MIHKA 5:4 - Jinghpaw Hanson Version Bible

⁴ Dai wa gaw tsap nga nna, Yehowa a n-gun hte mung, shi a Karai Kasang Yehowa mying ningsang a daru magam hte mung, shi a sagu hpung hpe bau nga na ra ai: shanhte mung grin nga na mara ai: kaning rai nme law, shi gaw, lamu ga htum hkra ya galu kaba wa na ra ai.

Jinghpaw Common Language Bible 2009

⁴ Shi du sa ai shaloi, shi gaw dai Madu kaw nna n-gun atsam hte Madu Karai Kasang shi hkum nan a daru magam hpung shingkang hte shi a amyu masha ni hpe up hkang wa na ra ai. Shi a amyu masha ni mung shim lum ai hte nga lu na mara ai; hpa majaw nga yang, aga ting na masha ni yawng shi a galu kaba ai magam amu hpe yin la na mara ai,

MIHKA 5:4 ပူးပေါင်းရင်းမြစ်များ

SHAKAWN KUNGDAWN 145:12

Na a mungdan a arawng sadang hpe, shanhte kajai gara nna, Na a atsam rawng ai bungli hpe tsun dan na mu ai.

SHAKAWN KUNGDAWN 22:27

Ga ting na yawng mayawng hte gaw Yehowa hpe dum nna, shi hpang de kayin na mara ai. Masha amyu baw nlang hte gaw, na a man e nawku na mara ai.

SHAKAWN KUNGDAWN 72:19

Shi a dan hkung nga ai amying nsang prat dingsa e, a nga u ga; Mungdan ting gaw shi a hpung shingkang pri rai nga u ga law. Amen, rai sa, Amen.

SHAKAWN KUNGDAWN 72:8

Nammukdara kaw nna nammukdara du hkra, Uhprat hka nu kaw nna lamu ga htum hkra, shi up nga u ga.

SHAKAWN KUNGDAWN 93:1

Yehowa gaw Hkawhkam rai nga ai; Hpung shingkang hpe shi bu hpun nga ai; Yehowa gaw n-gun hte mawn sumli nga ai, Dai hpe shingkyit zawn kyit da nu ai: Gaja wa, mungkan ga hpe shi tawn da nu ai: Dai gaw shamu shamawt nga ai n rai.

SHAKAWN KUNGDAWN 98:3

Shi a chyeju hte sadi sahka, Israela a nta a matu shi dum nu ai: Lamu ga makau shagu hkan e mung, Anhte a Karai Kasang a hkye hkrang la ai lam mu lu masai.

PRU MAT 23:21

Shi a man e sadi nga mu, shi a ga madat mu; shi hpe hkum gumlau et; nanhte shut ai mara shi raw dat dau na n rai; kaning rai nme law, nye a amying shi hta nang nga ai.

ESAIA 45:22

Lamu ga htum hkra shanu nga ai ni e, ngai hpe mada yu nna, hkye hkrang la ai hkam la mu: ngai hkum nan Karai Kasang rai nga nngai; ngai hta kaga kadai n nga ai.

ESAIA 49:5

Ngai gaw Yehowa man e arawng sadang lu ai hte, nye a Karai Kasang gaw nye a n-gun tai wa nna, Yaku a amyu hpe shi hpang de bai wa shangun na hte, Israela masha ni hpe shi hpang de zuphpawng shangun na matu, shi a shangun ma tai na, hkritung kaw nna ngai hpe hpan da ai Yehowa, ya ning nga ai:

ESAIA 52:10

Yehowa gaw masha amyu baw ni mahkra a man e shi a chyoi pra ai lahpum shadawng dan nna, anhte a Karai Kasang a hkye hkrang la ai lam gaw, lamu ga htum hkra dan leng wa sai.

ESAIA 52:13

Yu mu, nye a shangun ma gaw awng wa na ra ai: shi gaw shagrau shatsaw hkrum ai hte, hpung shingkang rawng nna, nachying galu kaba na ra ai.

