MIHKA 5:2 - Jinghpaw Hanson Version Bible

² Rai timung, nang Betlehem-Ehprat e, Yuda mare mun sen hta nang kaji nga timung, Israela amyu hpe up na madu gaw, nye a matu, nang kaw na pru na ra ai: dai wa gaw, moi chyaloi nhkoi kaw nna paw pru ai wa rai nga ai.

Jinghpaw Common Language Bible 2009

² Dai Madu gaw, “Nang Betlehem Ehprat e, nang gaw Yuda mung na mare ni hta kaji htum rai nga ti mung, Israela a matu up hkang du langai nang kaw na pru wa na ra ai; shi a dinghku ru sai mung moi chyaloi nhkoi kaw nna nga nga ai wa rai nga ai,” ngu nna tsun ai.

MIHKA 5:2 ပူးပေါင်းရင်းမြစ်များ

NINGPAWT NINGHPANG 35:16

Dai hpang shanhte gaw Behtela kaw nna htawt mat wa ma ai rai nna, Ehprat du na loi mi naw tsan yang, Rahkela shangai nhtoi gu nna shinggyim machyi laja nga ai.

NINGPAWT NINGHPANG 35:19

Shaloi Rahkela si mat nna Betlehim ngu ai Ehprat de sa ai lam makau e, shi hpe lup makoi mu ai.

NINGPAWT NINGHPANG 48:7

Nye a matu ngu na gaw, Hpadan mung na ngai bai wa ai shaloi, Hkanan mung Ehprahta mare garai n du kaw, dai lam hta e Rahkela gaw nye a makau e si mat sali ai rai nna, Betlehim ngu ai Ehprahta de sa ai lam e ngai shi hpe lup makoi se ai, ngu wu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

1 HKAWHKAM LABAU 2:54

Salma a kashu kasha ni gaw, Betlehem hte Netohpa, Atrot-bet-yoba hte Zori ngu ai, Manahati amyu chyen mi rai nga ma ai.

1 HKAWHKAM LABAU 4:4

Gedora kawa Penuela; Husha a kawa Ezera hte rai ma ai: dai ni gaw, Betlehem a kawa Ehprahta a kasha alat Hura a dap ni rai nga ma ai.

1 HKAWHKAM LABAU 5:2

Kaning rai nme law, Yuda gaw kahpu ni a ntsa e kaba wa ai rai nna, du gaw shi kaw nna pru wa ai: hpu lat aya chyawm gaw Yawsep hte seng nga ai.

SHAKAWN KUNGDAWN 132:6

Dai gaw Ehpra hta e nga nga ai, anhte na ga timung, Yaara prang ga e, dai hpe mu lu sagaw ai.

SHAKAWN KUNGDAWN 90:2

Bum ni hpe garai n shangai nna, Mungkan ga hte dinghta aga hpe garai n shaprat yang, Nang gaw chyi nma hpri nhpra kaw nna, Karai Wa, rai nga ndai.

PRU MAT 18:21

Dai hta kaga, ndai amyu yawng hta na, Karai Kasang hpe hkrit hkungga ai myit su ai masha, sadi sahka re ai hte sake manawn n tsaw ai masha nang san da na rai wu ai: dai ni hpe, masha hkying mi a agyi, latsa a agyi, manga shi a agyi, marai shi a agyi shatai nna dang tawn da u:

PRU MAT 18:25

Shing rai Mawshe gaw Israela amyu ting hta na myit su ai masha lata la nhtawm, masha hkying mi a agyi, latsa a agyi, manga shi a agyi, marai shi a agyi dang tawn da mu ai.

ESAIA 11:1

Rai timung, Yese amyu a ndu hta nnaw rawt nna, shi a aru ni hta na makrung gaw, asi si na ra ai.

ESAIA 53:2

Kaning rai nme law, Yehowa a shangun ma gaw, shi a man e matsun zawn mung, hkraw hkun ai ga na maku zawn mung, tu prut nga ai: shi gaw gawng shing-yan mung, ahpraw nsam mung, tsawm htap ai n rai: shi hpe yu yang, tsawra mai ai myi man ningchya n rawng nga ai.

ESAIA 55:4

Yu u, amyu baw ni a sakse wa tai na mung, amyu baw ni a du hte up hkang ai wa tai na mung, ngai shi hpe san da ni ai.

