MIHKA 4:4 - Jinghpaw Hanson Version Bible

⁴ Langai hte langai tinang a tsabyi ru hte, tinang a lakum hpun nhpang hkan e dung nga nna, shanhte hpe jahkrit shama na wa, kadai n nga ai: kaning rai nme law, Zaw nawng zaw wa up ai Yehowa a n-gup dai lam tsun nga ai.

Jinghpaw Common Language Bible 2009

⁴ Masha shagu gaw tinang a sabyi sun ni hte lakum hpun lapran hkan ngwi pyaw sim sa ai hte nga lu na mara ai, kadai mung shanhte hpe jahkrit na mara ai n rai. Chyahtum Chyalai N-gun rawng ai dai Madu gaw ndai lam hpe ga sadi tawn da nu ai.

MIHKA 4:4 ပူးပေါင်းရင်းမြစ်များ

1 HKAWHKAM 4:25

Shawlumon a aprat htum hkra Yuda hte Israela amyu masha ni langai hte langai, Dan mare kaw nna Berasheba du hkra, tinang a tsabyi ru hte tinang a lakum hpun nhpang hkan e ngwipyaw ai hte dung nga lu ma ai.

1 HKAWHKAM 5:5

Dai re ai majaw, Yehowa gaw nye wa Dawi hpe, “Na malai, na tingnyang hta ngai dang da na, na nsha gaw, nye a amying nsang a matu nawku nta gaw da na ra ai,” nga nna tsun da ai hte maren, nye a Karai Kasang Yehowa amying nsang a matu nawku nta gaw da na ngai maw nga nngai.

YOBA 11:19

Nang yup taw nga yang, kadai mung nang hpe jahkrit lu na, n rai; masha law law wa na a myi man hpe tam na mara ai.

SHAKAWN KUNGDAWN 72:3

Dingman ai hku majaw, bum ni hte kawng ni gaw, Amyu masha ni hpe ngwipyaw lam tawn da na mu ai.

GA SHAGAWP 3:25

Akajawng sha du ai hkrithpa hte, Tara n lang ai ni hkrum ai tsin-yam hpe hkum hkrit et:

ESAIA 1:20

Shing n rai, nyet kau let gumlau myit yang gaw, ri nhtu hte si na myit dai,” nga nna Yehowa n-gup nan tsun nga ai.

ESAIA 17:2

Aroera mare ni hpe kau da masai; de a mare dingsa ni hta sagu hpung ni hpum nga nna, shanhte hpe jahkrit ai kadai mung n nga ai.

ESAIA 22:25

Zaw nawng zaw wa up ai Yehowa chyawm gaw, “Grin nga ai shara hta dit da ai hpri maina gaw, dai shani e malaw mat nna, agrawp kau hkrum ai hte hkrat mat na ra ai; shi hta noi da ai lit gaw, gun kau ai hkrum na ra ai,” nga ai: kaning rai nme law, ndai lam Yehowa tsun da sai.

ESAIA 26:16

Yehowa e shanhte nni nkri hkrum yang, nang hta myit manoi nga masai; nang shanhte hpe shari yang, shanhte hpyi madai masai.

ESAIA 32:17

Dinghpring ai gaw, ngwipyaw ai shabyin na ra ai: dinghpring ai a akyu gaw, htani htana ngwipyaw ai hte myit maju jung ai, tai na ra ai.

ESAIA 36:16

Hezekia ga hpe hkum madat myit: Asuri hkawhkam gaw ning nga ai, Hpyen sim na lam hpyi mu, ngai hpang de pru marit; nanhte a mungdan hte bung ai, nai mam, tsabyi jahku hte hpring nga ai mung, muk hte tsabyi sun, tsanlun hpun hte lagat jahku hpring ai mung de, ngai nanhte hpe woi wa ai shani du hkra,

ESAIA 40:5

Yehowa a hpung shingkang mung dan pru nna ahkrang ashan yawng dai hpe rau mu lu na mara ai,” nga nna Yehowa a n-gup tsun nga ai.

