MIHKA 4:2 - Jinghpaw Hanson Version Bible

² Maigan amyu law law wa, Sa marit, Yehowa a bum, Yaku a Karai Kasang a Nta de lung wa saga: shi gaw shi a lam anhte hpe sharin ya nna, anhte gaw shi a lam hku hkan sa na ra ga ai, nga nna hkawm let tsun shajang na mara ai. Kaning rai nme law, Ziun bum na jep ai tara, Yerusalem mare na Yehowa a mungga, pru na ra ai:

Jinghpaw Common Language Bible 2009

² shanhte a amyu masha ni gaw, “Anhte gaw dai Madu a kawng, Israela a Karai Kasang a Nawku Htingnu de lung wa saga. Shi gaw anhte hpe galaw shangun mayu ai lam sharin ya na ra ai; anhte gaw shi lata da sai lam hta hkawm sa na rai ga ai. Hpa majaw nga yang, dai Madu a sharin shaga ai ga gaw Yerusalem kaw nna rai nga ai; shi a amyu masha ni hpe shi tsun ai ga gaw Ziun kaw na rai nga ai,” ngu nna tsun na mara ai.

MIHKA 4:2 ပူးပေါင်းရင်းမြစ်များ

SHAKAWN KUNGDAWN 110:2

Yehowa gaw na a up hkang na sumdoi, Ziun kaw nna jaw dat na ndai: Nang gaw, nang hpe gumlau ai ni a ka-ang e a up nga u.

SHAKAWN KUNGDAWN 119:1

Tinang a lam hta mara n rawng ai ni hte, Yehowa a tara hpe hkan nang ai ni, a lu ma ai.

SHAKAWN KUNGDAWN 119:171

Nang gaw na a ga madat ngai hpe sharin nga yang, Nye a n-gup shakawn kungdawn ga shapraw na ra ai.

SHAKAWN KUNGDAWN 122:1

Yehowa a nta de anhte lung wa saga, Nga nna ngai hpe tsun nga ma yang, ngai kabu nga nngai.

SHAKAWN KUNGDAWN 25:12

Yehowa hpe hkrit hkungga ai wa kadai rai nga a ta? Dai wa gaw gara hku mai hkan na, shi hpe madun ya na ru ai.

ESAIA 2:3

Masha amyu ga daga, “Sa marit, Yehowa a bum, Yaku a Karai Kasang a nta de lung wa saga; shi gaw shi a lam anhte hpe sharin ya nna, shi a lam hku anhte hkan sa na ra ga ai: Ziun bum na jep ai tara, Yerusalem mare na Yehowa mungga pru na ra ai,” nga nna hkawm let tsun shajang na ma ai.

ESAIA 54:13

Na a kashu kasha ni yawng, Yehowa a sharin achyin ai hkam la nna, shanhte a ngwipyaw ai lam gaw, kaba la nga ai.

ESAIA 56:7

ngai gaw nye a chyoi pra ai bum de woi jashawn nna, nye a akyu hpyi ai nta hta kabu gara shangun na nngai: shanhte wan nat hkungga hte mayu hkungga hpe nye hkungri ntsa e hkap la na nngai; kaning rai nme law, nye a nta gaw amyu baw shagu baw shagu a matu akyu hpyi ai nta ngu na mu ai.

YEREMIA 31:6

Kaning rai nme law, Ehprim bum ga e sin nga ai ni gaw, Rawt mu, anhte a Karai Kasang Yehowa nga ai Ziun bum de lung wa ga, nga nna garu ai aten du na ra ai.

YEREMIA 42:3

anhte sa wa na lam hte, anhte galaw na ra ai amu ni hpe, na a Karai Kasang Yehowa anhte hpe madun dan mi ga, naw ngam nga ai ni anhte a matu, na a Karai Kasang Yehowa kaw hpyi nem tawngban ya mi, ngu nna hpyi mu ai.

HOSEA 6:3

Anhte chye na lu ga; Yehowa hpe chye lu hkra hkan tam ga: jahpawt manap teng teng du ai zawn, shi du pru na ra ai; shi anhte hpang de, marang shaya hte, lamu ga hpe madit ai marang shadoi zawn, du na ra ai.”

ZEHKARIA 14:16

Ya, Yerusalem mare hpe gasat sa wa ai masha amyu ni hta na, naw ngam nga ai ni langai hte langai, Zaw nawng zaw wa up ai Yehowa ngu ai, Hkawhkam wa hpe nawku na matu mung, dai sum poi hta lawm na matu mung, laning hte laning lung wa na mara ai.

ZEHKARIA 2:11

“Dai shani e, maigan amyu ni law law wa, Yehowa hte matut manoi nna, nye a amyu tai na mara ai: ngai gaw na a ka-ang e shanu nga nna, Zaw nawng zaw wa up ai Yehowa gaw, ngai hpe nang hpang de shangun dat ai, nang chye lu na ndai.

ZEHKARIA 9:10

Ngai gaw Ehprim a hpyen leng ni hte, Yerusalem a gumra ni hpe, jahtum kau na nngai; hpyen ndan mung, agrawp kau ai hkrum na ra ai; shi gaw maigan amyu ni hpe ngwipyaw lam tsun dan nna, nammukdara kaw nna, nammukdara du hkra, Uhprat hka nu kaw nna, lamu ga htum hkra, up nga na ra ai.

MARKU 16:20

Shanhte mung hkawm sa nna, shara shagu hkan e hkaw dan mu ai: dai Madu shanhte hte shingdep nna, shabyin lu ai lamik kumla ni hte dai mungga hpe shagrin ya mu ai.

LUKA 24:47

Yerusalem mare kaw nna, masha amyu baw shagu hpe yubak raw dat kau ya lu ai myit malai lu na lam hpe, shi a amying nsang hte hkaw tsun lu na mung, ning nga nna ka da nga ai.

YAWHAN 6:45

‘Masha yawng mayawng gaw Karai Kasang a sharin achyin ai lu la ai ni rai na mara ai,’ nga nna myihtoi laika ni hta ka da ai hte maren, nye Wa kaw na madat la nna, sharin achyin la ai ni yawng hte gaw, ngai hpang de du sa ma ai.

YAWHAN 7:17

Dai wa a myit hkan mayu ai wa rai yang gaw, sharin shaga ai ga ndai, Karai Kasang kaw na re ai, shing n rai, nye a myit hte tsun nga ai ga re ai, chye ginhka lu na wu ai.

KASA 1:8

rai timung, Chyoi pra ai Wenyi nanhte a ntsa e du jang, nanhte n-gun atsam lu la na marin dai rai nna, nanhte gaw Yerusalem mare hte Yuda mung ting, Samari mung hte lamu ga htum hkra, nye a sakse ni tai na marin dai,” ngu nna shanhte hpe tsun mu ai.

KASA 13:42

Ya shan pru wa yang, ndai ga hpang na laban nhtoi hta mung bai hkai dan na shanhte hpyi ma ai.

ROMA 15:19

Shing rai, dai ni hpe tau yu nna, Yerusalem kaw na Ituri mung ginwang grup hkra, Hkristu a kabu gara shiga ngai hkaw jahproi dan ni ai.

TARA JAHPRANG 6:1

Nang hkum nan hte na a kashu kasha ni, na a Karai Kasang Yehowa hpe hkrit hkungga let, ngai nang hpe hkang da ya sai matsun maroi hte hkang da ai tara nlang hte hpe prat dingsa hkan nang lu na hte na a prat galu nga lit ga nga;