MIHKA 4:8 - Jinghpaw Hanson Version Bible

⁸ Sagu hpung a langchyi ngu ai, Ziun shayi sha a Ohpela bum e, nang up lu na ndai; gaja wa, shawoi na ahkang aya ngu ai, Yerusalem shayi sha a mungdan gaw, na a lata hta bai du na ra ai.

Jinghpaw Common Language Bible 2009

⁸ Yerusalem na nang Karai Kasang gaw sagu rem wa gaw langchyi ntsa kaw nna yu nga ai zawn shi a amyu masha ni hpe yu mada nga ai; dai mare gaw shawoi na zawn mungdan a mare daju kalang mi bai tai wa lu na ra ai.

MIHKA 4:8 ပူးပေါင်းရင်းမြစ်များ

NINGPAWT NINGHPANG 35:21

Dai hpang Israela gaw bai htawt nna, Edera langchyi lai nhtawm shi a sum gap wu ai.

2 SAMUELA 5:7

Dawi chyawm gaw Ziun ngu ai hpyen dap hpe gasat la lu ai; dai gaw Dawi a mare ngu ai, rai nga ai.

NEHEMIA 3:25

Uzai a kasha Pala gaw, bunghku magaw ai tawtap e mung, htawng wang makau, hkawhkam a lahta nta ndaw e nga ai langchyi hpe mung lajang wu ai. Shi a hpang e Parosha kasha Pedaia lajang wu ai.

SHAKAWN KUNGDAWN 24:7

Hpung shingkang rawng ai Hkawhkam wa shang lu u ga, Mare chyinghka ni e, tinang a baw hpe sharawt mu; Prat dingsa na chyinghka ni e, tinang a hkum sharawt mu.

SHAKAWN KUNGDAWN 48:3

Karai Kasang shawung shara rai nga ai gaw, De a htingnu ni hta e, shi madun dan ya mu ai.

SHAKAWN KUNGDAWN 61:3

Kaning rai nme law, nye a shingbyi shara hte, Gumlau ni a man e ngang ai langchyi, nang tai nga ndai.

Shawlumon A Mahkawn Ga 4:4

Na a du gaw, Dawi a langchyi hte bung nga ai: Dai hta e, share ninghkrin ni a ri nhtu hte, N-gang kaji kaba noi da nga ai.

ESAIA 1:26

Moi na tara agyi ni zawn re ai, ngai bai san da nna, nang hpe hpaji daw ya ai ni gaw, shawng na ni hte bung na mara ai: dai hpang na a mying hpe, Dinghpring ai mare, kangka re ai shara, nga nna kajai na mara ai.

ESAIA 10:32

Dai ni e pyi Noba mare e shi but na ra ai: Ziun shayi sha a bum ngu ai, Yerusalem kawng hpe sha-ang nna, shi a lata shada nga ai.

ESAIA 5:2

shi dai hpe htu lajang nna, nlung ni rawm kau nhtawm, kaja htum ai tsabyi ru ni hkai da wu ai; de a ka-ang e shi langchyi gap da nna, tsabyi shup ai htumrin tawk da wu ai: dai sun hta tsabyi si kaja si na shi myit mada nga timung, tsabyi chyalam hkrai si nga a hka.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

Daniela 7:18

Rai timung, Tsaw Htum ai Wa a chyoi pra ai ni gaw, dai prat dingsa e madu nga lu na mara ai,’ nga nna ngai hpe lachyum shapraw dan nngai.

OBEDIA 1:21

Esaw a bum hpe tara dawdan na matu, hkye hkrang la ai madu ni, Ziun bum de lung wa nna, dai mungdan gaw Yehowa a mungdan rai na ra ai.

MIHKA 2:12

Yaku e, na amyu ting hpe, ngai teng teng shinggyin la na nngai; gaja wa, Israela hta naw ngam nga ai ni hpe, ngai jahpawng da na nngai: Bozra mung na sagu ni hte, tinang a udat shara na sagu hpung hpe zawn, ngai shanhte hpe hpawng nga shangun na nngai; masha law ai majaw wu kadu nga ai.

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.

ZEHKARIA 9:12

myit mada nga ai bawng dung ni e, hpyen dap de nhtang wa manu: ngai nang hpe chyeju htam lahkawng jaw na nngai, dai ni jang ngai tsun da ni ai.

ZEHKARIA 9:9

Ziun shayi sha e, nachying kabu gara nga u; Yerusalem shayi sha e, garu jahtau u: yu u, na a hkawhkam wa nang hpang de du ra ai; shi gaw dinghpring nga nna, hkye hkrang la ai lam shapraw nu ai: shi gaw sumnung ai myit rawng nna, lawze a ntsa e, rai sa, lawze kanu a kasha ntsa e, jawn nga ai.

BU HKAWM 24:19

Yaku hta na madu Du langai mi pru nna, Naw ngam nga ai mare masha ni hpe hpya kau na wu ai,” nga ai.

MAHTE 21:33

Ga shadawn kaga hpe naw madat la mu; Nta madu langai mi tsabyi sun hkai sharam da nna, de a grup yin e nhpan kum da ai hte, dai hta e tsabyi htung htu da nna, langchyi gap da nhtawm, sun galaw ai masha hpe shap ya nna, kaga mung de sa nga mat ai.

MARKU 12:1

Dai shaloi ga shadawn hte hte shi shanhte hpe tsun hpang mu ai gaw, “Masha langai mi tsabyi sun hkai sharam da nna, grup yin e nhpan kum da ai hte tsabyi htung htu da nna, langchyi gap da nhtawm, sun galaw ai masha hpe boi ya da nna, kaga mung de sa nga mat ai.

EHPESU 1:21

du magam, hkang ai ahkang, hpung shingkang hte up ai aya lu ai ni nlang hte a ntsa e mung, ndai aprat hte htawm hpang na aprat e mying lu ai shingteng amying nlang hte a ntsa e mung, shi hpe shatsaw nna, sumsing lamu lahta tang hta, shi a hkra maga e dung nga shagun da wu ai.

SHINGRAN 22:5

Htawm hpang e shana mung n nga na ra ai; pyengdin a ahtoi mung, jan a nhtoi mung shanhte n ra ma ai: kaning rai nme law, dai Madu Karai Kasang gaw shanhte hpe ahtoi jaw na wu ai; dai hta n-ga, shanhte gaw htani htana prat dingsa up nga lu na mara ai.