MIHKA 4:3 - Jinghpaw Hanson Version Bible

³ shi gaw masha amyu law law a lapran e tara dawdan nna, tsan tsan e nga ai atsam rawng ai maigan amyu ni hpe jeyang na ra ai: shanhte gaw tinang a nhtu ni hpe, na jawn, tinang a ri ni hpe, nhkyau, dup kau na mara ai; amyu mi gaw amyu mi hpe shada hpyen gasat na n rai; shanhte gaw htawm hpang e hpyen majan sharin sana n rai.

Jinghpaw Common Language Bible 2009

³ Shi gaw masha amyu baw ni a lapran e mung, ni ai tsan ai shara na daru magam n-gun kaba lu ai ni a lapran e mung ndang kalang lam ni hpe daw dan ya na ra ai. Shanhte gaw shanhte a nhtu ni hpe najawn, shanhte a nri ni hpe nhkyi kasha ni dup kau na mara ai. Masha amyu baw ni majan de galoi mung pru sa na ma ai n rai, majan a matu galoi mung bai hkyen na mara ai n rai.

MIHKA 4:3 ပူးပေါင်းရင်းမြစ်များ

SHAKAWN KUNGDAWN 46:10

Amu sha nga mu, ngai Karai Kasang rai nga nngai, chye mu. Amyu baw ni hta ngai galu kaba wa nna, Ga ntsa e dan hkung nga na nngai.

SHAKAWN KUNGDAWN 46:9

Ga ting hta na hpyen majan shi jasim kau wu ai; Ndan pala hpe shi daw kau nna, Ri hpe kahtum kadaw di kau wu ai: Hpyen leng ni hpe wan hte nat kau mu ai.

SHAKAWN KUNGDAWN 72:3

Dingman ai hku majaw, bum ni hte kawng ni gaw, Amyu masha ni hpe ngwipyaw lam tawn da na mu ai.

SHAKAWN KUNGDAWN 72:7

Shi a aprat e dingman ai ni awng wa mu ga, Shata mat mat ai du hkra ngwi kaba rai nga lu u ga.

SHAKAWN KUNGDAWN 82:8

Karai Kasang e, dinghta ga hpe tara dara na rawt u; Amyu baw shagu na a sali wunli tai na mara ai law.

SHAKAWN KUNGDAWN 96:13

Kaning rai nme law, lamu ga hpe tara dara na, shi du sa nna, Shi gaw mungkan ga hpe dingman ai hte, amyu baw ni hpe sadi sahka hte, tara dara na ra ai.

SHAKAWN KUNGDAWN 98:9

Kaning rai nme law, lamu ga hpe tara dara na shi du sa nna, Mungkan ga hpe dingman ai hte, amyu baw ni hpe malang ai hku hte, tara dara na ra ai.

ESAIA 2:4

Shi gaw amyu ni a lapran e tara dara nna, amyu baw ga daga hpe jeyang na ra ai: shanhte gaw tinang a nhtu ni hpe najawn, tinang a ri ni hpe nhkyau dup kau na mara ai: amyu mi gaw amyu mi hpe nhtu n shaw ai hte, htawm hpang e hpyen majan sharin sana n rai.

ESAIA 25:3

Dai re ai majaw n-gun ja ai amyu gaw nang hpe shagrau sha-a na ra ai; gumshem ai amyu ni a mare gaw nang hpe hkrit kamyin na ra ai.

ESAIA 51:5

Nye a dinghpring ai tara ani sha rai nga ai; nye a hkye hkrang la ai lam pru wa sai; nye a lata gaw amyu baw ni hpe tara dara na ra ai; zunlawng ni gaw ngai hpe ala nga nna, nye a lata hta shamyet shanat na mara ai.

ESAIA 60:12

Nang hpe daw jau na n hkraw ai amyu hte mungdan gaw, hten mat na ra ai; gaja wa, dai amyu ni gaw, atsai awai htum mat na mara ai.

ESAIA 65:25

Chyahkyawn hte sagu kasha rau sha lu nna, hkanghkyi gaw dumsu zawn yi hku sha na ra ai; lapu a shahpa gaw, ga nhpu tai na ra ai: nye a chyoi pra ai bum ting hta e, shada da hkala nba ai hte jahten shabyak kau ai gaw, n nga na sai,” nga nna Yehowa tsun ai.

ESAIA 9:7

Madu gaw Yaku hpang de mungga shangun dat nna, dai gaw Israela ntsa e di hkrat nga ai.

Daniela 2:44

Ndai hkawhkam ni a aprat e, sumsing lamu na Karai Kasang gaw, prat dingsa e n hten n mat ai mungdan de da nna, de a ahkang aya gaw maigan amyu a lata hta galoi mung shang lu na, n rai: dai gaw ya tsun ai mungdan ni yawng hpe, agrawp shamyit kau nna, dai nan htani htana agrin nga na ra ai.

HOSEA 2:18

Dai shani e nang ngai hpe, Ishi, nga nna shaga na rin dai; htawm hpang e, Bali, nga nna ngai hpe shaga lu na n rai,” nga nna Yehowa tsun ai.

HOSEA 2:20

Dai shani e ngai shanhte a matu, pa ga na matse labye ni, ntsa malen pyen ai u ni, ga e gumrawt hkawm ai baw hte, ga shaka tawn da nna, dai mungdan hta na, ndan ri nhtu, hpyen majan jasim kau ai hte, shanhte hpe apyaw alaw yup shangun na mawe ai.

YOELA 3:2

maigan amyu ni yawng hpe ngai jahpawng nna, Yehosahpat kadit de yu wa shangun na nngai: shanhte gaw nye a sali wunli amyu Israela masha ni hpe, maigan amyu ni hta bra wa shangun ai majaw, dai yang e ngai shanhte hpe dawdan na nngai: shanhte gaw nye a mungdan hpe karan nna,

MIHKA 5:15

Nye a ga n madat ai maigan amyu ni hpe, pawt sindawng kahtet ai hte ngai dawdan na nngai, nga nna Yehowa tsun ai.

ZEHKARIA 14:3

Shaloi Yehowa gaw, hpyen majan aten e gasat gala nga ai hte maren, ndai amyu ni hpe gasat sa wa na ra ai.

ZEHKARIA 8:20

Zaw nawng zaw wa up ai Yehowa ning nga ai: “Masha amyu ni hte mare kahtawng na masha ni law law wa, naw sa wa na mara ai:

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.

KASA 17:31

kaning rai nme law, shi e san da sai wa a lata hte mungkan ga hpe dingman ai hku dawdan na nhtoi gaw, shi tawn da nu ai: dai wa hpe si ai ni kaw na shi hkrung sharawt la ai hte, dai san da ai lam hta, masha yawng a man e kam ram ai sakse tawn da nu ai,” ngu nna tsun nga ai.

SHINGRAN 19:11

Bai, sumsing lamu hpaw malang nga ai hpe, ngai mu nngai, shaloi, yu mu, gumra ahpraw dan pru nna dai hta jawn ai wa gaw, Kangka hte Tengman ngu ai wa rai nga ai; shi gaw dinghpring ai hku tara dara ai hte majan gasat nga ai.

1 SAMUELA 2:10

Yehowa hpe daw ai ni, agrawp kau ai hkrum na mu ai; shanhte a ntsa e mu shangoi dat na wu ai: Yehowa lamu ga htum hkra tara dara nna shi a hkawhkam wa hpe n-gun shaja na wu ai, Shi a Namman chya ai wa a nrung sharawt ya na wu ai,” nga nna shakawn wu ai.