ESAIA 7:14

Dai re ai majaw Madu shi nan nanhte hpe lamik kumla madun dan na ra ai: yu mu, shayi hkawnsek gaw gawng li nga nna, shadang sha shangai na ra ai; shi a amying hpe, Emanuela shamying ya na ru ai.

YEREMIA 30:21

Shanhte a du gaw shanhte a amyu rai na ra ai; shanhte a ntsa e up ai wa gaw, shanhte kaw na pru na ra ai; ngai shi hpe lau la nna, shi ngai hpang de sit sa na ra ai; ngai hpang de sit sa na nga, kadai wa tinang myit hpe shagwi a ta? nga nna Yehowa tsun ai.

HOSEA 6:3

Anhte chye na lu ga; Yehowa hpe chye lu hkra hkan tam ga: jahpawt manap teng teng du ai zawn, shi du pru na ra ai; shi anhte hpang de, marang shaya hte, lamu ga hpe madit ai marang shadoi zawn, du na ra ai.”

AMO LAIKA (AMOS) 9:11

Nye a amyu masha ni gaw, naw ngam nga ai Edom amyu masha ni hte, nye a amying mying ai maigan amyu ni mahkra hpe, madu lu na matu,

MIHKA 4:10

Rai sa, Ziun shayi sha e, shinggyim machyi ai num zawn, kawa machyi hkrum nna, kasha shangai na n-gun dat u; kaning rai nme law, ya pyi ndai mare na nang pru nna, pa ga hta hkring nga nhtawm, Babelon mare du hkra sa wa na rin dai: dai mare hta nang mawai la ai hkrum na ndai; ndai yang e Yehowa gaw hpyen ni a lata na, nang hpe hkye hkrang la na ra ai.

ZEHKARIA 13:7

“Nhtu e, rawt u: nye a sagu rem wa hte, nye a kanawn manang wa hpe, hkra u: sagu rem wa hpe anu sat nna, ‘sagu ni bra wa na mara ai; ngai gaw hkalung ni hpe, nye a lata hte maga da na nngai,’ nga nna Zaw nawng zaw wa up ai Yehowa tsun ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

MAHTE 2:1

Ya, Herod hkawhkam a lakhtak e, Yuda mung na Betlehem mare hta Yesu shangai wa ngut jang, yu mu, hpaji rawng ai masha sinpraw mung na Yerusalem de sa du ma ai rai nna,

MAHTE 2:6

“Yuda mung na, nang Betlehem e, Yuda agyi ni hta, kaji htum nga ndai n rai; Nye a amyu Israela hpe woi rem nga na Du gaw, Nang kaw nna pru wa na ra ai, nga ai,” ngu nna shi hpe tsun dan mu ai.

MAHTE 28:18

Shing rai Yesu shanhte hpang de sit sa wa nna, Sumsing lamu hta e mung, ginding aga hta e mung, up hkang na ahkang nlang hte, ngai hpe ap ya ni ai.

LUKA 23:2

“Ndai wa gaw anhte a amyu hpe lam woi shadam ai hte, Kehta hkawhkam hpang de hkansi bang na lam hkum da nna, shi hkum dai Hkristu ngu ai hkawhkam rai nga ai, nga nna tsun nga ai hpe, anhte mu ga ai,” ngu nna shi hpe mara jun mu ai.

LUKA 23:38

Shi a ntsa e mung ‘Ndai wa gaw Yuda ni a hkawhkam rai nga ai,’ nga ai laika shakap da nga ai.

YAWHAN 7:42

Hkristu gaw Dawi a lakung hta na prat wa nna, Dawi a shara ngu ai Betlehem kahtawng na she, paw pru na re ai, nga nna Chyum laika hta rawng ai, n rai ni?” nga hkat ma ai.

TARA JAHPRANG 1:15

Dai majaw nanhte a amyu shagu hta, myit hpaji rawng ai hte sadang pru ai masha hpe ngai lata la nna, nanhte a du agyi ngu na, masha hkying mi a agyi, latsa a agyi, manga shi a agyi, marai shi a agyi re ai ni hpe nanhte a ntsa e dang da ya masade ai.

KOLOSE 1:17

Shi gaw yawng mayawng a shawng na rai nga ai hte, yawng mayawng gaw shi a majaw grin nga ai.

HEBRE 13:8

Yesu Hkristu gaw, mani, dai ni, htawm prat dingsa mung, maren anga nga ai.

