu ni hpe rem ai wa rai nga ai; ngai ra mara shi shadik ya nna, Yerusalem mare hpe bai dè da mu ga, nawku Htingnu a npawt nhpang ni gaw da mu ga, nga nna shi hpe tsun shangun ai Yehowa nan ngai rai nga nngai,” nga ai.

ESAIA 59:19

Shing rai shanhte gaw sinpraw maga kaw nna sinna maga du hkra, Yehowa a mying nsang hte hpung shingkang hpe hkrit hkungga na mara ai; kaning rai nme law shi gaw, Yehowa a nbung hte ahpawt kau ai hka hpungtun zawn, du na ra ai.

ESAIA 65:8

Bai Yehowa ning nga ai, Tsabyi sumbaw hta tsabyi jahku mu yang, masha langai ngai, “Hkum jahten et, shaman ai rawng nga ai,” nga nna tsun ai hte maren, nye shangun ma hpe tau yu let, ngai galaw nna, mahkra jahten na n rai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

YEREMIA 33:15

Dai shani e, dai aten e, Dawi a matu dinghpring ai Makrung ngai shatut nna, dai wa gaw mungdan hta dinghpring ai hku dawdan na ra ai.

AMO LAIKA (AMOS) 1:3

Yehowa ning nga ai: Damasku mare a yubak masum hta n-ga, yubak mali majaw, ngai ari n jaw ai, nga na n rai; kaning rai nme law, shanhte gaw, mam dup ai hpri rai hte, Geliad mung hpe dup manu ai.

AMO LAIKA (AMOS) 1:6

Yehowa ning nga ai: Gaza mare a yubak masum hta n-ga, yubak mali majaw, ngai ari n jaw ai, nga na n rai: kaning rai nme law, shanhte gaw amyu ting hpe, Edom masha ni a lata hta ap ya na matu, bawng rim wa mu ai.

ZEHKARIA 10:11

Shi gaw kyin dut ngu ai nawng hta rap lu nna, ngai gaw nammukdara hka leng ni hpe kayat kau na hte, Nila hka hpungla ni yawng, hkyet mat na mara ai: shing rai Asuri mung a gumrawng gumtawng shara yu mat nna, Egutu mung na hkawhkam sumdoi, htawm kau ai hkrum na ra ai.

ZEHKARIA 10:3

“Ngai gaw sagu rem ai ni hpe, pawt kahtet nga nna, namla ni hpe, ari jaw na nngai: kaning rai nme law, Zaw nawng zaw wa up ai Yehowa gaw, shi a sagu hpung ngu ai, Yuda dap hpe kawan katsan yu nna, shanhte hpe, hpyen shani na laring gumra zawn, shatai na ra ai.

ZEHKARIA 12:6

“Dai aten e ngai gaw, Yuda du ni hpe, hpun sumpum kata e rawng ai wan htung hte, hkauling ka-ang na wan shanan zawn, shatai na nngai: shanhte gaw pai, hkra, grup yin e nga ai masha amyu ni mahkra hpe hkru kau na mara ai: Yerusalem masha ni chyawm gaw tinang a buga ngu ai, Yerusalem mare hta, naw a shanu nga na mara ai.

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.

ZEHKARIA 9:13

Kaning rai nme law, Yuda hpe ndan zawn ngai shachyen nna, Ehprim gaw de a pala rai nga ai; Ziun e, na a shadang sha ni, Heleni masha ni hpe gasat na matu, ngai shadut nna, nang hpe share wa nhtu zawn, shatai na nngai.

LUKA 2:14

“Matsaw lahta tang e Karai Kasang gaw hpung shingkang rawng nga u ga; Ga ntsa e mung, shi sharawng awng ai masha ni hta, ngwipyaw ai gaw anga nga nu ga law,” nga ma ai.

YAWHAN 14:27

Ngwipyaw ai gaw ngai nanhte hta da ya masade ai; nye a ngwipyaw ai nanhte hpe ngai jaw made ai: mungkan ga na ni jaw ai zawn, ngai nanhte hpe jaw made ai n rai. Nanhte myit hkum ru myit, hkrit mung hkum hkrit myit.

YAWHAN 16:33

Nanhte ngai hta ngwipyaw ai lu la myit ga, ngu nna, ndai ga ngai nanhte hpe tsun ni ai: nanhte gaw mungkan ga e nni nkri hkrum sha myit dai: rai timung, dakring dakan rai nga mu; ngai gaw mungkan ga hpe dang kau da ni ai, ngu mu ai.

SHINGRAN 17:14

Dai ni gaw, dai Sagu Kasha hte hpyen gasat na ma ai rai nna, dai Sagu Kasha gaw shanhte hpe dang kau na ra ai: kaning rai nme law, shi gaw madu ni a Madu, hkawhkam ni a Hkawhkam rai nga ai: shi hte rau nga ai ni mung, shaga da ai ni, lata la ai ni, kangka re ai ni, rai nga ma ai, nga nna ngai hpe tsun ai.

SHINGRAN 19:14

Sumsing lamu na luksuk ni mung, gumra ahpraw jawn nna san seng hpraw tu ai lachyit nba bu hpun let, shi hpang e hkan nang ma ai.