MIHKA 4:9 - Jinghpaw Hanson Version Bible

⁹ Ya nang hpa majaw jahtau shabam nga n ta? Nang hta hkawhkam n nga a ni? hpaji daw ya ai wa n nga ai majaw, shinggyim machyi ai num zawn, nang kawa machyi hkrum n ni?

Jinghpaw Common Language Bible 2009

⁹ Nang hpa majaw ja ja jahtau shabam nga n ta? Shinggyim machyi ai num zawn nang hpa majaw nni nkri hkrum sha nga n ni? Nang hta hkawhkam n nga ai majaw kun? Nang hpe hpaji jaw ai ni si mat ai majaw kun?

MIHKA 4:9 ပူးပေါင်းရင်းမြစ်များ

ESAIA 13:8

shanhte mak mat na mara ai; ru tsang ai hte yawn hkyen ai hkrum na mara ai; shinggyim machyi ai num zawn, machyi hkrum na mara ai; shanhte mau mahka let, shada da azi yu na mara ai; shanhte a myi man gaw wan zawn hkyeng na ra ai.

ESAIA 21:3

Dai re ai majaw, nye a mashi machyi la nga ai; shinggyim machyi ai num zawn nni nkri hkrum nngai: na lahpang hkra laja nga ai, myi n mu hkra, mak mat nga ai.

ESAIA 26:17

Yehowa e, gawng li ai num gaw shangai nhtoi gu nna, shinggyim machyi hkrum ai majaw jahtau nga ai hte maren, anhte na a man e rai nga saga ai.

YEREMIA 22:23

Arit hpun ni hta tsip tsip ai, Lebanon bum e shanu ai wa e, shinggyim machyi hkrum ai num zawn, nang machyi hkrum yang, matsan mayan gade wa hkrum nga n hka.

YEREMIA 30:10

Dai re ai majaw, nye a shangun ma Yaku e, hkum hkrit et; Israela amyu e, masin hkum kahpra et, nga nna Yehowa tsun ai: kaning rai nme law, yu u, ngai nang hpe sumtsan mung de na, na a aru arat hpe bawng dung ai shara kaw na, hkye hkrang la na nngai; Yaku gaw bai wa nna, kadai mung shi hpe n jahkrit ai, ngwipyaw ai hte ban sa nga na ra ai.

YEREMIA 4:21

Ngai gaw gaten du hkra, dawnghkawn hpe mu lu nna, pahtau ngoi ai nsen na lu na rai ta?

YEREMIA 4:31

Kaning rai nme law, shinggyim machyi ai num a nsen, kasha alat shaprat ai num madai ai nsen zawn, Ziun shayi sha ba galawp ai nsen hpe, ngai na nngai; shi gaw, Ngai hta dingnye nga ai law; masha sat ai ni a man e ngai myit htum nngai, nga nna lata lalam let shabam nga ai.

YEREMIA 48:41

Keriat hpe shaza kau nna, hpyen dap ni hpe gasat la lu ai majaw, Moba a n-gun ja ai ni a myit gaw, shinggyim machyi hkrum ai num a myit zawn, dai shani e tai na ra ai.

YEREMIA 50:43

Babelon hkawhkam gaw shanhte a shi na nna, shi a lata kya noi mat sai; shinggyim machyi ai num zawn, shi gaw tsin-yam tsindam hkrum nga ai.

YEREMIA 8:19

Yu u, nye amyu shayi sha a shabam ai nsen hpe, sumtsan mung kaw nna ngai na nngai: “Yehowa gaw Ziun mare hta n nga a ni? de a hkawhkam wa gaw, mare kata e n nga a ni? De a tawk la ai hpara sumla ni hte, sumtsan mung na kaman lila lam hkan let, hpa majaw ngai hpe pawt sindawng shangun ma ta?

SHARUNG SHAYAWT 4:20

Anhte a nsai nsa ngu ai, Yehowa a namman chya ai wa gaw, shanhte a nhkun hta rim la hkrum sai, Anhte mahtang, “Ndai wa a shingnip npu e, masha amyu ni hta anhte nga nga lu na ga ai,” nga nna tsun yu saga ai.

HOSEA 10:3

Gaja wa, shanhte gaw, Anhte Yehowa hpe n hkrit hkungga ai majaw, anhte hkawhkam n lu ga ai; hkawhkam lu timung, shi anhte a matu hpa galaw lu na rai ta? nga nna ya tsun na mara ai.

HOSEA 13:13

Shinggyim machyi ai num zawn, shi yawn hkyen hkrum na ra ai; shi gaw gam n rawng ai kasha rai nga ai: shangai nhtoi gu timung, madang nga ai ma rai nga ai.

HOSEA 3:4

Kaning rai nme law, Israela kashu kasha ni gaw, nhtoi na na wa hkawhkam n lu, du mung n pru, shagu hkungga n nawng ya, masat dingsat shadaw kata, hpa hkai lawng hte terahpim sumla n lu ai, nga nga na mara ai.

MIHKA 5:3

Dai rai nna shinggyim machyi ai num, kasha shangai ai aten du hkra, shi shanhte hpe ap kau na ra ai: dai shaloi e naw ngam nga ai shi a kahpu kanau ni gaw, Israela kashu kasha ni hte rau, nhtang wa na mara ai.

YAWHAN 16:21

Numsha gaw kasha shangai na rai yang, shi a shangai nhtoi gu sai majaw, yawn hkyen nga ai, rai timung, kasha shangai ngut jang, ndai dinghta ga e masha langai mi shaprat tawn nu ai majaw, kabu gara nga ai rai nna, shawng na ru tsang ai hpe bai n dum wu ai.

SHINGRAN 12:2

shi gaw na-um nasin rai nna, shangai na matu shinggyim machyi ai majaw, grai jahtau hkrap nga ai.