ESAIA 8:7

yu mu, Madu gaw, Asuri hkawhkam hte shi a hpung shingkang ting ngu ai, galu kaba ai hte hpungla ja la ai hkanu hpe, shanhte a ntsa e lwi shangun nna, dai gaw hka hkin-gau hte daru ni hpe lim kau ai hte,

MIHKA 7:14

Hkarmela bum na maling dinggram e shi hkrai shanu nga ai, na a amyu ngu ai, sali wunli sagu hpung hpe, na a dawhkrawng hte rem u: Bashan hte Gilead mung na udat shara hta moi shawng e sha lu ai zawn, shanhte bai sha lu mu ga.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.

MALAHKI 1:5

Dai amu hpe nanhte mu mada nna, Yehowa gaw Israela a lamu ga jarit lai hkra, galu kaba nga u ga, nga nna tsun na myit dai.

MAHTE 16:18

Bai, nang hpe ngai tsun de ga, Nang Petru rai nga ndai hte, ndai lunghkrung ntsa e nye a Hpung hpe ngai de da na we ai rai nna. Katsan ga na chyinghka ni, dai hpe dang kau lu na n rai.

MAHTE 2:6

“Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

MAHTE 25:31

Dai Masha Kasha gaw shi a hpung shingkang dan hkung let, lamu kasa ni nlang hte rau sa du ai shaloi, shi a hpung shingkang a tingnyang ntsa e shi dung nna,

LUKA 1:32

Dai wa gaw galu kaba na ra ai rai nna, Tsaw htum ai wa a Kasha ngu ai hkam la na ru ai; Madu Karai Kasang mung, shi kawa Dawi a tingnyang, shi hpe jaw na wu ai rai nna,

YAWHAN 10:38

Dai ngai galaw nngai rai yang gaw, ngai e n kam timung, ngai hta nye Wa nga nga ai mung, nye Wa hta ngai nga nga ai mung, nanhte mu chye nna chye na lu myit ga, dai amu ni hpe kamsham mu,” ngu nna shanhte hpe htan mu ai.

YAWHAN 20:17

Bai Yesu gaw, “Ngai e hkum hkra et; kaning rai nme law, ngai Wa hpang de ngai garai n lung wa nngai: rai timung, ngai nau ni hpang de wa nna, Ngai gaw nye a Wa hte nanhte a Kawa, nye a Karai Kasang hte nanhte a Karai Kasang hpang de lung wa sa na da, ngu nna shanhte hpe wa tsun dan su,” ngu nna shi hpe tsun dat wu ai.

EHPESU 1:3

Anhte a Madu Yesu Hkristu a Kawa rai nga ai Karai Kasang gaw, a nga u ga law: shi gaw sumsing lamu lahta tang hta e, Wenyi hte seng ai shaman ya ai lam amyu myu hte, Hkristu hta e anhte hpe shaman ya mi ai:

1 PETRU 1:5

hpang jahtum ai nhtoi e dan pru u ga, nga nna lajang da sai hkye hkrang la ai chyeju hpe hkam la lu na hte, kamsham ai myit marang e, Karai Kasang a n-gun lagaw hte makawp maga hkrum nga ai, nanhte a matu mara, dai sali wunli gaw, sumsing lamu hta e kyem da nga ai.

YUDA 1:1

Yesu Hkristu a mayam hte, Yaku a kanau, ngai Yuda gaw, Kawa Karai Kasang hta tsawra nna Yesu Hkristu a matu bau sin hkrum ai, shaga da ai ni hpe, ga shana dat nngai:

SHINGRAN 11:15

Bai, sanit ngu na lamu kasa gaw pahtau dum dat wu ai: shaloi sumsing lamu hta e nsen kaba ni pru wa ai gaw, “Mungkan ga na mungdan gaw, anhte a madu a mungdan hte shi a Hkristu a mungdan tai wa sai rai nna, shi gaw htani htana prat dingsa hkawhkam aya hta up nga na sai law,” nga nna shakawn nga ma ai.