MIHKA 5:1 - Jinghpaw Hanson Version Bible

¹ Ya chyawm gaw, luksuk laba ni a kanu e, na a luksuk laba ni hpe hkyen tawn u: hpyen wa gaw anhte hpe wang tawn sai; shanhte gaw, Israela tara agyi wa a shabyi hpe, ri tawng hte kayat na mara ai.

Jinghpaw Common Language Bible 2009

¹ Yerusalem masha ni e, na a hpyen n-gun ni hpe mahkawng da u! Anhte gaw wang da ai hkrum nga saga ai! Shanhte gaw Israela a ningbaw wa hpe gasat nga ma ai.

MIHKA 5:1 ပူးပေါင်းရင်းမြစ်များ

NINGPAWT NINGHPANG 35:19

Shaloi Rahkela si mat nna Betlehim ngu ai Ehprat de sa ai lam makau e, shi hpe lup makoi mu ai.

NINGPAWT NINGHPANG 49:10

Ngwipyaw Madu du nna, Masha amyu ni shi a ga madat mara nga ai du hkra, Yuda kaw na hkawhkam sumdoi, Shi a lahpyen n daru magam dawhkrawng, kangai mat lu na n rai.

1 HKAWHKAM 22:24

Dai rai nna Hkenana kasha Zedekia sit sa nhtawm, Mihkala hpe kahpret nna, “Yehowa Wenyi gaw nang hta shung lu hkra, gara lam hku ngai kaw na pru wa sata?” ngu wu ai.

2 HKAWHKAM 24:2

Yehowa gaw, shi a shangun ma myihtoi ni a n-gup e tsun ai hte maren, Yuda mung hpe jahten na matu, Hkalde masha hpyen hpung ni, Suri masha hpyen hpung ni, Moba masha hpyen hpung ni hte, Ammon a kashu kasha ni a hpyen hpung ni hpe shangun dat wu ai.

YOBA 16:10

Masha ni gaw ngai hpe n-gup mahka nga ma ai: kaya kahpa jahkrum let nye shabyi kahpret ya mi ai; ngai hpe htim na rau zuphpawng nga ma ai.

GA SHAGAWP 8:23

Lamu ga garai n nga, chyi nma hpri nhpra kaw nna, Shi ngai hpe shalat tawn da ni ai.

ESAIA 10:6

Awu asin re ai amyu hpang de ngai shi hpe shangun dat nna, ngai n dawng ai amyu hpe, kashun kashe hpya kau nhtawm, lanep la na hte, mare lam hkumpup zawn shanhte hpe kabye kau na lam, hkang da na we ai.

ESAIA 33:22

Kaning rai nme law, Yehowa gaw anhte a tara agyi rai nga ai; Yehowa gaw anhte hpe tara jaw ai wa rai nga ai; shi anhte a hkawhkam rai nga ai: shi anhte hpe hkye hkrang la na ra ai.

ESAIA 8:9

Amyu baw ni e, kabring kabrawng nga timung, agrawp kau ai hkrum mu; sumtsan mung na ni e, madat mara nga mu; shingkyit kyit timung, agrawp kau ai hkrum mu;

ESAIA 9:5

Kaning rai nme law, anhte a matu kasha shangai nna, anhte hpe shadang sha jaw mi ai: shi a lahpa ntsa e up ai ahkang mara nga na rai nna, shi a amying hpe, “Mauhpa wa, Hpaji daw ai wa, Daru Magam Karai Wa, Htani htana Kawa, Ngwipyaw Madu,” ngu nna shamying na mu ai.

YEREMIA 4:7

Amyu baw ni hpe jahten shabyak na, hkanghkyi ngu ai wa gaw, tinang a wuyup na lung wa sai; shi gaw du magang ra ai; na a mungdan hpe katsi katsang shatai na hte, na a mare ni hpe kadai n nga lu hkra marawng marang di kau na matu, shi gaw tinang shara kaw na pru wa sai.

SHARUNG SHAYAWT 3:30

Tinang a shabyi kayat ai wa hpe ja ya nna, shatan nhkan hte shi hpring chyat nga u ga.

EZEKELA 21:32

Ngai gaw mungdan hpe galau kau na, galau kau na, galau kau na nngai: dai hpe up ging ai wa garai n du dingsa, dai gaw nga lu na n rai; shi du jang, ngai dai hpe shi a lata hta ap ya na nngai.

