MIHKA 4:6 - Jinghpaw Hanson Version Bible

⁶ Yehowa ning nga ai: Ngai gaw, dai shani e, lagaw hten ai ni hpe shinggyin la nna, gawt kau hkrum ai ni hte, ngai zingri zingrat yu ai ni hpe, hpawng shangun na nngai:

Jinghpaw Common Language Bible 2009

⁶ Dai Madu gaw, “Ngai zingri zingrat yu sai amyu masha ni hte bawng dung ai shara hkan nni nkri hkrum sha yu sai ni hpe bai shinggyin la ai aten du wa nga sai,” ngu nna tsun ai.

MIHKA 4:6 ပူးပေါင်းရင်းမြစ်များ

SHAKAWN KUNGDAWN 147:2

Yehowa gaw Yerusalem mare hpe bai de da ai wa rai nga ai; Bra mat ai Israela amyu masha ni hpe, bai shinggyin la mu ai.

SHAKAWN KUNGDAWN 38:17

Ngai kataw magang wa nga nngai, Ngai yawn hkyen ai nye a man e tut tut anga nga ai.

ESAIA 56:8

Dumbru dumbra rai nga ai, Israela masha ni hpe shinggyin la ai Madu Yehowa gaw, Ngai hte seng ai ni hpe shinggyin la ai hta kaga, shanhte hte rau tsasam amyu ni hpe mung ngai naw shinggyin la na nngai, nga nna tsun ai.

YEREMIA 3:18

Dai aten e Yuda dap na ni gaw, Israela dap na ni hte rau hkawm na mara ai rai nna, shanhte gaw dingdung maga na mungdan kaw nna rau pru wa nhtawm, nanhte a nji nwa ni hpe ngai jaw ai sali wunli ga de du na mara ai.

YEREMIA 31:8

Yu mu, ngai shanhte hpe dingdung mung de na woi wa nna, lamu ga htum ai de na shinggyin la na nngai: shanhte hte rau myi kyaw ai wa hte lagaw hten ai wa, gawngli ai num hte shinggyim machyi hkrum ai num, lawm nna, wunawng wuwa kaba wa na mara ai.

EZEKELA 36:24

“Kaning rai nme law, ngai nanhte hpe maigan amyu ni hta na shapraw la nna, mungdan ni yawng hta na shinggyin la nhtawm, nanhte a mung de woi jashawn na nngai.

MIHKA 2:12

Yaku e, na amyu ting hpe, ngai teng teng shinggyin la na nngai; gaja wa, Israela hta naw ngam nga ai ni hpe, ngai jahpawng da na nngai: Bozra mung na sagu ni hte, tinang a udat shara na sagu hpung hpe zawn, ngai shanhte hpe hpawng nga shangun na nngai; masha law ai majaw wu kadu nga ai.

ZEHPANI 3:19

Yu u, nang hpe zingri zingrat ai ni nlang hte hpe, ndai aten e ngai dawdan na nngai: lagaw hten ai ni hpe ngai hkye hkrang la nna, shabra kau hkrum ai ni hpe jahpawng da na nngai: ga ntsa ting hta kaya hkrum ai ni hpe, shakawn kungdawn shara hte amying shingteng lu ai amyu, ngai shatai na nngai.

LUKA 19:10

Masha Kasha gaw mat mat ai ni hpe, hkan tam nna hkye hkrang la na du sa ai rai nga ai,” ngu nna Zake hpe tsun wu ai.

YAWHAN 10:16

Ndai ulawng hte n seng ai sagu kaga mung ngai naw lu nngai: dai sagu ni hpe mung ngai woi wa lu na rai nna, dai ni mung nye a nsen madat na mara ai; shaloi sagu hpung langai sha, sagu rem wa langai sha, rai na ra ai.