MIHKA 4:5 - Jinghpaw Hanson Version Bible

⁵ Amyu baw ni yawng tinang hte seng ai hpara ni a amying gang let hkan hkawm ma ai; anhte chyawm gaw anhte a Karai Kasang Yehowa a amying gang let, htani htana prat dingsa hkawm nga saga ai.

Jinghpaw Common Language Bible 2009

⁵ Masha amyu baw shagu gaw tinang a karai hpe nawku ai hte madat mara ma ai, rai ti mung anhte chyawm gaw dai Madu anhte a Karai Kasang hpe htani htana nawku ai hte shi a ga madat mara na ga ai.

MIHKA 4:5 ပူးပေါင်းရင်းမြစ်များ

NINGPAWT NINGHPANG 17:1

Dai hpang Abram asak Jahku shi jahku ning du sayang, Yehowa gaw shi kaw dan pru nna, “Ngai gaw Chyahtum Chyalai n-gun rawng ai Karai Kasang rai nga ai; nye a man e hkum tsup let hkawm sa wa u.

2 HKAWHKAM 17:29

Rai timung, amyu langai hte langai tinang a Hpara sumla ni hpe galaw nna, tinang nga ai mare ni hta, Samari masha ni de da ai tsaw ai kawng ni a nta ni hta e, dai ni hpe shadun da mu ai.

2 HKAWHKAM 17:34

Dai ni du hkra pyi shanhte gaw moi na htung hking hte maren hkan galaw ma ai: shanhte gaw Yehowa hpe mung n hkrit hkungga ai hte, shi gaw Israela ngu nna shamying ai Yaku a kashu kasha ni hpe hkang da ai matsun maroi ga, madat da ai ga, jep ai tara hte htet da ai ga hpe hkan nang ma ai, n rai.

SHAKAWN KUNGDAWN 20:6

Yehowa shi a namman chya ya ai wa hpe hkye la nga ai gaw, ya ngai chye nngai. Shi a hkra lata hte galaw ai nsam amu hte, Chyoi pra ai lamu de na shi hpe htan ya wu ai.

SHAKAWN KUNGDAWN 48:14

Kaning rai nme law, dai Karai Kasang gaw, Htani htana e anhte a Karai Kasang rai nga ai: Si hkra shi anhte hpe woi wa na mi ai law.

SHAKAWN KUNGDAWN 71:16

Madu Yehowa a n-gun chyalai hte ngai sa du nna, Na a dinghpring ai hpe chyu sha, madun dan na nngai.

ESAIA 2:5

Yaku a dap ni e, sa marit; Yehowa a nhtoi hta hkan hkawm sa ga.

ESAIA 26:13

Anhte a Karai Kasang Yehowa e, nang hta shaje madu kaga ni anhte a ntsa e up masai; ya chyawm gaw, na a majaw sha, na a amying shingteng hpe anhte dum na ga ai.

ESAIA 26:8

Rai sa, Yehowa e, nang tara dara ai lam hta hkan sa let, anhte nang hpe myit mada nga ga ai; anhte a myit masin gaw, na a dan hkung ai amying shingteng hpe marit nga ai;

YEREMIA 32:40

ngai shanhte hpe n kau da, ngamu ngamai shangun na nga, ngai shanhte hte htani htana prat dingsa ga shaka tawn da na nngai; shanhte ngai kaw na n pru mat wa hkra, ngai hpe hkrit hkungga ai myit, shanhte a kraw lawang hta ngai bang da na nngai.

ZEHKARIA 10:12

Ngai gaw Yehowa hta shanhte hpe shangang shakang nna, shanhte gaw shi a amying hta, hkawm sa lu na mara ai,” nga nna Yehowa tsun ai.

KASA 14:16

Shi gaw, moi shawng na ni a ban e masha amyu baw shagu hpe, tinang ra ai hku hkan mu ga nga, dat tawn da mu ai;

TARA JAHPRANG 27:10

Dai re ai majaw na a Karai Kasang Yehowa a ga madat nga nu; dai ni ngai htawn tsun ai hkang da ai ga hte matsun maroi hpe hkan shatsup nga u,” ngu nna tsun mu ai.

KOLOSE 2:6

Dai re ai majaw, nanhte gaw Madu Hkristu Yesu hpe hkap hkalum la ai hte maren, shi hta e a hkawm nga mu:

KOLOSE 3:17

Nanhte hpa lam galaw myit yang, mung sumtu hta rai timung, magan bungli hta rai timung, Madu Yesu a amying nsang hpe gang let, yawng mayawng hte hpe a galaw nga nna, shi a marang e Kawa Karai Kasang hpe shakawn kungdawn nga mu.

YAWSHU 24:15

Shing n rai, Yehowa hpe jaw jau na nanhte n ra myit yang gaw, Hka wora hkran na nanhte a nji nwa ni jaw jau ai Hpara ni hte ya nanhte nga ai mung na Amori masha ni a Hpara ni hta, gara hpe mahtang jaw jau na gaw, dai ni jang lata la mu: ngai hte nye a nta masha ni chyawm gaw Yehowa hpe jaw jau na ga ai law,” ngu nna tsun wu ai.