EZEKELA 24:2

“Masha kasha e, ndai shani a amying ka da nna, atsawm sha matsing u: Babelon hkawhkam gaw ndai shani hta nan, Yerusalem mare hpe wang tawn hpang nu ai.

Daniela 9:25

Dai re ai majaw ndai lam chye matsing u: Yerusalem mare hpe bai de shagrin da na ga pru ai shani kaw nna, du ngu ai, namman chya hkam ai wa prat du hkra, nhtoi bat sanit na na ra ai: dai mare gaw ru tsang hkrum ai aten laman e, mare lam ni hte kaduk bai galaw htu ai, nhtoi bat kru shi lahkawng na na ra ai.

YOELA 3:9

Maigan amyu ni hpe ndai lam tsun dan mu; hpyen majan matu, nhtan di dun mu; share ninghkrin ni hpe jasu mu: hpyen masha ni yawng sit sa nna, lung wa mu ga.

AMO LAIKA (AMOS) 2:3

de a ka-ang e tara agyi wa hpe ngai jahtum kau nna, shi hte rau du ni yawng hpe, sat kau na nngai, nga nna Yehowa tsun ai.

HABAKU 1:6

yu mu, gumshem ai hte larau ladau nga nna, tinang a buga n re ai lamu ga hpe madu lu na matu, ga ntsa ting hta hproi hkawm ai Hkalde amyu masha ni hpe, ngai sharawt nngai.

HABAKU 3:16

Dai lam ngai na jang, nye hkum gari ashun nga ai; De a nsen majaw, nye a shakap gying mat sai: Ru tsang du na ra ai nhtoi hte, anhte hpe jahten shabyak ai amyu gaw, Du na ra ai shani du hkra, ngai atsin sha hti nga na majaw, Nye a nrut nra ni tsam mat nna, nye a lagaw gari mat nga ai.

MAHTE 26:67

Shaloi shanhte gaw shi a myi man hpe mayen mahtaw bun ai hte shi hpe htwi mu ai:

MAHTE 27:30

bai, shi hpe mayen mahtaw bun nhtawm, dai kumba yan hpe shanhte la nna, shi a baw hpe kayat ya mu ai.

MAHTE 5:39

Ngai mahtang nanhte hpe tsun made ai gaw, N hkru ai wa hpe hpa mung hkum tai mu; na a hkra shabyi bye ai wa hpe, maga mi naw ja ya u.

YAWHAN 18:22

Shing ngu wu yang makau e tsap nga ai agyi langai mi gaw Yesu hpe kahpret nna, Hkinjawng agyi wa mi ting hpe, nang shing nga htan lu nni?” ngu wu ai.

YAWHAN 19:3

shing di nhtawm, shi hpang de shanhte sit sa nna, “Yuda ni a Hkawhkam e, nang a lu nit ga law,” nga nna tsun let shi hpe kahpret ma ai.

KASA 23:2

Dai rai nna, hkinjawng agyi Anani gaw, “shi a n-gup bye ya mu,” nga nna makau e tsap nga ai ni hpe tsun mu ai.

2 KORINHTU 11:20

Kaning rai nme law, marai langai ngai nanhte hpe rim yam ai, kashun sha ai, rim la ai, tinang a hkum hpe shagrau ai hte nanhte hpe shabyi kahpret ya myit yang gaw, dai wa hpe nanhte sharang ya nga myit dai.

TARA JAHPRANG 28:49

Yehowa gaw, kalang htim ai zawn larau ai masha amyu mi, tsan ai shara lamu ga htum na, nang hpang de sa gasat shangun na ra ai; dai amyu a shaga ai ga nang chye na na n rai:

TARA JAHPRANG 33:27

Chyi nma Karai Kasang gaw na shingbyi shara rai nga ai, Htani htana lahpum ta gaw nang hpe pawn la nga ai. Shi gaw, Jahten shabya kau mu, nga nna, Hpyen wa hpe na a man na jahtaw kau wu ai.

TARA AGYI 17:7

Ya Yuda mung na Betlehem mare e, Yuda lakung langai mi hta na shabrang langai mi nga ai; dai wa Lewi masha rai nga nna, dai yang e shingbyi nga ai.