HEBRE 7:14

Gaja wa, anhte a Madu, Yuda amyu hta na paw pru wa sai gaw, dan dan leng leng rai nga ai; dai amyu hpe hkinjawng aya a lam Mawshe gaw hpa mung n tsun da wu ai.

1 YAWHAN 1:1

Shawng npawt kaw nna nga ai rai nna, anhte na yu ai hte, anhte a myi hte mu yu ai hpe, anhte mada yu ai hte anhte a lata hte hkra ai, asak hkrung ai mungga a lam, anhte nanhte hpe gawn dan ga ai;

SHINGRAN 19:16

Shi a hpun palawng hte magyi hta, Hkawhkam ni a Hkawhkam, Madu ni a Madu, nga ai amying ka kap nga ai.

SHINGRAN 2:8

Bai, Samurna mare na Hpung a kasa hpe ning ngu ka dat u: Si sai rai timung ahkrung nga ai ningshawng wa hte jahtum rai nga ai wa gaw, ning nga nga ai:

SHINGRAN 21:6

Dai hta kaga shi gaw, “Dai hte gaw ngut mat sai; ngai gaw Alhpa hte Omega, apawt ningshawng mung, ahpang jahtum mung, rai nga nngai: hpang kara ai wa hpe asak hka hpawk na ntsin, manu jahpu n hpyi ai sha, ngai jaw na we ai.

TARA AGYI 17:7

Ya Yuda mung na Betlehem mare e, Yuda lakung langai mi hta na shabrang langai mi nga ai; dai wa Lewi masha rai nga nna, dai yang e shingbyi nga ai.

RUHTA 1:1

Ya, tara agyi ni up ai aprat e, kalang wa mi, dai mungdan hta hku hku wa ai. Dai rai nna Yuda mung Betlehem mare na masha langai mi gaw, shi a madu jan hte shadang sha lahkawng woi nna, Moba mung e sa shingbyi na nga, pru wa ma ai.

RUHTA 4:11

Dai chyinghka lam e dung lawm ai shawa masha ni hte agyi salang ni nlang hte mung, “Anhte sakse rai saga ai: na nta e pru ai num ndai gaw, Israela amyu hpe shaprat ai num Rahkela yan Lea zawn taw wa hkra, Yehowa hpajang ya nit ga law, Nang rai timung, ndai Ehprahta e n-gun nsam ja wa nna, Betlehem mare e arawng dan hkung nit ga law

1 SAMUELA 10:19

rai timung, nanhte a ru tsang hte tsin-yam tsindam yawng hta na nanhte hpe hkye shaw la ai nanhte a Karai Kasang hpe, dai ni nanhte kau da nna, Anhte a ntsa e hkawhkam shadun ya mi, nga n nga shi kaw tsun myit dai. Dai re ai majaw, amyu langai hte langai, nta dap langai hte langai, Yehowa man de sit sa marit,” ngu wu ai.

1 SAMUELA 17:12

Ya Dawi gaw Ehprahta ngu ai, Yuda ga Betlehem masha Yese a kasha rai nga ai: dai Yese gaw shadang sha matsat lu ai rai nna, Shawlu a lakhtak e, dingla ugut gu ai prat rai sai.

1 SAMUELA 17:18

ndai nga chyu shage tawng shi mung, shanhte a hpyen du kaba wa hpe jaw u; na nhpu ni kaja ai n kaja ai yu nna, shanhte kaw na kumla la wa rit,” ngu dat wu ai.

1 SAMUELA 23:23

Dai re ai majaw, shi makoi nga ai shara ni yawng hpe achyoi sha tam yu ngut jang she, ngai hpang de bai sa marit; shaloi ngai gaja wa nanhte hte rau pru sa na nngai; shi dai ga hkan e nga taw gaw, Yuda amyu hkying mun a kata na, ngai shi hpe tam shaw la na nngai,” ngu dat mu ai.

1 SAMUELA 8:12

bai, shi a hpyen du shatai na, masha hkying mi up na, manga shi up na matu, aya tawn da na mu ai, manga shi up na matu, aya tawn da na mu ai; bai, nkaw mi hpe, shi a yi hkauna galaw, shi a mam dan shu na hte, shi a hpyen ri nhtu, shi a hpyen leng tup shachyaw amu hta hpajang tawn na ru ai.