ESAIA 54:14

Nang gaw dinghpring ai hte grin nga na rin dai: zingri zingrat ai gaw, nang hte tsan wa nna, nang hkrithpa hkrum na n rai: hkrit kajawng ai mung, nang hte tsan wa nna, na a makau de ni lu na n rai.

ESAIA 58:14

Yehowa hta nang awng sharawng nna, ga ntsa na tsaw htum ai shara ni a ntsa e, ngai nang hpe jawn shangun ai hte, na nwa Yaku a sali wunli hta nang hpe bau na de ai: kaning rai nme law, Yehowa a n-gup, dai ga tsun nga ai.

YEREMIA 23:4

Shanhte hpe bau na sagu rem ni, ngai shanhte a ntsa e tawn da nna, shanhte htawm hpang e hkrit kajawng nna mak mat na n rai; langai mi muk mat mat na n rai, nga nna Yehowa tsun ai.

YEREMIA 30:10

Dai re ai majaw, nye a shangun ma Yaku e, hkum hkrit et; Israela amyu e, masin hkum kahpra et, nga nna Yehowa tsun ai: kaning rai nme law, yu u, ngai nang hpe sumtsan mung de na, na a aru arat hpe bawng dung ai shara kaw na, hkye hkrang la na nngai; Yaku gaw bai wa nna, kadai mung shi hpe n jahkrit ai, ngwipyaw ai hte ban sa nga na ra ai.

EZEKELA 34:25

“Bai, ngai gaw shanhte hte ngwipyaw ga shaka tawn da nna, shanhte a mungdan hta na matse labye hpe shamyit kau na nngai; shing rai shanhte gaw nam mali hkan e a pyaw sha shanu nga nna, maling dinggram hkan e yup nga lu na mara ai.

EZEKELA 34:28

Maigan amyu ni, htawm hpang e shanhte hpe kashun kashe di lu na n rai; mungdan a matse labye ni, shanhte hpe amya sha lu na n rai; shanhte a pyaw sha nga lu nna, shanhte hpe jahkrit shama ai wa n nga lu ai.

EZEKELA 38:11

nang gaw, Mare kahtawng bunghku n kum ai mung de ngai lung wa na nngai; gaja wa, asan apan shanu nga nna, shakum n kum ai, htinggrang n grang ai hte chyinghka pyi n ra ai mung de ngai lung gasat na nngai;

EZEKELA 39:26

Ngai shanhte hpe amyu baw ni kata na shapraw la nna, hpyen ni a mungdan hta na shinggyin la ai hte, shanhte a jaw e maigan amyu law law a man e ngai shagrau shatsaw ai hkrum nna,

JAW JAU 26:6

Nanhte a mungdan hta hpyen majan ngai shasim ya nna, jahkrit shama ai wa n nga ai sha myit mu let yup lu na marin dai: n hkru ai matse labye mung ngai yeng kau ya nna, nanhte a mung ri nhtu hta na lawt na ra ai.

MIHKA 5:3

Dai rai nna shinggyim machyi ai num, kasha shangai ai aten du hkra, shi shanhte hpe ap kau na ra ai: dai shaloi e naw ngam nga ai shi a kahpu kanau ni gaw, Israela kashu kasha ni hte rau, nhtang wa na mara ai.

ZEHPANI 3:13

Naw ngam nga ai Israela masha mi gaw, n hkru n hkra ai amu galaw na, n rai; masu ga mung tsun na, n rai; shanhte a n-gup hta hkalem hkalau ai shinglet tu lu na n rai: kaning rai nme law, shanhte hpe kadai n jahkrit ai, shanhte lusha nna, hpum nga na mara ai.

ZEHKARIA 3:10

Dai shani e nanhte langai hte langai, tinang a tsabyi ru hte lakum hpun npu e, htingbu htingbyen ni hpe shaga na myit dai,” nga nna Zaw nawng zaw wa up ai Yehowa tsun ai.